الخوف من الحمل بالطفل الثاني بسبب عقدة الولاده

13-03-2010, 04:52 PM

#21

قلبي طفل مغرور

عضو مميز

تاريخ التسجيل: Dec 2009

المشاركات: 813

من افضل المستشفيات الخاصه في الرياض
أنا ولدت قبل أقل من سنتين مع الدكتورة سهيلة في المشاري

ممتااااااااااااااااازة .. تعامل ونفسها زينه رغم الضغط وتحسينها كنها أم حنونة ومخلصة والله

وتسولف معك وتسألك عن عيالك اللي قد ولدتهم .. متفاعلة الحقيقة

حتى رحت أراجع عندها قبل شهرين تقريباً وكانت مرة مشغولة

بس عسل ونفسها رايقة .. على ان بالها كان مشغول مع أهلها طالعين من العراق لسوريا وبتسافر لهم تساعدهم

وأنا آخر من دخل عليها ومع ذلك ابتسامه ونفس حلوه

أنا ولدت عندها قيصري وقريبتي ولدت عندها كم مرة طبيعي .. ومرة تمدحها

عن نفسي أحمد ربي وأشكره اني ولدت معها ..

أنا كل حملي كان طبيعي ومقرر ولادة طبيعية لكن أثناء الولادة تقرر قيصري عشان وضع الجنين

لكن الحمدلله والشكر .. عمليتها نظيفة وخياطها مرتب يارب لك الحمد عالتساهيل

حتى أطباء التخدير في المشاري من أفضل الأطباء على مستوى المملكة

أنا خدرني الدكتور أشرف .. عطاني إبرة الظهر ولا عانيت من آثار جانبية الحمدلله

لكن بعد ماتقرر عملية عطاني تخدير كامل و الحمدلله تخديرهم ممتاز وكله بفضل رب العالمين

لأني قد سويت عملية في أسناني من قبل (بنج كامل) ولاحظت الفرق بين التخديرين ..!!

وفيه دكتور اسمه شامية طبيب تخدير برضه ممتاز بس مايخدر أي أحد .. بس الناس الأبهه

العيووووووب مثل ما قالوا الأخوات:

زحمممممممة زحمممممة غير طبيعية
أنلطع ساعتين عشان أدخل عليها .. وآخر مرة ولّدت ثلاث حريم كلهم ولادة طبيعية
وكل هذا وحنا ننتظر

بس كلن له حق عاد ما نقدر نقول شي

ايه صح آخر مراجعة لي كانت في العشر الأواخر .. رحت مع الدكتورة شاهيناز

نصحوني كثير قالوا مادام جربتي الطبيبة "سهيلة" وهي كويسة خلاص عرفتيها

راجعي مراجعاتك العادية مع طبيبة كويسة و فاضية تتفرغ لك ولأسئلتك وتسألينها باللي تبين

ولا تنلطعين ولا شي .. وعالشهر الثامن أو التاسع ارجعي لطبيبتك اللي تبينها تولدك

خصوصاً إذا كان الحمل ماشي طبيعي وبس تبين تتأكدين من نمو الجنين ودقات قلبه والضغط .. إلخ

يعني ماعندك حالة خاصة ..

وعملت بنصيحتهم الله يجزاهم خير ..

بالنسبة لخدمتهم بعد الولادة والممرضات والنظافة والعناية .. كله ممتاااااز

الحضانة كويسة مرة بس أحياناً إذا طلبت بنتي يتأخرون على مايجيبونها

وأنا أبيها عشان أرضعها ما أدري إلا البنت مجيبوة و هي مرة شبعانة وماتبي ترضع
على اني نبهت عليهم كم مرة لأني ودي أرضع طبيعي ..!!

بالنسبة للأسعار للولادة الطبيعية أعتقد من 4 إلى 5 آلاف

والقيصرية 11 ألف .. أنا قعدت عندهم 4 أو 5 أيام نسيت ..

إبرة الظهر 800 ريال .. << هالكلام قبل سنتين ما أدري عنهم الحين

الله يهون علي وعلى كل الحمل ويرزق كل من يتمنى بالذرية الصالحة

منقووووووووووووووووول للفائده

__________________
‏‏‏‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه