لا أعرف من المخطئ انا أم زوجي
صباح الخير
يارب تكون بآحسن حال
مشكلتي مع زوجي وغيرتي الزايده وشكوكي اللي ما اصدق تهدى الا وترجع مرتن ثانيه
انا متزوجه من ست آشهر وزوجي حمدلله يحبني وانا احبه واقدره واحترمه
زوجي طبيب نفسي وقبل كل شي هو رجل ملتزم وامام مسجد
تجيه مكالمات من نساء وبنات مريضات .. وكثير احصل رسائل منهن على جواله
وهو عادي يعطين الجوال يعني مايخبي عني ويقول مريضات وهذا عملي لازم اشوف مشاكلهم
وانا الغيره بتذبحني
ونبدا بالهواش ليش ترد وليش وليش لما هو خلاص يزعل مني
وانا والله موب مقصره معه ابدا
كل شي يقولي عليه لدرجة اذا اتصلت عليه مريضه يحط السبيكر ويكلمها عندي ويقولها حالتها او تجيه بالعياده
وغيرها كثير منهن من تقول تزوجني (( الله لايوفقهن ))
وانا ازعل لدرجه انو اقوله بروح معك العياده بكون معك واقولها وانا جد مقهوره
والله اخاف يسرقون زوجي انا واثقه فيه هو يخاف الله وملتزم بس البنات مايخلن احد بحاله
الحين ببيت اهلي لانو جايه اهلي زياره وهو راح عند اهله يقول متضايق من تصرفاتي
وكلمته وتهاوشنا يجي ساعه بالجوال
وماحبيت ادخل اهلي بالمشكله اللي يقول غيرتك الزايده بتخرب حياتنا
كلمته من شوي والحمدلله رضا بس يقول اخاف تتكرر هالغيره واللي صار من مشاكل وتصيرين مجرد زوجه بدون حب
انا مخنوقه لدرجه ودي اموت اغاااااار واسبب مشكله مع زوجي ثمن اندم وارجع اتآسف
والله احبه وهو اجمل شي بحياتي عانيت كثير بحياتي الا لما الله جمعني معه بس مشكلتي الغيره
والله احيانا اتمنى لو الانتحار موب حرام كان اول ما انتحر انا
جد مضغوطه نفسيآ
آختي اذا حبيت افضفض لها تقول بتجيبي مشاكل لنفسك واذا طلقك وش بيقولو الناس طلقها وهيه توها عروس
وامي بتقول هذا اللي انتي اخترتيه
واخواني بيقفون معه ضدي
وماعندي احد اشكيلو انا بعرف الغلط مني والا منه ومكالمات البنات اللي الله لايوفق كل بنت تكلم رجل بالحرام
وربي صايره ادعي على كل وحده تكلم زوجي وتبي تطلبه الزواج انو الله يكشف سترها ولايوفقها يارب
اقوله خلني على عماي لاتقولي عن المشاكل اللي بالعمل ولاتقول كلمتني وحده فيها كذا وكذا
ولاتقول يطلبوني اتزوجهن وانا مابي غيرك صرت اقول خبي عني كل شي مادري صح انو اقوله يخبي عني عشان ما ااغار والا خطاء
والله فكري مشتت وموب عارفه اجمع كلام
دلوني على الصح الله يريح بالكم
25-04-2010, 05:21 AM
ضوابط المشاركة
العرض الشجري