أخ فارس الكلمات اسمك على مسمى وكلامك زي العسل على قلبي وعلى فكرة والله ذكرتني بأسلوبها في الكلام .
بس حبيت أقول لك لا تظن كل الناس مثلك لهم قرارات صارمة وقوية واحتمال ظروفك غير ظروفي ولعلمك طلقتها مرتين وما بقي إلا واحده واللي اشيل همه عيالي وش ذنبهم في الموضوع
أما إني أنا الحرمة وهي الرجال هذي صعبة لكن أحب اوضح لك إني ما عمري سكت لها ولو كنت مثل ما قلت إني حرمة ما كان صار شيء من المشاكل وكان الوضع هادي والأمن مستتب .
لكن كيف الحيلة في إنسانة عنادها أقوى من الجبل وممكن تتصرف تصرفات هوجاء أو تقتل نفسها في حالة الغضب .
وأنا بطبيعتي هادي وما أحب كثرة المشاكل ودائما أتذكر قول الله تعالى : ( ولا تنسوا الفضل بينكم ) وقول الرسول صلى الله عليه وسلم: ( لا يفرك مؤمن مؤمنة إن كره منها خلقا رضي الآخر ).
أما إني أستعيد رجولتي أحب أقول لك أنا ما فقدتها حتى أستعيدها والحمدلله إن واثق من نفسي ولو كانت الحلول مثل حلك ما بقي بيت فيه مشكلة إلا وحصل الطلاق والفراق بأسرع ما يمكن .
وأظن إن الصورة الرمزية اللي حطيتها أنا أثرت فيك وقلت إني جيت أتباكى في المنتدى أدور حل ، أبشر رح أغيرها وأحط صورة واحد فرحان ، وفعلا أنا جيت أدور حل بس مو أتباكى واللي عنده حل ما رح يبخل أما نصيحتك على العين والراس وقسوة بالكلام أظنها بل متأكد إنها خرجت من زود حرصك وحبك في إفادة إخوانك لكني أكرر عليك تراني رجال من ظهر رجال بس مو معناه إني أطلق على طول حتى لو امتنعت مني بالمزح .
هذي أعصابك وفكر لي في حل وأنت هادء الأعصاب ، وتراني أقدر أسوي اللي تقول عليه يعني أطلق ووووو
وسويت فعلا طلاق وضرب وهجر وووووووووووووووو لكن أنا أخاف إني أتجاوز حدي وأظلمها والله سبحانه ما يحب الظلم.

عساك تكون فهمت قصدي؟