هل كل الازواج معتقدين انفسهم كائنات نورانية ملائكية؟ ((حُلت ولله الحمد ))
السلام عليكم ورحمة الله و بركاته
بداية انا جدا منزعجة من زوجي
ولاكون منصفة وعادلة زوجي يحمل من الصفات الـ + اكتر من الـ - بكثير
واشياء حلو تتواجد في الرجل
مثلا كريم جدا ماديا ومعنويا حنون طيب يرضا بسرعة شهم رجل حقيقي متدين
تحمل مني الكثير من الامور التي لا قد لا يمكن رجل غيره ان يحتملها بكلمة طيبة وبالدلع ينفذ كل ما ارغب
ناجح عمليا واجتماعيا طموح وذكي و محبوب
والكثير يعني لايحضرني
عيوبه قليلة ولكنها باتت تسبب لي انزعاج شديد
هوة رايق ولما يعصب 
و ايضا
هوة لايمكن يعترف انو غلط وكل مشكلة بدون استثناء لازم يطلع حجة او مخرج لحتى توقع الاغلاط كلها علية
ويعني كل شيء عنده يلف يلف ويجي عراسي وانا ماعدت احتمل هالاسلوب
ولاادري هل كل الازواج هيك
غيرته علية احيانا زائدة بشكل مزعج ،اغلب نقاشاتنا يعتبرني اني جدالية و مستفزة في الكلام
ولاكون صادقة
بداية زواجنا كنت عصبية مازلت عصبية لكن خففت و عدلت اسلوبي
فكنت حينما نتشاجر اوقف بالمرصاد راس لراس واعلي صوتي وارد الكلمة بعشرة
والموقف يتصاعد وهوة ينرفز و يزعلني اكتر وتوصل بيننا
بعدين صار يفهمني انو هادا غلط واخسر حقي
وانو يؤدي لجفاء بيننا وضياع الاحترام وانو احترام الزوج واجب
طيب حبيبي انا بكون معصبة شو اعمل؟؟؟
قال شو؟التزمي الصمت وخليكي ساكتة وانا من نفسي براضيكي وبحس بغلطي
ويعني صراحة زوجي الي براضيني اكتر مما انا اراضيه مع اني بنظره غلطانة على طول
مرت شهور وبطلت اوقف اجادله و اعلي صوتي ولكن يعني تفتكرو طلعلي حق؟ لا يرجع يراضيني ويغلطني من ساسي لراسي
طيييب وبعدين شو بدك ياحبي؟؟؟
ازعلي بادب كوني حزينة و زعلانة
صدقوني هادا الي صار يصير
لما انزعج من شيء اسكت واكون زعلانة ومكشرة وفقط لا اغلط في الحكي ولا شيء
قلت بدي اشوف يمكن لما اسكت خالص يراجع حاله
ولكن ... مانفع
يعني يصير موقف يزعل و يعصب
اضل ساكتة مفكرة حالي امتص غضبه
ولكن بالمقابل انا اهمله ومااكلمه على اساس الحق معي
واذ بي اكتشف اني كمان غلطانة !!! واني استفزازية بحركاتي
ويعني دايما عنده حجة بشكل فظيع جدا
مستحيل يعني كل مرة بيجي يطلع مخارج وحجج واشياء غريبة انصدم من وين عنده القدرة للابتكار بهالشكل؟
(لاكون منصفة انا كنت ادلع عليه زيادة ودايما ازعل من اتفه سبب و هوة يراضيني و يجري ورايا و يحاول يرضيني ولكن اخر فترة مل وصار يقلي انو صارت هالموضوع تراكمات وانو لم يعد يتحمل ومع العلم انا كمان تغيرت وبطلت ازعل عالفاضي والمليان وادلع بدون داعي يعني انا خففت جدا)
نرجع للحديث
يوم كان في موضوع معين وهو بدا بتعصيب وانا بالمقابل ماعصبت ولكن قلتله طيب خلص ليش عصبت ويعني تصاعد الموقف وقلب خناقة زعل وراح ورجع بناقشني وانا قلتله انا ماغلطت انت بديت بتعصيب وردة فعلي عالاساس هادا
سكت شوي وفكر وقلي::طيب قدري ظرفي انا عصبت فكرتي تمتصي غضبي
ياسبحان الله برضو انا غلطانة؟طيب كان شيء حلو لو انا طيبت خاطرو بكلمتين
بس ماحصل هادا
كل مرة يقلي
انا بالكلمة الحلوة تاخدي مني الي بدك اياه
مابحب التكشير و الزعل
وانا مو قادرة ازرع في مخه انو انا انسان والي مشاعر
يعني متوقع من هون لنهاية حياتنا الزوجية كل مرة يعصب اقلو يا حبيبي ماتزعل ياحياتي انا
ولا يعني كل م انا انزعج من امر
اجي اقلو حبيبي انا زعلانة منك وادلع عليه
!
موقف اخير حصل امس
زوجي اخر فترة نقعد بالاسبوعين تلاتة مابنشوف وجه الشارع ... وحججه غريبة مشغول رغم انو جالس في البيت
وكل مرة باجل وانا بسكت
ولي هالمرة 3 ايام اطلب يمشينا في الحديقة
(قصة عدم حبه للخروج معنا هاي قصة اخرى ترفع الضغط ليس محلها هنا وسببها الغيرة)
المهم
جيت بالامس اقلو نلبس نروح الحديقة مع ابننا
قلي لا
ليش ياحبيبي؟
قال راسي بوجعني وانا تعبان وبصحا اقوم الليل الساعة 3 الفجر فبعد العشا اكون تعبان
ياماشاءالله يعني واحد قاعد في البيت و24 ساعة مش لاقي ساعة منهم للخروج؟
سكتت ورحت
بعد شوي اجا يقلي خلص حنصير نتمشا انا وانت بعد الفجر حوالين البيت عشان تسهيل الولادة
حكتلو انا لا نفسي اروح الحديقة عشان فهد يتمشا حرام مسكين طول الوقت قاعد في البيت بكرة يطلع
بخاف من الاماكن العامة ... وهيك حكي
وكنت زعلانة يعني لاني انزعجت من تسويفه الغريب وحججه الاغرب يعني لو انو يجي يقول
انا زهقان وظروفي صعبة و بالي مشغول وماليش نفس اتحمليني وبكرة بس تنفرج بعوضك عن كل شيء
والله بسكت وبستحمل
المهم راح عصب وكشر وسيبك من ابنه انا بربيه زي منا عايز شو دخل التربية طيب؟
حكالي وانت بدك مااقوم الليل عشان تروحي الحديقة
قالي بدل متشجعيني !!! انصدمت قلتلو يوم طويل عريض خلص انعدم الوقت منه؟
استغربت جدا من كلامه
راح قلي قال هوة يصحا عال3 فيتعب ويجي العشا وهوة تعبان
كل يوم يصحا عال4 بس صار يصحا عال3 تخيلو هالساعة دمرت صحته؟
رغم انو بينام بالنهار ويعني مابعمل شيء جالس في البيت
--------
المهم بالاخر حكتلو خلص بدناش نروح مكان روح قوم الليل بديش اتمشا
قلي بلاش وعصب وصار يسرخ وانا حكتلك ميت مرة بالطيب واللين والكلمة الحلوة تاخدي الي بدك اياه
انت كشرتي وزعلتي
يا عالم انا بشر انسان
استنتجت بالنهاية انو زوجي يريد الابتسامة لاتفارق شفتاي في اكلح الظروف
ان عصب اقله يا روحي ماتعصب
وان قهرني بتصرف ما
اقلو حبيبي انت
وان انا انزعجت من داخلي اكون روبوت الي مبرمج انو يدلع زوجي و يسمعه الكلام الحلو
اتبعت كل الاساليب والناتج بالنهاية
الطاولة تنقلب على راسي دايما
وانا اساس الغلط مني
ومابعرف اتعامل مع زوجي
وكل مشكلة زوجية ركزو على كلمة كل بدون مبالغة
يرجع سببها الي
08-04-2010, 01:44 PM
ضوابط المشاركة
العرض الشجري