انا حياتي الزوجيه في تدهور بسبب زوجي الله يصلحه ويهديه


زوجي كان انسان مرح بارد نوعاً ما يعني مش عصبي

عنيد ... وراسه جداً يابس

وكانت اول ايام زواجنا مشاكل كثيره بس جيت العيال للدنيا قربتنا شوي من بعض

لكن


له فترت 4 شهور صاير انسان لا يطاق حاولت اتقرب منه

حاولت ارضيه بشتى الطرق ولا كان يرضى

عصبت وزعلت منه ولا يهتم عادي مو كانه عامل حاجه غلط


يعاملني زي عدو وكأنه مشحون علي !


قدرت ظروفه وماديته بلا فايده... وقدرته نفسياًَ ومعنوياً وكل مره يغلط اكثر

وصل مرحله يقول أنا اسباب النكد في حياته


ولا حتى يعتذر عن أخطائه



طبعاً انا أبي أعرف علامات كرهـ الزوج لزوجته

وانا شاكه وحاسه انه يقول كل اسرار حياتنا لوالدته بحكم انه متعلق تعلق شديد بها

ورافض يفك عنها برغم مرور 5 سنوات من زواجنا لانه ابنها الوحيد وماعندها غيره


وطبعاً بالمقابل من تزوجت حاولت اتقرب منه واكون له كل شي

لكن بيصدني صد عنيف ......


كيف أحل مشاكلي معه ... لأنه الآن وصلت مشاكلنا حتى بفراش الزوجيه

برغم قبل هذي الفتره (فتره التوتر ) كنا الحمدلله مشاكلنا تنحل بيوم وليله


لكن هالمره قولون عصبي اصابني بسبب كثرت النكد والمشاكل


صار نكدي ويبحث عن المشاكل بأي طريقه


هو عنده ضغط مادي لكن وربي علي يشهد مقدره كل ظروفه وساعدته كثير لكن ما يتذكر اي

شي حلو مني دايم مكشر ودايم ينتقد

وأي طلب مني مرفوض حتى لو هو مقتنع

يطنشني بالأيام ما يكلمني برغم انه هو الغلطان...

كلامه جافي ..

حياه بارده مافيها دفء الحياه الزوجيه ..ما فيه تفاهم نهائياً


دورت رضاه بكل شي وبالنهايه صعب ارضي شخص هو نفسه مو عارف ايش يرضيه !!

(( طبعاً ما كان كذا نهائياً))

هل ممكن حاله ينصلح؟

هل هذا كراهيه؟

هل سبب هالتوتر تعلقه بأمه؟

هل معقوله الالضغط المادي يخليه ينقلب على زوجته زي كأنه داخل معركه معها؟

هل فيه يحل ينقذ زواجي اللي احس صار ممل وجو كئيب ولا تفاهم ولاحب ولا رحمه او موده؟


عذراً على الاطاله .... بس حابه أحصل حلول لمشكلتي ...