والله انا شايف زوجتك عفويه وحبوبه ولاهي راعية عناد وانا احب الحريم اللي مثلها الله يرزقني مثلها

العيب فيك طول بالك عليها لانها صغيره ولاتتعامل معها باسلوب الامر نظفي واغسلي واطبخي لان هالامور من اختصاصها واكيد بتسويها بدون طلب منك بس انت عطها فرصه تحس انها مسؤله

والسمنه وش حلاتها على الحرمه لكن ماتزيد بشكل كبير

اتمنى لك ولها التوفيق وان طلقتها عطني خبر اتزوجها >>> امزح طبعا

اخي الكريم اسأل الله ان يصلحها لك ...اتمني ان تجعل رسولنا صلى الله عليه وسلم قدوه لك في تعاملك مع زوجتك فهو معلمنا الاول في كل شيء في هذه الدنيا ونصيحه لك ان تستمع الى الاشرطه الاسلاميه في تعامل الرسول مع زوجاته ...وادعيلها في سجودك ان الله يصلحها وصدقني حتشوف خير بإذن الله...انك تزوج ثاني هذا هروب من مشكلتك والخوف انك تقع بنفس المشكله مره ثانيه لاسمح الله ...اما مشكلة جسمها صدقني هذا حاله نفسيه عندها لانها تهرب من المشاكل بكثرت الاكل وهذا اللي يسموه ححححححححححححاله نفسيه والله اعلم


اسأل الله يصلح لي وللمؤمنين و المؤمنات ازواجنا وذرياتنا يارب

__________________

اشكركم على مروركم وتعليقكم

الله يعينك يا اخي على ما بلاك
والله العظيم قاعد بمر بنفس المشكلة اقسم بالله
وكنت بدي اكتبها هون بالمنتدي
بس انت سبقتني
سوري ع الكلمة يا اخي ممكن زوجتك تكون بتحب حد تاني
وبتعمل في كل هل شغلات
ع شان تخلص منك
او مش عارفة تعبرلك او تحكيلك
في هذه الاساليب اللي بتعملها
ع شان توصلك انها ما بدها اياك
تقبل مروري

اقتباس:

المشاركة الأصلية كتبت بواسطة ابورجب2011 اشكركم على مروركم وتعليقكم

أخي الفاضل أبو رجب أسأل الله أن يصلح زوجتك و يصلحك لها
أبدعي لك دعوة الوالدة لي
الله يشرح لك صدرك و يعلي كلمتك بالحق و يكفيك شر شياطين الإنس و الجن

أعطي زوجتك فرصة و لكن هذه الفرصة تكون مع إحداث تغيير من داخلك
هدي أعصابك تبسط مع زوجتك أشعرها أنك أهلها و كبيرها و حاميها ( إحميها حتى من نفسك )
تخيل معي أن تتعامل معك زوجتك بإسلوب الأوامر بإسلوب ( العصا بدون أي جزرة )
أعرف أن كثير سيقول( قياس خاطيء ) و السبب لأنه ( رجل )
و هذا منتهى الظلم فالمرأة و الرجل عبارة عن إنسان
ننظر للنصوص الشرعية بتجزيء
لكن ألم يقل سبحانه و تعالى ﴿ولهن مثل الذي عليهن بالمعروف وللرجال عليهن درجة ﴾
بل كان لها تفضيل لا يلغي حق الرجل بنص الحديث ( رفقاً بالقوارير )
فيا أخي الفاضل كن سهلاً ليناً متسامحاً
فـ رسول الله ‏ ‏صلى الله عليه وسلم ‏ ‏قال (‏ ‏رحم الله رجلا سمحا إذا باع وإذا اشترى وإذا اقتضى ‏)
و الله العظيم الحياة قصيرة لماذا نعيشها مشدودين و نضخم الأمور
و أرجو منك أن تقرأ الحياة العاطفية للرسول صلى الله عليه وسلم
و ستجد أن كل ما تربينا عليها و تعلمناه سواء ( نساء أو رجال ) خاطيء للأسف

وفقك الله و أسعدك و زوجتك في الدارين

اول شي الله يهديها ويهديك ويسعدكم يارب

انا مابقولك انت غلطان وفيك ومدري ايش

لان انتو الاتنين غلطانين وهي صغيره بعمرها وممكن تكون مدلعه عند اهلها ومو متحمله اي مسؤوليه

واعتقد انت ماحبيتها من اصلو لان لو حبيتها بتصبر عليها

وكمان انت عصبي والحياه الزوجيه يبغالها صبر وتعاون

يعني اذا على الثياب صح هي قالت بتقوم وتلاقي الثوب مغسل ومكوي لاكن جهلها بالوقت وشوي كسل او لا مبلاه

خلاها ماتغسلو وبنتها نايمه وصار اللي صار

وكويس منك انك تكويهم برا لانها ماتعرف تكوي

لاكن جبلها حل غساله اتومتك تغسل وتنشف وشوف يمكن تتغير لانها بتكون اريح لها يعني تغسلهم كلهم يوم ربوع مثلا وتوديهم تكويهم ويكونو 6 او ووقت ما تبغى تلقاهم جاهزين احسن حل

وعلى التنظيف والغبار حاول يوم اجازتك تقولها يلا ننظف سوا وبعدين اطلعو اتمشو وعشيها برا

ترى التعاون حلو ويشجع الزوجه على الشغل وكم كلمه حلوه

ويوم ادخل بورد معاك وكدا وان شاء الله تتعدل معاك

والبنت ترى هي مو هاملتها عناد بالعكس ممكن ماتعرف للاطفال شوي شوي تتعلم

انا صحبتي كدا كانت مدلعه ببيت اهلها ولمن جابت اول طفال سوت فيه تجارب وكان بيموت اكتر من 5 مرات

وحاله صعبه وبعدين تعلمت يعني يبغالها صبر

والاحسن تكلم امها اذا هي متفاهمه وتقولها ممكن تتقبل من امها

لان الطلاق والزواج من تانيه مو حل لازم تعالج الموضوع من اساسو

والله يسخرها لك ويهديكم ويكبلكم اللي فيه الخير

اهلين اخوي المدمر 2000 لا الشغلة مو زي ما اتفضلت واعرف انها تخاف الله ولا تشوف غيري ولا لها بالشغلات هذي ومتاكد انا مليون بالمية الحمدلله ... المشكلة كلها مو فاهمتني وما تسوعب وماتركز (( حسيت من جدا انها ماتستاهل ان اقول عليها غبية وندمت والله بس كان ومن القهر اللي فيا والله يسامحني وحستسمح واطلب منها تسامحني ))
وانا والله قلبي طيب ياناس مو زي مو متصورين خاصا الاخوات اللي علقوا عليا والي دعت عليا واللي خلتني مجرم ممكن انا اخطيت ببعض العبارت بس ماتوصل لان وحده تعتبرني بلاء تقول الحمدلله اللي عافانا بما ابتلاها به خير ايش مسوي انا وعلى فكره انا ضربتها مره وحده بقصة البنت والكريم ووقتها صاحي من النوم وشايف بنتي قدامي وانا اموت لو صار لها شي وادري اني غلطت بضربي لها بس وقتها يا اضربها واطلع غضبي يا اطلقها وللمعلومية الطلقيتين الاولى كلها منها تعصبني ولما اهاوش تقول طلقني وبوقت غضب اقولها لها وفاكر بالمره الثانية والله لما نطقتها حسيت ان الشغلة كلها مو مستاهلة وجاني برد مو طبيعي حسيت الشيطان خرج مني وفهمت واتفقنا ان مهما صار ما انطقها الثالثه بس حالتي دحين قرف مو قادر اتحملها احس من جد كرهتها ومو محابها واظن فعلا انا ماحبيتها من البداية بس افتكر حلم حلمتو فيها انني طلقتها واتزوجت وساكنة قدام بيتنا وشفتها من الشباك مع زوجها الجديد والله حسيت بحرقه بقلبي وانقهرت وسرت اراقبها وهيا مو شايفتني دا بالحلم وصحيت
وهيا فعلا مدلعه ببيت اهلها حتى شاهي ماكنت تسويه وادري بس الشغلة والله مو على التنظيف وشغل البيت والغسيل دا كلو صح زاد الطين بس هيا فيها برود جنسي صراحة ودي بدايه المشاكل تتقرف .......... تطلعي بانها تستحي اقولها 5سنوات مبغى افصل بس بوضح للاخوات اني ماظلمتها ومتقي الله فيها ومو مقصر معاها واهديتها ورد وعطور وملابس صح مو بشكل دوري بس لانو مو مريحتني كيف اريحها انا ياخوان انا بشر ليا مشاعر والله اكره اللي يستقوي على بنت او على ضعيف ولست ولله الحمد من النوع دا او احب اذل انسان وانا قولت بالبداية اني كنت اسامحها بسرعة لما تخطي لانها كانت تترجى فيا وتتوسل وتذل نفسها واسامحها بسرعة عشان ماتسوي بنفسها كدا ولا اقولها انتي تذلي نفسك عشان ما ازيدها وادري انها تموت فيا بس ما تعرف تتصرف وحتى طرقها قديمه احسها متوجهه مو فاهمه شي مره مثال طلبت طلب في وقت غير مناسب ماعلينا المهم انا ما اقدر اشتكيها لامها لانها كبيرة بعمرها ومريض وابوها كمان كبير ومريض والمشكلة لما نروح عندهم ويسالوني عنها اقول لا كويسه وتمام والله عشان ما اتعبهم او ازيد عليهم او اشغل بالهم (( وهيا ببالها خايف منهم وربي دا تفكيرها اشوفو بعيونها )) واطنش بس وصلت المشاكل لاختها الكبيرة ونصحتها وبس بدون فايدة ولدرجة مره كونا بالسيارة مع بعض وكلمتها اختها بالجوال بتقولها ليه مقصرة ومدري ايه لانو وقتها امي قالتلها على طول راحت قالتلها وقدامي اشتكى لامووووو..... انا عصبت قتلها قفلي الجوال وتهاوشنا وعلى فكره لما نتهاوش ترد هيا عليا وتتكلم لا يكون ببالكم مره لسانها مو طويل ولا غير النظرات من فوق لتحت وكمان لا يكون ببالكم مكروووفه بشغل البيت والله بس نايمه تنام مع بنتي يعني طول الوقت نايمه وربي وما تطبخ الا غداء فقط الفطور افطر برا وانا رايح العمل والعشا من برا او نواشف ولا اللي يضحكني ايه لما اغيب عن العمل اخذ اجازة ماتسوي غداء اجازة حتى هيا ههههههه ويوم الجمعه اوووف كلو ولا تلمس شي صح بنتي شقيه مش الله عليها بس انا مبغاها تسير زي ظلها بس ابغاها تلاقي شي بيدها تشيلو تلاقي شي بالارض ترفعو زي امس البنت ممدده على السراميك والسراميك بااااااااااااااااارد وربي وماسكه الجوال تكلم اختها ولا هيا ساله عن شي بقول الارض بارده شيلي البنت تقولي تيب ببرووود (( واللي راح تقول ليه انتا ماشلتها انا جاي من برا معايا اغراض البيت امس مقضي النواقص بالبيت)) وفيها كمان خصلة مره مو حلوه حقوده خاصة على اخواتها ماتبغى احد احسن منها طبعا وتاني شي مره تهاوشت مع اختها الكبيرة شهرين واكثر ماكلمتها ولا تسلم عليها ان فقدتها صراحة كانت تزورنا وبفجئة انقطعت سالت عنها اشبها ان شا الله طيبة قالت لا دي طيبة ومدري ايه وتتكلم عليها وفهمت انهم متهاوشين قلتلها اتصلي عليها سلمي عليها لانو وقتها دخل رمضان ولا سلمت عليها واختها صاحبت افاضل عليها وفهمتها اللي مافي خير باهلو مافي خير باحد وبالقووووووووة رضت وبدون نفس تكلمها وذكرت باللي كانت تسوي لها صارت تقول اصلا هيا استغلاليه ومدري ايه وتتكلم كلام تافه وحتى مره وسوست على اسنانها وربي مو قرفتني قرفت كل اللي حولنا لدرجة لما تتصل على اختها قفلت الجوال بوجهاا وقالتلها بالحرف الله يعين زوجك عليكي ولما شافت محد يبغى يسمعها وانا قد طلعت عيني بالفلم دا قومت وحضنتها وقولتها كلو يتصلح وعادي ومافي مشاكل وصلحتها لها وعدت الامور ودحين لما ابوسها على فمها تقول بشويش اسناني ههههههه والله ياخوان انا نفسي احبها واشتاقلها بس حاليا احس مره مافي امل تعبت وربي واخاف اصبر واتحمل بدون فايده ويكون خلفنا تاني ويسير الانفصال اصعب من الوقت الحالي.
وانا من اول ما ابغى اعلق واشرح واكتفي اوضح بشكر من يعلق بانني قريت تعليقووووو والله يديكم الف عاااافيه
ويب احب اوضح انو الموضع المشاركة متغير شكلو ينرفز انا كتب موضوع المشاركه ( ابغى رايكم ياهل الراااي ) وليس اكره زوجتي واريد الزواج باخرى وشكرا للجميع

لو ما تحب زوجها ، ما كانت بكيت عشان يرجعها
و كانت من أول مرة طلقها زوجها ، تركته

خاف الله في أعراض الناس

صقني أخي الكريم انك تحب زوجتك وإلا ما كنت شعرت بالغيرة والحرقة من الحلم ...ولا كنت تضايقت من تغيير عنوان الموضوع ... تضايقت من تغيير العنوان لانه يقول انك تكره زوجتك

أتذكر بمشاركتك السابقة لهذه المشاركة ذكرت بأنك ستأخذ بنصائح من شارك بموضوعك ...

قم بذلك بصبر ولا تستعجل النتائج ... اعط زوجتك حنان وحب وستبادلك حبا بحب باذن الله ... لا تدقق على كل غلطة ..وحاول تساعدها بالبيت قدر الامكان .. استمر بمناقشتها بأخطائها الكبيرة باللين وبلهجة محبة وتغاضى وانسى الاخطاء الصغيرة .. تذكر ان كل الناس تغلط وكثرة الانتقاد تدفع المخطئ للمكابرة ولانكار خطؤه ... لا يفوتك مدحها ومدح دورها وجهدها بالبيت ومع البنت مثلما لا يفوتك انتقادها ولا تنسى أن مدح التصرف الحسن يدفع الشخص لتكرار هذا التصرف ويبعده عن التصرف السيء بدون ضغط أعصاب وبدون نكد .. يعني مدحك لها بيجيب نتيجة أكثر من النقد . نتيجته طيبه على نفسيتك انت أيضا .

ولا تنسى الدعاء ...ادع الله عز وجل بأن يجعلها قرة عين لك وأن يسخرها لك ويهديها ويحببها الى قلبك ويحببك الى قلبها

__________________

الله يصلح مابينكم اخي
وفي الفترة هذي اتمنى من كل قلبي انك ماتفكر في البنت الثانية الي انت ذكرت انك لقيت فيها كل شي عشان بجد تقدر تركز في الاصلاح
اتمنى من كل قلبي انها مو معاك بالعمل واذا كان كدا يصير----- لاتعليق على مستقبلك الحالي