الله يعظم اجرك اختي

العصبية كارثة خصوصا عصبية الرجل فما بالك بعصبية وبخفة عقل وآسفة على هالكلمة

بس لو كان عاقل ماجاب اهله وسبب قلق لكم ولهم وهم كيف يطاوعونه ويجون عند كل مشكلة من جد ناس رايقة

وخصوصا انه مايدخل اهله للصلح لا يدخلهم عشان يزيد الطين بله

وعسى هالاشياء اللي يسويها فيك تصير قدام البنات ؟؟

فالمصيبة كذا بتصير مصيبتين لانه باسلوبه هذا يدمر طفلتين بريئتين

ويسبب لهم عقد نفسيه راح تأثر عليهم بحياتهم كلها حتى بعد مايكبرون

اختي الله يعينك وارجعي بعد فترة بعد ماتهدين نفسيا ويهدا هو عشان بناتك يعيشون بكرامتهم

وادعي ان الله يصلح حالة واجلسي مع احد عاقل من عائلته وقولي اذا طلب منكم تتدخلون ارفضوا عشان يصير له حد

ويمكن بكذا يتعقل ويبدأ يترك هالعادة اللي تزيد المشكلة وصارحيه باسلوب وهو هادي قولي له ارجوك اترك هالعادة

وخل مشاكلنا بيننا بس وحاول تخفف العصبية خصوصا ان حياتنا مهدده يعني مابقى الا طلقه وده

والله يوفقكم ويستر عليكم ويصبرك واحاولي تحافظين على بناتك وترممين نفسيتهم

الله يخليهم لك