السلام عليكم ورحمة الله وبركاته


انا بنت ابلغ من العمر 26 عاما ومطلقه مرتين عندي بنت عمرها 3 سنوات انا حزينه على حالي ومقهوره من نفسي ليش انا كذا وكرهت نفسي وكرهت حياتي وكرهت بنتي كرهت كل شي بالدنيا كرهت الرجاااال كلهم لانهم سبب تعاستي وكل جروحي من ابوي واخواني وازاجي الاثنين اللي طلقوني
انا طلبت الطلاق من زوجي الاول لا ني ما حبيته ابد ولا اقدر اتحمله اكثر لانه غييييييييير عن كل الرجال ما اشوف فيه الرجوله لا كانه بنت في كل تصرفاته ومعاملته معي سيئه جدا جدا هو وامه وانا ما قصرت معهم بشي بالبيت كاني خدامه بس اكرف واشتغل واطبخ ولاني مسؤؤله عن بيت مثل باقي المتزوجات لانه بيت امه مهو بيتي وهي اللي تصرف وهو ما عنده وظيفه وانا ما عد تحملت اكثر وطلبت الطلاق ابي ارتاح من العذاب ورجعت بعذاب ثاني عند اهلي اللي كل يوم والثاني يعايروني طلاقي وكل ما صار شي قالو لي يالمطلقه اسكتي محد يبيك ولا احد يصبر عليك وكل يوم تجرييييييييييح كاني مو انسانه احس ولا عندي مشاعر صح انا اللي طلبت الطلاق بس مهما كان يبقى الطلاق جرح كبييييييييير والبنت حساسه واي شي يجرحها وصرت في بيت اهلي مثل الشغاله انا المسؤوله عن الطبخ وكل شي صح فيه شغالع تساعدني بالشغل بس كل شي على راسي انا اي اجتماع واي طلعه كل شي فوق راسي ما ارتاح ويا ويلي لو قلت كلمه ما اسمع الا اهانات وتجريح وكلام يضيق الخلق وامي تهزا فيني واخواني يهاوشون ويهزؤؤون واخوي يضربني وما في احد ياخذ حقي ورحت انا من القهر وسجلت بموقع زواج اسلامي ابي ارتاح من العذاب اللي انا وفعلا لقيت انسان اوهمني انه حبني وقال خلاص من الحين اعتبريني زوجك ارسلي لي صورك عشان اشوفك لانه مشوار اجي بيتكم وفي الاخير ما تعجبيني واتفشل عند اهلك وانا وثقت فيه لانه حلف لي انه بتقدم لي وانه صادق وارسلت له صوري وشافني واعجبته وصار يكلمني على الايميل يقول عشان نتفق على كل شي قلت اوك وانا على نياتي وصدقت كل شي لانه حلف لي بالله وبعدها اقنعني يكلمني على الجوال وكلمته وجا خطبني من ابوي واهلي وافقو اوخلاص تملكت وقعدت متملكه يمكن 3 شهور وبعدها طلقني وبعدها تعبت نفسيتي ونحفت وصرت كئيبه لان توني فرحت بالفرج ورجعت انهان مره ثانيه يقولو لي اهلي احسن انتي استعجلتي ووافقتي عليه لو رفضناه زعلتي تعبت يا ناس والله تعبت
وابو بنتي بهذلني عند البنت مرررره ياخذها ومررررره يرجعها معيشني بحرب نفسيه حسبي الله ونعم الوكيل فيهم وحسبي الله على كل من ظلمني
وبعدها تقدم لي واحد واحد وانا وافقت وبعدها جا يشوفني وقال برد عليكم وراااااح وخلااااص ما عد رد وانا واهلي فهمناها انو انا ما صلحت له وهذا الشي زاد نفسيتي سوووء وتعبت وانكسر خاطري زياده مهما كان انا انسانه ولي احساس ومشاعر ومسالة انه يجي ويشوفني بعدين يروح وما اعجبه تحطييييييييييييييييييييييييييييييييم احس اني منبوذه وما احد يبيني كانه فيني مرض معدي لييييييييييييييييييييييش لاني مطلقه يعني حتى صديقات ما عندي ما عندي احد اشكي له واحس الكل ضدي وانا تعبت صرت اتمنى اموووت ولا ابي اعيش اكثر لاني بتعذب اكثر ما في شي بحياتي يفرحني حتى لو بعيد حياتي كلها هم وغم وحزن ومشاكل مالي حيله الا دموعي بس ابكي لين امل واسكت محد حاس فيني بس انتي يالمطلقه قومي بواجباتك ليش انا مسؤوله عن كل شي لاني مطلقه ليش اذا رحت اجتماعات احس اني منبوذه لاني مطلقه ليش احس ان الكل يخاف اني اخذ زوجها منها لاني مطلقه نفسي احس بقيمتي نفسي احس اني مخدومه نفسي اكل وجبه وانا مرتاحه نفسي يكوووون لي بيت واسره مثل باقي البنات ليش انا محرومه فيه كثير اعرفهم ما توفقو بالدرراسه بس توفقو بزواجهم ولا العكس انا ما توفقت لا بدراسه ولا بزواج ولا بحياة سعيده مثل الناس انا ما اعترض على قضاء الله وقدره والحمد لله على اللي عطاني ربي بس ما اتحمل السخريه اللي اشوفها بعيون اهلي والناس حتى اخواني يقولون لي محد يبيك ويوم تكلكت على زوجي الثاني قالو لا تفرحين بيطلقك وانتي مو كفو تتزوجين ومو كفو يكون لك بيت وعيال انتي بس تتركين تخيسين والله لو احد مكاني ما يصبر على اللي انا فيه زين بعد اني الى الحين صاحيه ومو مجنونه لكن ما اقول الا حسبي الله ونعم الوكيل على كل اللي ظلموني يارب اشوفها فيم عاجلا غير اجل يارب كل من سخر مني يجيه اللي جاني واكثر والله العظيم اكتب لكم وانا ابكي من القهر ابيكم بس تدعولي يا اخواني بالفرج القريب ان الله على ذلك قااادر