سوال لكل فتاه يهمني - منتدى عالم الأسرة والمجتمع

05-06-2010, 02:50 AM

#11

عضو نشيط

تاريخ التسجيل: Feb 2009

المشاركات: 184

السلام عليكم ورحمة الله وبركاته

على العكس أخوي كل ماطلبته إنت منها أعتبره أنا مفاتيح سعادتك معاها لو إنها فكرت شوي كيف تسعدك كان لقت السهولة في التعامل مع هذه الطلبات وليست الأوامر , لا تيأٍ إن شاء الله ربي يعوضك ويعوضها باللي يناسبكم .

اقتباس:

المشاركة الأصلية كتبت بواسطة خاطب ومطلق

طيب وش الافضل للزوج وقت لبس الدبله والتصوير يكون حديثه معها عن اي شي مع العمل اني متفهم كثير لهذي الامور بس من شاور ماخاب ودخولي هنا لكي استفيد لو الله كتبلي نصيب وملكت ثاني

أخوي الفاضل باعطيك رأيي واللي يناسبني شخصياً " ومو شرط يناسب جميع البنات "

1) أفضل شي تبين إنك سعيد بهالزيجة وداخل بنفس طيبة وكلك أمل في إسعاد زوجتك ومتوقع الخير منها بأنها سوف تسعدك إن شاء الله .., رح يريحها جــــــــــــــداً بعد التوتر والخوف والغموض .

2) لا تنسى تمتدح زينتها لأنها 100% متزينة لك وستشعر بأنها ملكة في حضرتك .

3)أثني على والدها أو أخوانها أو أي رجل قريب منها في أسرتها وأنك وجدتهم أناس طيبين وماقصروا معك في يوم الملكة , هذا رح يحسسها بسعادة وحب تجاهك وشعور طيب بداخلها عنك وأنك تذكر أحد أقرابها القراب جداً بالخير , وستلتمس منك أنك إنساس تقدر الآخرين وتحبهم .

4)قول لها وش أحلامك اللي ناوية نحققها مع بعض في زيجتنا أو مثلاً وش كان ودك فيه تعملينه لكن حسيتي إن الزواج صار عائق في طريقك .. عشان تطيب خاطرها وتجاملها وتشعرها بأن حياتها ماتغيرت للأسوأ وإن شالله رح تكون أفضل بعد زواجها منك .

5)جاملها وقول لها من أول ماشفتك قلبي يدق وماصدقت تجي هاللحظة اللي نجتمع فيها سوا "لو حصلت الشوفة الشرعية ".

6) سولف معها عن الحركات اللي سويتوها في التصوير والتلبيس وقول شعورك وإضحكوا على اللقطات المحرجة والحلوة وغيرها .

7) تبادلوا أرقام هواتفكم لو مثلاً كنت تبغي تتواصل معها وسميها عندك بالجوال اسم حلو مثلاً الحبيبة أو أمل عمري وإسألها بمزح وإنتِ وش راح تسمين ابو الشباب اللي قبالك وعلى طول بس تخرج من عندها أرسل لها رسالة حب , رح تطيـــــر من الوناسة .

8)إترك لها ذكرى أي شي من عندك قبل لا تخرج .. قلم أو ساعة أو كبك أو ورقة مكتوبة وقول لها هذي ذكرى لليلة عقد قراننا خليها معك وباخذها منك ليلة الزواج ,, رح تحس بشعور حب كبير وإنك متفائل بالزواج منها وجاد بالزواج وإنك تحبها وأمنتها على غرض خاص من عندك .

9)وقول لها إيش صار معاك اليوم في الكوفيرة وإيش كان شعورك لما وقعتِ في العقد وإيش رايك في ذوق الشبكة والدبل وغيره وهل صار مواقف مضحكة .. حتى تروّح التوتر عن جلستكم .

10) وأول ماتشوفها طبعاً قبّل جبينها وإذكر الله وحييها عندك وتبسّـــــــــــــــــم وإظهر فرحك .

بس أخوي أتمنـى إني ماكثرت عليك بس بجد شعرت إنك مثل أخوي ولازم أوقف معاك الله يوفقك مع بنت الحلال اللي تسعدك , وتذكر كل ماإجتهدت لها بإذن الله رح تجتهد لك بكل مافيها , المرأة معطاءة بحب كبير لا تنسى هالعبارة يا أخوي خاطب وملطق .

8)

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه