اهلا اخي شاطئ المحبة 
اقتباس:
ثم لا أعلم ، ما هي الطوام التي اكتشفتها في شخص العميد خلال تلك الليالي الثلاث ؟
هل وجدت أنه يدمن المخدرات أو يعاكس الفتيات أو يشاهد الأفلام الإباحية ؟
|
ليه هي كل واحدة بتعاف واحد لازم يكون سكير وضراب ولعّان ؟؟!!
خصوصا لو هي مش مضطرة يعني تعيش معاه ،، لا هو عائلها الوحيد ولا هي مربوطة بيه بعيال ،،
الظروف بتختلف من شخص لآخر
اقتباس:
وربما تتوافر لك معلومات أنه متزوج من زوجته الأولى منذ ثلاثين عاما ومن الثانية منذ 15 عاما
فكيف تحملتاه وهو رجل كثير التجاهل ميال للمتعة على حد مزاعم الأخيرة ، وهل اكتشفت الأخيرة فيه من العيوب والنقص خلال ثلاث ليال فقط ما عجزت السابقتين عن اكتشافه طيلة ثلاثين عاما ؟!!!
|
عشان الاتنين دول ماجروبوش راجل تاني ،، مايعرفوش الا العميد ،،
هي جربت وشافت ازاي تبقى ملكة متوجة والخ من الصفات اللي هي عاوزاها وافتقدتها عنده ،،
زائد ان مراتاته شروط زواجهم هي المتعارف عليه
ومالهمش شروط معينه زي في حالة زواجه من الارملة دي !
وكمان هي ليها من الواضح تركبيه مختلفة عن زوجاته
غير كدا تقدر تفسرلي ليه العميد على الرغم وانه مقعدش معاها الا 3 ايام الا انه حبها ومتعلق بيها التعلق ده كله وتاعب نفسه وراها ومش راحم نفسه من التفكير فيها ؟؟!!!
يعني ايه اللي حصل في ال3 ايام دول ميزها عن اللي متزوجهن في 30 او 15 عام
او حتى اي ست تانية !!
والاولى ان هو يطلعها من دماغه بسهولة ويمضي قدما طالما انه شايفها ظلمته !
هو لامجبور عليها او على غيرها وهي كذلك
بس هو مزاجه فيها !!
اقتباس:
|
يظهر لي بما لايدع مجالا للشك أن طليقته من المستحيل أن تتزوج ، وأن العيب ليس في العميد ، بل إن كل زيجة ستدخلها ستنتهي بالفشل طالما أنها تحمل لزوجها الأول معزة ووفاء لا مثيل لهما ،
|
كون انها فكرت في مبدأ الزواج اساسا يبقى هي مستعدة انها تتجوز
بس هي اكيد مصدومة باللي معروض عليها .. وبتفتكر قد ايه زوجها كان ..
معلش اخي شاطئ المحبة ،، هي الرجالة انقرضت ؟؟!!
وهل بقى من المستحيل ان تجد المراة الارملة الرجل الذي يتوافق ومتطلباتها
ولا هي عشان ارملة نقولها اقبلي باللي بيجيلك ولا الا مش هتلاقي حد اساسا ،،
وكل اللي هيجيلك هيبقى طامع في منامك وبس؟!!
لإنك بظروفك كدا ماتنفعيش تبقي زوجة كاملة !! انتي ناقصة ناقصة ناقصة !!
هي حرة انها توائم ظروفها في المستقبل طبقا لإحتياجاتها ،،
واديها مرت بالتجربة اللي قررت بعدها انها ماتنفعش تتنازل ولو بشروط ،، وكلنا بنتعلم
ممكن يجيلها راجل يبقى مش محتاج حاجة منها غير انها تكون معاه ويعيشها ملكة !! ربك اللي بيرزق مش البشر
زائد ،، ان زيجتها الاولى اساسا كانت ناجحة تماما ،، يبقى ليه حكمت عليها انها فاشلة وهتمر بتجارب فاشلة طول حياتها؟؟
اقتباس:
1- زواجها من العميد وتلميحها للطلاق في الليلة الثانية وطلبها المباشر بعد الليالي الثلاث .
|
على فكرة هي ست مش ساذجة ،، دي ثيب ،، لا هي عذراء طايشة ولا هي زي مرات الاخ hond لو قريت مشكلته
دي مجربة وتقدر تقارن وتقول انا عاجبني او مش عاجبني
بس هي انثى ومعظم الاناث فهموا هي حاسة بإيه وبتدور على ايه ،، عشان كدا تحاملوا على العميد
معظمنا يتأثر بمن يبيع الدنيا ويشتريهن ولو بكلمة همسه احساس نقود ،، اي حاجة
وبصراحة الواحد بيقشعر اوي لما يلاقي حد فاهم شوية تفكير واحدة زي دي من جوة زي الاخ ابو حكيم
اقتباس:
|
2- زواجها من طليقها الآخر ، وسرعة طلاقها منه .
|
الله اعلم بأسبابها بس هي حرة انها تنقي من المعروض عليها وتشوف هتتفق معاه ولا لأ ،،
انا مش عارفة طليقها التاني كان بدخول او ملكة بس ،، لإن تفسير الموضوع يختلف وقتها من وضع لوضع
انت عارف اخي الكريم ان في المجتمات المغلقة مافيش فترة تعارف ولا خطوبة كافية فالملكة الوسيلة الوحيدة عشان الواحدة تعرف اللي هتتجوزة عن كثب ،،وتشوف هيتفق معاها ولا لأ
ولو كان لأ بتتحسب عليها جوازة للأسف!
اقتباس:
|
3- رغبتها في العودة للعميد مجددا ، ثم انقلابها المفاجئ عليه بعد ذلك !!!
|
هي مابعتتلوش وقالتله تعالى اتجوزني هو اللي سعى وراها وتتبع اخبارها ،،
وطبيعي من وجهة نظري في الوقت ده تحب تحس انها مرغوبة وهي طالعة من طلاق للمرة التانية ونفسيتها متعبة وجواها اختلاط مشاعر كبير
الطلاق مش سهل ابدا
انقلابها من وجهة نظري جه طبيعي
هي رجعت لتوازنها بعد ما اخدت فترتها وافتكرت تجربتها معاه ولقت الحكاية فيها شئ مشترك
اقتباس:
|
هل يظهر لك أن هذا السلوك هو سلوك طبيعي ؟
|
تقدر تقولي مين انسان فينا طبيعي؟!!!!!
انا بطلت احط قوالب من زمان ،، اكتشفت ان كل انسان وله حالته وتفكيره وظروفه واسبابه ومانقدرش نعمم او نقول هي مجنونة او هو مجنون ،،
او أَفرض وضع واحد على كل البشر طبقا لمعاييري الشخصية !!
احنا بنحلل الموقف ونشوف كل واحد ظروفه ايه ومشاعرة وبيفكر ازاي من منظوره هو
وزي ماقال ابو حكيم الموضوع انه اختلاف اهداف ،، هي غلط او هو صح
ومين اللي على حق او مش على حق ،، هي مش بتتحسب كدا
هي تجربة وعدت بكل مافيها
المهم انهم ماركبوش على بعض
هو ينساها بأه ويطلعها من دماغه وبلاش يوجع قلبه
لعلمك هو لا كرهها ولا حاجة ،، لو كان كرهها ماكنش جه وكتب ومهتم بتحليل الامر
اقتباس:
|
ألا تعزز هذه الحالات فكرة أنه من المستحيل أن تتقبل برجل جديد في حياتها ؟؟؟؟
|
والله فرضا يعني هي جالها الانسان اللي يفي بمتطلباتها ،، وماكنش ليه معاها ماضي يضايقها بطريقة او بأخرى
ايه اللي هيخليها ترفض؟!!
انا اعتقد انه يمكن تاخد وقتها في العزوف عن الزواج مده لحد مايجي اللي يفتح نفسها
اوحتى تقرر انه مش هتتجوز الا لما يجي يشجعها على الزواج ،،
وممكن مايجيش يبقى الكرة الارضيه هتقف؟؟ هتربي عيالها وتعيش حياتها ..
وهيبقى اسمها في الاخر مالقتش اللي يتوافق مع نظرتها واهدافها في حياتها
ودي حرية لكل انسان
استمتعت اخي بالحوار معك
اتمنى لك وقت سعيد
04-06-2011, 07:29 PM
ضوابط المشاركة
العرض الشجري