المشاركة الأصلية كتبت بواسطة برق و سحاب

امه هو مو امي انا هي ..

اسمعني يابو جوري .. مثل مافي زوجات متسلطات فيه امهات ازواج ظالمات ..
ياابو جوري انا محد طيري من بيتي الا امه الله يسامحها .. عاملتها مثل ماقلت انت انها مثل امي
وانا زي بنتها لكن هي والله ماعاملتني مثل بنتها الا كني ضرتها تشاركني بزوجي بكل شئ ياكل معاها
وانا اجلس لوحدي واسكت لو طلعت معه اتمشى قال ليش مطلعها خليها تنطق بالبيت .. حتى الخدم بالبيت
والله يستهينون بي وتحرضهم علي .. حتى امي اذا جاتني زياره ماتعطيها وجه .. وكم مره اجي اسلم عليها وتصد لانها زعلانه من ولدها وانا والله مالي دخل بالمشكله اللي صارت بينهم .. اي مشكله تصير بيني وبين بناتها اسمع سبها ودعاها علي وانا بغرفتي وهم غلطانين مليون بالميه هذا وانا وقتها اسوي كل شئ حشمه له لزوجي حتى لو جيتها تسمعني كلام يستفزني بكيت ببيتي اكثر من اللي بكيته ببيت اهلي طول عمري ...وتوصل انهم يشكون باخلاقي .؟. مايخافون يوم افرش سجادتي وبنص الليل ادعي ربي ينصرني .؟! انسانه مظلومه مهضومة الحقوق .. غريبه بينهم وكلهم اللي باليت اخوان وامهم موجوده تدافع عنهم وسوي يافلانه تراها ام تفهمين وش يعني ام .؟

يرضيك يابو جوري يصير لاختك كذا .. والحجه تراها امه اللي تعبت عليه ... طيب امه وتعبت عليه انا ماعمري حرضت عليها اللي ابيه كرامتي انا بنت ناس يبو جوري ..

ولاتزعل مني يابوجوري والله ان كلام اغلب الرجال مثل كلامك وماهي الا كلمة حق اريد بها باطل ..


اسمحيلي اختي صاحبة الموضوع على كلامي لبوجوري وقطعي لموضوعك السموحه منك ...