بوصي ياحبيبتي انا ماقريتش من اول ردك على مشكلتي اصدق معلش

انتي تفاصيلك كتيرة اوي اوي اوي

المهم انا هقولك حاجة

خديها من مبدأ تاني خالص

مبدأ ان البيت ده ملكك ومملكتك وان ده زي شركتك ودي موظفة جاية تشتغل عندك وبينك وبين الموظف ده عقود والتزامات عمل والخ الخ

المهم ينفع ان في موظف في شركتك يكون بالمنظر ده

انتي كدا مش ادارية ناجحة ومش قادرة تكوني مديرة شاطرة

ماينفعش ترخي الحبل اوي وفي نفس الوقت تشدي طول الوقت

لازم تعرفي امته تشدي وامته ترخي

من امته الواحد لما بيكون عنده موظف بيفكر اصله معلش جاي من بيئة فقيرة والخ يبقى الشركة مش هتمشي وهنفتحها سبيل

لأ الشغل شغل ...

فاهماني

دي مملكتك وانتي الملكة ماتسمحيش بحاجات زي دي تحصل

هي تحافظ على مكانها وانتي تحافظي على مكانك

عاوزة تعملي الخير ليها يكون على هيئة حوافز ومكافآت زي الموظفين بالظبط غير كدا بلاش ..

هي مش جاية تتشمس في بريطانيا والقانون عندك بيحميها عشان كدا هي ممروعة وممكن مكان تلبسك قضية وانتي في البيت بتمثيلها ده

رأيي معلش لازم تسفريها وتعملي ورقها وهي مش حاسة وقبلها بشوية صغيرين تقوليلها انك هتنزليها

بحيث انها ماتفكرش في مصيبة توديكم بيها ورا الشمس

وبالنسبة لإبنك وللبيت بريطانيا والدول دي بتقدم رعاية حلوة للأطفال وللستات عندكم عشان عارفين ان في كتير ستات بيشتغلوا وهما محتاجين ناس منتجة .. فمعش شوفي ازاي الستات متعايشة واعملي زيهم

الشغالة دي بقت هم اكتر منها راحة ... معقول جوزي يبقى عاوز ياكل وأعمل حساب للشغالة وزعلها في أكله

ده عيب في حقك حتى !!

__________________

رووح ..
والله شوي و يغمى علي ..

هذي بلاء الله يكفيك شرها ..
اقولك فتحي عيونك وانتبهي على ولدك ..
من جد خايفة عليك وولدك وزوجك منها ..

__________________

فعلا فعلا ياروح مسألة تطلقي من زوجك..وزوجك مجرم....لا وبدها ابنك كمان....عشان هيك كوني حذرة منها..ولما تحجزيلها مااتخبريها متل ماقالت حلواية..بتخافي لاسمح الله يكون لديها نية سيئة...الله يحميكم..اللهم من اراد بكم شرا فأشغله في نفسه.

__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}

__________________

روح الطير هدي بالك يالغاليه

أمور العمال يحتاجوا صبر كثير وحكمة كبيرة

أختي أول شيء تعمليه أنك تكوني حازمه وليس ظالمه حشاك طبعا
الطيبة الزايده والمسايره لا تنفع أنت تديري بيتك وأنت اللي تضعي القواعد فيها وكل شيء مبني على الوضوح

لما تهدى اعصابك إجلسي أنت وزوجك وخذي ولدك وطلعوا برى البيت بدون العاملة خبري زوجك بشكوك كلها وإقترحي عليه أنكم تسفروها مسألة التهديد لازم تحطيه في بالك هذولا ما يتكلموا عبث وإحرصي على ولدك
إحجزي لها ولكن لا تخبريها بأي شيء وجهزي لها كل امورها وبعدين خلي زوجك يطلعها ويوديها للمطار على طول ما في جدال الموضوع خطير وفيه تهديد

والله يالغاليه هما ينرحموا كثير إحنا في اليوم الواحد نتضايق ونتنرفز كثير وأحنا احرار أنفسنا كيف هما اللي متغربين وتحت مسؤوليه غيرهم ولكن أحيانا هما يضيعوا على انفسهم ويخربوها وشكلها هي أصلا ما تريد تعمل تريد ترجع لبلدها فسفريها أريح لكم وممكن في هذي الفترة تودي إبنك لحضانة مضمونه

الله يطمن بالك ويحفظك لك ولدك

سامحوني ،،
أمس كنت مرة متضايقة و ماكنت حابة أخد قرار و أنا معصبة و أظلم أحد ..
و كلامي كان ملخبط مرة
( أحس لساني بدأ يتعوج مع الدراسة بالإنجليزي ؟؟؟؟؟؟ فاستروا ما واجهتوا ؟؟؟ )

المهم ..
أمس وصلت معاي لآخر مرحلة ..

و بالفعل ..
( اتق شر الحليـــــــم إذا غضب )

__________________________________________________ _

ألخص المشكلة على نقاط علشان لا أطول بالكلام

1 - أنا مغتربة مع زوجي و طفلي و بأدرس و دوامي طويل و صعب و احتجت لوجود شغالة بسبب عدم
وجود ( حضانات ) و ظروف أخرى .. و أمي كانت عندها شغالة أكبر مني و من زوجي ،،

2 - شغالة أمي قبل لا أنقل كفالتها ، كانت تعرف إني بأسافر أدرس في الخارج و تقول خذيني معاك
؟؟؟ و على بالها بتجي تتمشى هنا و أمي توثق فيها لدرجة تحكي لها كل شئ .. و كانت تنظر لأمي
نظرة ( إنها مسكينة على نياتها ).

3 - سألتها قبل لا أنقل كفالتها : موافقة تجي معاي و انقل كفالتك و لا أجيب وحدة تانية ؟؟؟
قالت موافقة و ماعندي مشكلة ،، بعد ما نقلنا كفالتها و تطمنت هي إنه الكفالة انتقلت خلاص و كل
شئ ( تمام ) .. جات غيرت رأيها ، قالت ما أبغى أسافر إلا بشروطي .. طبعا رواتب الشغالات كانت
600 وقتها ،، و طلبت أعطيها 1000 ريال شهريا + يكون بالباوند البريطاني لإنه أغلى + تقول لا أحد يقول لي اعملي و سويي و شيلي ،، اتركوني براحتي ( مع إنه أمي مريحتها مرة في البيت )

( مع العلم إني كنت ناوية أعمل كذا ، من غير ما تتشرط هي .. بس انقهرت من طريقة استغبائها لنا
و صرت من حالي أعطيها 1200 بدل 1000 )

4 - جبتها ، أعطيتها غرفة و سرير و كل شئ جهزته لها ، و ما أطلب منها أي شئ غير إنها تجلس مع
ولدي يوم أكون في الجامعة .. و بعد كذا تجلس في غرفتها لحد تاني يوم ، و أسواق و تمشيات و
الحمد لله كل شئ تبغاه متوفر ،، و أنا و زوجي عمرنا ما كلمناها غير بأسلوب محترم و مهذب..

5 - جات هنا و حسبت الدنيا فلة و طايرة من الفرحة ، تقول عمرها ما شافت بريطانيا ، و حصلت مواقف
منها ( طبعا انعكست 180 درجة عن اللي كانت في بيت أهلي ) .. و تعبت علشان أعلمها إنه هناك حدود تلتزمها و مرة تطلب مني أروح ( البار ) و مرة تبغاني أمشي ( بشعري )آخر شئ فقدت الأمل
و قالت لي ( ما كنت أدري إنك مثل أمك بأفكارها - إنها محافظة و كذا )

6 - عاملتها بشكل كأنها هي ( صاحبة البيت ) و الله بدون مبالغة ،، كأني أنا و زوجي ( نشتغل
عندها ) و هي ( المسؤولة عننا ) .. و للدرجة اللي صارت تاخد أشياء البيت و تعطيها للجيران بدون إذن
مني و أسكت لها ،، و إذا قلت كلمة ( ردت بعشر كلمات و ما سكتت ) .. و أنا أداري مشاعرها أقول
مسكينة ضعيفة.

7 - بعد ما عاشت معنا سنة و كم شهر هنا ، بديت أفهم تفكيرها و ( للأسف خبثها ) .. لإنها ذكية
و غامضة ، لدرجة أهلي ما يصدقوا الحكايات اللي بتطلع منها هنا ،، و هي على حسب الشخص اللي
قدامها ، تظهر له الوجه اللي يناسبه. مثلا إذا اشتغلت عند ناس ملتزمين ، عملت نفسها تقية و تخاف
الله ، إذا و الله ناس فريي ،، صارت مثلهم. المهم .. تكسب رضا اللي قدامها عشان تكسب ثقته.

8 - هي ذكية و تفهمني لإنها عاشت مع أهلي ، و تعرف متى أكون متضايقة و متى أكون مبسوطة ..
و كل مين شافها قال ( ذكيييية شغالتكم ) .. فيوم أكون مبسوطة ، تقلب وجهها كم يوم لحد ما
أتخاصم مع زوجي و تفرح .. و لاحظت كم مرة أكون مبسووطة ، تجي تنكد علي بأي طريقة و تجي
تشتكي من زوجي بأي طريقة علشان أتخاصم معه ( و أنا دايما أقول له - سيبها في حالها - ماني
ناقصتها ) ،، مع إنه ماهو غلظان - مجرد إنه يطلب أي شئ ،، و هي ما تبغاه يقول لها ( اعملي كذا )
و شافت زوجي طيب معاي ، فصارت تستهين به .. و زوجي الصراحة دايما يعاتبني على إني مدلعتها
و علشان كذا يحاول إنه ( يفهمها مين صاحبة البيت و يحسسها إني أنا الكل في الكل و هي و
لاشئ ) .. لإني مثل ما قلت .. ( ترد علي بأسلوب غير مهذب ) و أنا أراعيها ( أقول ما تقصد مهما كان
مو لغتها ).

9 - يوم تشوفني متضايقة ، تجيني بشكل إنها ( خايفة علي و تحبني ) و تنصحني - يعني زي اللي
يدس السم بالعسل .. و تحكي لي عن نفسها كيف كانت تتعامل مع زوجها لحد ما تطلقت منه
و اشترت حريتها ، و تقول إنتوا السعوديين متخلفين ، تخافوا من الطلاق و نحن عندنا عااااادي ..

طبعا هي عندها أسلوب في الكلام ، تبدأ عادي بالكلام .. ثم تقيس نبضي و بعد كذا تحكي أي شئ
علشان تدخل براسي أفكار ( طبعا أنا أسمع لها أحيانا ، أقول ماعندها أحد تتكلم معه ،، و إذا بدأت
تزودها ، أقوم أعمل نفسي مشغولة و أطنشها و هي تقوم و تفهم .. أو أقلبها تريقة و مزح و أقوم.

10 - لإني صرت فاهمتها و كاشفة أوراقها ،، فصارت ماهي عارفة كيف تدخل لي من أية مدخل ؟؟؟؟
و من أسبوع و هي قالبة وجهها و تحاول تعمل لي أي مشكلة ،، و أنا أتعامل ببرود معها و تطنيش..
أنا أهم شئ عندي أخلص هذه الأشهر على خير ، و أسجل ولدي في المدرسة ..

11 - دايما تهددني و تقول بأسافر ( طبعا لازم تكمل سنتين ، هذه شروط العقد ) .. و أنا أخد بخاطرها
و أجلس أراعي مشاعرها .. و وعدتها إن شاء الله ألاقي لها حجز بأقرب فرصة في شهر 3 و عقدها
يخلص في رمضان المفروض.

12 - هي تتجسس دايما علي و على زوجي ، و أفتكرت دحين إنها قلبت علي من أسبوع . يوم كنت
بأكلم حماتي و بأقول لها ( بأسجل ولدي في المدرسة إن شاء الله و الشغالة خلاص بأسفرها ) ..
فشكلها الشغالة عرفت إني ماني بحاجة لها ( لإنها بس تهددني إنها تسافر و ماهي بحاجة لنا )
طبعا هي جمعت ماشاء الله ثروة من جلوسها هنا .. و كنت ناوية أسفرها و أرسل لها شهريا مساعدة

13 - أنا ماني قادرة أتحملها ، لإنه ( هذا غيض من فيض فقط ) .. و أمس شافتني متضايقة شوي
و انقلب وجهها 180 درجة و تضحك بصوت عاااااالي و ماهي قادرة تمسك نفسها من الضحك ..؟؟؟؟
و تركت شغلها و جات تجلس معاي بحجة إنها تأكل ولدي و جلست تحلفني إنها بتقول لي شئ ، بس
ما أقول لزوجي ،، قلت لها قولي ؟؟؟؟؟؟؟؟؟؟؟

تقول ، إنت عايشة مع ( مجرم + ممثل كبييييير ) ..؟؟؟؟؟
قلت لها و ليش تقولي كذا ؟؟؟ قالت أنا دايما أكون في غرفتي و إنت في الجامعة ..
أسمعه بالجوال يكلم الشركات و البنوك و يعمل نفسه ( فلان ) و يخليهم يحولوا الفلوس على حسابه ؟
قصدها إنه تجي رسايل على عنوان بيتنا، تكون خاصة للسكان اللي قبلنا ،، فزوجي يفتح الرسالة و
يتصل مثلا على البنك و يقول ترى أنا فلان ووو إلخ

( عرفت إنها هبلة .. لإني أعرف بريطانيا هنا .. إذا كنت صاحب الشأن نفسه ما يعطوك مستحقاتك
إلا بعد ما يسألوا عن بيانات دقيقة و تاريخ الميلاد و كلمة السر ووو إلخ ) ..

و تقول لي ( حرام تعيشي معاه ، هذا لازم تخلصي دراستك هنا و تتطلقي منه ) و شوي تقول لي
( ترى لا يحسب زوجك إنه بيوم من الأيام ياكل حقوقي ، ترى هنا فيه شرطة و أنا عندي سفارتي
يدافعوا عني ) ؟؟؟؟؟؟؟

14 - أمس و للمرة السابعة يمكن خلال سنة و 3 أشهر ،، تقول لي ( أبغى أخد ولدك معايا يعيش )
أرد عليها ، ترجع تقول لي ( ما أمزح معاك ، من جد بأتكلم أنا .. هذا أنا ربيته و صار ملكي أنا ) ؟؟؟؟

و أمس تقول ( أبغى أسافر و أعطيني ولدك ) ؟ قلت لها ( يا بنت أمي كان الأولى أعطيها ولدي ) ..
تقول ( أنا ما أمزح ، أنا من جد أتكلم ،، دحين دحيييين ردي و قولي ايوة .. هاتيه أنا أربيه معايا و عيشي
مع زوجك و جيبي واحد غير ولدك هذا ،، و ولدك هذا خلاص انزرع داخل قلبي و ما أقدر أشيله ) ؟؟؟؟

من جدها تتكلم ، لإني يوم أرد عليها ( تطالع فيا بجد و تقول ما أتريق لا تضحكي ) ..
و مرة قالت لي ( و الله العظيم أتكلم بجد ،، إنت أعطيني هو و أنا مستعدة أعيش طول عمري ببلاش
عندك و من غير راتب و لاشئ .. و نفس الوقت تقول هاتيه أربيه في اندونيسيا )

15 - بعد ما جيت أمس و أنا خلاص من جدددددد ماني قادرة أصبر عليها أكثر من كذا ..

* هذه المستجدات *

قمت الصبح بدري ، و استهديت بالله و قلت بأجلس أذاكر و افتكرت ردودكم الرائعة و حسيت قد إيش
إني ( هبلة بنظرها ) .. و ما كنت حاسة بخطورة كلامها عن ولدي ،، لإنه يوم أختي سمعت كذا و زوجة
أخوي ، حذروني منها و قالوا كلمتها ترى ( خطرة و لازم تاخدي حذرك منها ) .. بس كنت أقول ما تقصد

المهم ،، قمت و ما أبغى أشوف وجهها ،، لإني تحملتها كثير و قمت بأكلمها و ما قدرت أسكت ..
و صليت ركعتين و استخرت ،، لإني ما عمري جرحتها و لا ضايقتها بالكلمة ، علشان لا تقل أدبها ،، و إذا
وصلنا للمرحلة هذه فما راح أخليها يوم واحد عندي ،، حتى لو دفعت عشرات الألوف..

كانت توها صحيت ،، و أنا جالسة بشرشف الصلاة ناديتها بإسمها .. و كنت مقررة إني خلاص ما أبغاها
و يصير اللي يصير .. ( يكفي انذليت علشان خاطر ولدي ) ..

جات و وجهها كالعادة ( كشرة ،، يعني وجهها دايما عابس و تتكلم من طرف خشمها ) ..
قلت لها ( أنا كلمت أمس مستر ( زوجي ) .. و قلت له إنت تبغي تسافري .. و قال لي .. هي عقدها
سنتين و لو خلصت السنتين من عيوني أسفرها .. بس دام تبغى تسافر من بدري .. فخليها تجيب قيمة التذاكر وو أحجز لها من اليوم و سافري خلاص ..)

قامت تكشر كالعادة هي حجمها ضعفي مرتين ماشاء الله ، و زادت هنا ضعفين كمان من قلة الحركة ..
بس أقصر مني .. و خفت تهجم علي
و ترد علي ( و تقول و ليش غيرتوا كلامكم ؟؟؟ )
قلت لها ( أنا ما كنت أدري و يوم قلت له أمس .. قال لي قوليلها كذا )

قلت لها ،، هو يقول ليه ما قلتي لنا من زمان من قبل لا تجي إنك تبغي تجلسي بس سنة وتسافري ..
كنت طلبت وحدة تانية و تجي تجلس معاي هنا ؟

قالت ( أنا سألت أمك و قالت بس سنة و خلاص و تسافري اندونيسيا ) ..
قلت لها ( و إنت ليه تسألي أمي ؟ ليه ما تسأليني ؟ بعدين أنا اتفاقي معاك سنتين و إنت وافقتي ) ..

( هي كذابة ، لإني من يومين ، يوم قالت لي سفروني - تهددني عشان عارفة إني محتاجة لها - ..
و سألتها متى المفروض تسافري ؟ - علشان أبغى أسمع الإجابة منها - قالت لي : في رمضان )

___________________________________________

قامت تقول لي ( طبعا أنا قلت إنها ترد بدل الرد عشرة ) ..

و قبل كذا قالت لي - ترى أنا جالسة بكيفي ، و لا أقدر بكل سهولة إذا ما عجبني الشغل أشرد ؟؟؟
( تقهرني لإنها تجي تقولي كذا و أنا أكون معاملتها بكل احترام ؟؟؟ يعني بجد عيييييب كلامها )

جلست تقول لي ( إنت إيش اللي قالبك اليوم ؟؟؟ أمس ما كان فيك شئ ؟؟؟؟؟ و هاتي كم قيمة
التذكرة و دحين ألم أغراضي )
ملاحظة : ( طبعا أنا ما راح أخليها تدفع قيمة التذكرة .. مو علشانها ،، علشان ربنا ) ..

قلت لها ( أنا أمس تضايقت من كلامك ، يوم تقولي سفارة اندونيسيا و شرطة ؟؟؟؟؟؟ مافهمت معنى
كلامك .. فهميني إيش تقصدي ؟؟؟؟ أحد مضايقك بشئ ؟؟؟ أنا عمري عاملتك بقسوة ؟ عمري
ضايقتك بشئ ؟؟؟؟؟ مو بأعاملك مثل أختي ؟؟؟؟؟ و خرجت و أنا متضايقة مرة منك )

صرخت علي و قالت لي ( بس خلاص ، ما أبغى كلام ) ..

( طبعا أنا أول مرة أعاملها كذا .. بس خلاص من جددددد ما ينفع معها و ربي اللي شايف كل شئ ..
و دايما يوم تتكلم و ترد علي ،، أستناها تخلص للأخير و أسمع لها )


قلت لها ( تعالي هنا أوقفي ، إيش اللي خلاص كلام اسكتي ؟؟؟؟ أنا شغالة عندك تسكتيني ؟؟؟؟؟ )
قالت ( لأ .. أنا الشغالة .. إيش فيك معصبة ؟؟؟؟؟ و أنا اللي مجلسني بس إنت علشان و علشان
ولدك ) ..
قلت لها ( أنا عمري أذيتك بشئ ؟؟؟ ردي ..؟؟؟؟ فهميني إيش تقصدي بكلامك لي أمس ؟؟؟؟ )

طنشتني و راحت غرفتها و صكت الباب .. قلت لها ( تعالي هنا ما خلصت كلامي ) ..
رحت غرفتها و دقيت الباب أول شئ ثم فتحته ،، و جالسة تلم أغراضها و معطيتني ظهرها و تقول ما أبغى أتكلم ..

- طبعا طول الوقت و أنا أتكلم معها بحزم ،، بس بهدوء و بإتزان - ..
و هي تنافخ كل شوي .. بأوصف الموقف علشان أشوف هل أنا غلطت ؟؟؟؟

قلت لها ( شوفي ،، أنا عمري ما عاملتك مثل ما أختي الكبيرة تعاملك - طبعا هي تخاف من أختي ،
لإن أختي تشغلهم مضبوط و شغالاتها كلهم زي الألف - و يوم كانت أختي تزور أمي ، كانت تجري هذه
الشغالة و تلمع البيت ،، أنا أتعامل معاك زي أختي و لا عمري ضايقتك بشئ ،، بس ربي هو الشاهد ..
أنا اشتكي لربنا و ربنا ياخد لي حقي .. إنت سافري و ما أبغى منك شئ ،، بس ربي ما راح يضيع
أجري و شايف كل شئ ) <- أخدت بنصيحة مشكلتي أصدق ..

قامت ترد و تقول دحين ألم شنطتي و معطيتني ظهرها ،، قلت لها جهزي شنطتك ..

و جات تبغى تدف يدي و تطلع من الغرفة ،، قمت قلت لها - قبل لا تسافري أعطيني صور ولدي كلها و
أي صورة لنا عندك و أنا الغلطانة اللي تعاملت معك كذا .. بس بعد كذا إذا بيوم جبت وحدة تانية تشتغل
عندي .. مستحييييييل أعاملها زي ما تعاملت معاك ، و كله بسببك إنت .. و يوم القيامة نتقابل و ربي
شايف كل شئ .. و أنا ماني مسامحتك على كل شئ تعمليه ) ..

__________________________________________________ ________________

بس تركتها و رحت غرفتي ،، و اتصلت على أمي سألتها و قالت لي ( لأ ما عمري قلت لها ؟؟ )
بس قلت لأمي .. خلاص أنا ما أتحمل أكثر من كذا .. بأسفرها و ولدي بأتصرف معه و أشوف كيف ؟؟؟

و قالت لي ( جيبيه عندنا يجلس كم شهر ) .. و أمي أمنيتها إنه ولدي يجلس معها ..

طبعا ولدي يحب أمي أكثر مني .. و أنا باقيلي 4 أشهر و أخلص الترم التاني إن شاء الله ..
و مشروع التخرج مو لازم أداوم فيه غير مرة بالأسبوع و يكون زوجي بدأت إجازته و ولدي دخل المدرسة.

أنا بجد تعبت منها و صارت مواقف من قبل و كنت أحط لها أعذار ،، لكن مع آخر موقف لها ،، إنها تقول لي بس خلاص
اسكتي ما أبغى أتكلم ،، و تروح غرفتها و تطنشني و أنا ما عمري قاطعت كلامها و أحترمها لحد ما تخلص ( ردها علي )
؟؟؟؟ و تعاملني كذا .. و كل شوي أقول عشان ربنا .. بس ربنا ما يرضى بكذا ..

خلاص بجد ..

طبعا هي بتكون كويسة و تمشي تمام ، يوم أمشي كلمتها في البيت و تصير هي اللي تأمر و تنهي ..
لدرجة إني كرهت بيتي و الله عشان ما أبغى أشوف وجهها ،، و إذا بيوم كلمتها ، ترد علي و تقل أدبها
و تكشر أسبوع كامل و تعاندني ..

طبعا ،،
كلمت زوجي و قال خلاص بأحجز لها الأسبوع الجاي .. ماعندي مشكلة ..
لإنه من زمان مو طايقها و ساكت لها علشان دايما أهدي فيه و أقول و الله مو خوف .. بس عشان ربنا ..
و ما نبغاها تضر الولد لا سمح الله

المشاكل اللي راح تواجهني علشان سفرها :

1 - عندي نهائيات و مشاريع نهائية و الترم الثاني بنبدأه الإثنين هذا .. بس مو مشكلة أقدر إن شاء الله أوفق مابين ولدي
و مشاريعي ،، بس ( مشكلة الدوام ،، جدولي من الساعة 9 الصبح لحد الساعة 6 المغرب أحيانا )

2 - فيزة الشغالة انتهت من فترة و زوجي نسي يجددها ،، فما أبغى مشاكل تجي لزوجي و تأثر على دراسته ..

3 - ولدي إذا فكرت مثلا أرسله عند أمي ( هو يموت فيها و أمي تتمنى أرسله عندها ) .. لحد ما يبيدأ دراسته في شهر 4
فجواز سفره مع الهوم أوفيس علشان تجديد الفيزا و تاخد لها أقل شئ شهر ؟؟؟؟

هي تطلقت من زوجها قبل لا تجي هنا ، و كل شوي تقول لي نحن أحسن منكم نتطلق بسهولة

و معليه ماقدرت أسايسها أكثر من كذا ،، تحملتها من أسبوع و هي تنافخ فيا و أمس انقلبت و تضحك
يوم شافتني متضايقة و تكركر كمان من قلبها ؟؟؟؟ قلة أدب بجد .. و المشكلة عند أهلي مؤدبة كانت
علشان تخاف من أختي و تخاف من أخوي لإنه عصبي مرة ..

و مو مشكلة الفلووس ، أصلا لحد ما أجيبها خسرتنا عشرات الألوف ..
بس أقول أهم شئ ولدي يكون مرتاح في البيت ، و لا أخده الحضانة من الصبح يوميا و أرجعه ..

و أنا يوم عصبت على ولدي ، لإنه أخلاقه بتخرب يوم يكون معها طول الوقت ..
بس يوم أفضى ، بأجلس معاه و ترجع نفسيته تتحسن ،، و كل شوي أصبر حالي و أقول بس كم شهر
و تعرفي الماجستير في بريطانيا ( كيف ضغط مو طبيعي ) ..

يووووووووووووووووووووه من جد هذي تقول تاخذ ولدك


من جد يعني من جد مو مزح !!!!!!!!!!!!!!!!!!!!!


طيب الحين وش السالفه؟


وينها وينك انتي ولدك وين ؟ كم لك من يوم كلمتيها؟ ساعه ثنتين ؟ وينها الحين؟