ترا موب انتي لحالك

كل الحريم كذا إلا أمي واخواتي الغير متزوجات الله يحفظهن

يعني ادخل الاسواق احياناً اشوف قطعه صغيره مره اللي مثل الجكيت المشقوق جاي نص جكيت والله بـ 700 ريال والحريم يشترونه والله اني انقهرت قهر يلعبون على بناتنا والحريم لاشافوا السوق انهبلن مع احترامي الشديد لهن يعني وين عقولكم ؟ تشترون قطعة قماش بألف ريال وأكثر وتفصلونها بثمانمية ريال وتشترون اكسسواراته والجزم في وجه العدو والتسريحه كل هذا بألف ريال يعني تكلفها حضور حفلة زواج من 2500 إلى أربع آلاف ريال تكفون اصحوووا

هذا بغض النظر عن الخياطين اللي يلعبون عليكم بعض الأحيان الحريم يفصلون عند خياط هندي ادري صارت موضه قديمه وصاروا يمثلون عند مشاغل يضربون عليهم ضرب لكن انا اذا رحت مع اختي او امي للخياط الهندي ياخذ عليها فلوس كثيره مره واذا تكلمت انا يخصم أكثر من ثلث السعر لانه عارف ان الحرمه لو يقول لها اي سعر بتقول ايه م وتدفع
شوفوا اخوانا المسلمين في الصومال ماتوا من الجوع خلو عنكم الصومال والله فيه ناس في الرياض انا اعرفهم ما يلقون ما ياكلون الا من الناس وصدقاتهم عليهم اعرف وحده ساكنه في حي قديم في الرياض عندها ست بنات والله انهم يالله يالله ياكلون ويسددون آجار بيتهم القديم المتهلهل وفي السطح لاعندهم رجال ولا شي يعني المسكينات هذولي وش فرقهم عنكم؟؟

(إن الله لا يحب المسرفين)

اتقوا الله

ويا أختي ترا موب لحالك بس حاولي تكونين مثال للبنات يعني حرام عليك 7000 تصرفينهم بكم يوم ولا شفت في كلامك انك تصدقتي منهم ولو بخمسين ريال ترا الصدقه تبارك في الفلوس والله

انا رجال ومعي سياره وادرس في كليه بعيده عن بيتنا وما اصرف في الشهر الا 500 ريال وأقل

يعني وش بتستفيدين لو لبستي لبس غالي ولا لبس سعره معقول صدقيني والله ما احد بينفعك ولا يدري عنك

الله يهديك ويهدي كل بنات المسلمين اللي عليهم طلبات عجيبه : آيفو ، آيباد ، بلاك بيري ، ملابس بسعر غالي جداً جداً يعني مين تحسبون انفسكم ؟

الرسول صلى الله عليه وسلم أكرم البشر وافضلهم ينام على حصير وله الكرامه صلى الله عليه وسلم

ضره ؟؟

لا والله ما ضره


نبي الله ورسوله

بالتوفيق