اشكر الجميع ع مروره وتعليقه

بعض الردود حسيت منها بانني ظااالم او مدقق لعيوبها واخطائها وانها تخاف مني

لا ياخوان والله ما اشتكيت الحال الا لانني حاس بانني ظلمتها او مقصر بشي انا غافل عنه ولكن انا واجهتها وسالتها مقصر عليها قالت بالبدايه لا قتلها قووووولي مقصر عليكي بشي قااااالت يب قتلها بايه قالت ماتمشيني نغير جوا وبس تهاوشني
رديت قلتلها انا ما امشيكيي ؟؟!! قالت الا بس قليل قلتلها عملي من كم لكم قالت من 8 - 4.5 العصر قلتلها ما اجي مهدود حيلي ومن الكلام دا قالت ايوا قلتلها ما تقدري طيب؟؟ قالت طفششت وكلمتها ع الهواش قلتلها من الباب للطاقة اهاوش قالت لا قلتلها متى اهاوشك قالت لما اسويي خطا قلتلها الخطا كم مره اقولك عليه والله بنفسها قالت مليون مره ودنقت

ياخوان والله ماظلمتها ولا كونت اهاوشها الا لما اشوف بنتي مهملة ولا هيا داريه عنها
وثاني شي بقولو على كلمة غباء وغبية ياخي مافي انسان غبي يعني الغباء صفة من الصفات يعني وانا صح قولتها لها لما طفح الكيل من قبل اقولها ركزي اصحي انتبهي ومن الكلام دا وهيا بنفسها والله تقول انا ما افهم ايش اسويلك بعمري
واذا مرررره اسلوبي متعبها كانت تنحف مو يزيد وزنها لانو اللي يزيد وزنو دا مرتاح ولا ببالو ودا اللي ساير معانا هيا ولا ببالها يحظها ع بالها
وثالثا اللي بتقول انااني والله ما فكرت بنفسي الا بعد ما ياست منها ومن حقي اشوف حياتي ياختي اناا كونت اتمنى ارجع البيت مشتاقلها وان احبها من قلبيي بس هيا مو مساعدتني ومره سويتلها عيد ميلاد (( مع تحفظي عليه انو تشبه بالكفار والكلام دا )) بس قلت ياعمي نغير ونسوي شي وفجاتها فيه ولكن انسى مع العلم انو ماكونت مبسوط من جواتي

بسال الاخوات اللي وقفو ضدي وكاني الاسد المنقض على فريسته
اذا زوجك قاللك اختك ما ابغاها تدخل غرفة نومنا لانو دي غرفتنا وخاصة فينا ومن الكلام الللي ينفهم وبكل رواقه لاحظو والله بكل رواقه ايش تسوي؟؟؟ ( زوجتي راحت لاختها وقالتها زوجي يقولك مايبغاكي تدخلي غرفتنا )) @@ تنحت لا وجايه تقولي تقولك اختي ما تبغى تدخل الغرفة طليت فيها قلتلها قولتيلها قالت ايوا ما كذبت قلتلها حياكي الله
وعلى مسالة الوزن والله لوحاولت تنحف اعذرها واخطها على راسي بس هيا مافيها تسوي شي ومره لقيت عندها جلاكسي وقد متفقين تنحف وماتشتري قلتلها مش الله جلاكسي وبدقها انو تفهم قالت بالحرف الواحد مو من فلوسك من فلوس ابويا
قلت الله يخليك لابوكي ((دا ردي ياللي يقول انا ردي منرفز ))
ومره تقول انا ياريت ما تزوجتك واتزوجت ولد خالي (( كانت معصبه)) وحتى لو معصبه ماتقولها رديت عليها وقلتلها كان سواء فيا خير
ومره قالت لامي وهيا عندها انو انا اتغيرت بعد ما افطر عندك (( دا كلام وحده فيها عاقله امانة عليكم ))
بس حبيت اوضح دي النقاط وعلى سيرة الشغالة جبتلها والله شغالة وكانت تجي مرتين بالاسبوع ولا تغير
ولو انا اناني كونت طلقت بدون ما اشاور او اطلب النصيحه من احد والحمدلله جاهز واقدر اطلق واتزوج بس ما تهون والله عليا وحاسس اني ظالمها مدري الله يديكم العافية وشكرااا