الأخت الغالية نورة كل عام وأنتي وأسرتك بخير وصحة وسلامة يارب وعساك من عواده يارب .
بالنسبة للجمعية أنا في الحقيقة ما أتركها أبد لي تقريبا 10 سنوات أنا أنظمها لي ولجاراتي وصديقاتي وأمسكها أرتبها ونشوف من إللي تكون أشد بحاجتها ونعطيها أول وحدة أجمع المبلغ وكل مرة أسلمه لواحدة من الحريم إللي معي
طبعا فيه بعض المشتركات معانا تكون بحاجة ماسة إما تبغى تكمل فيها بناء بيت أو شراء أرض أو سيارة أو تبغى تزو ج ولدها أو تزو ج >>>>>>>زوجها هههههههه طبعا حنا نقدر ظروفها والأولوية للي ظروفها صعبه الأحقية لها والحمدالله ماعمره صار معي موقف أو إنحرجت في شئ معاهم لأنهم أهل ثقة ودين ويخافوا الله صح التنظيم حق الجمعيات تعب بس خلاص صرت مدمنه عليها وماتخلص الجمعية الأولى إلا والحريم يتصلون ويسألون متى بتنظمي الجمعية الجديدة طبعا أنا أستفدت من الجمعيات كثير وقد جمعت منها بالإضافة على قرض للبنك وبعت ذهبي كامل وإشترينا أرض وبنينا البيت بس في بيتنا في ديرتنا عند أهلنا والحين عيالي وزوجي رافضين إنا نغادر منطقتنا الحالية إللي نسكنها ويبغونا نشتري بيت ثاني في نفس منطقتنا ونستقر فيه عيالي وزوجي يقولوا هاذاك البيت في الديرة خليه للإجازات ونبغى بيت ثاني بعد التقاعد في مدينتنا الحالية والحين نجمع من جديد للبيت الثاني مع مكافئة نهاية الخدمه وبنشتري بيت ثاني
بعد التقاعد إن شاء الله وطبعا من الجمعيات شرينا سيارتين جديدة كاش وحدة للدوام وواحدة للعائلة والسفريات وأنا كنت بالأول اشترك في الجمعيات وأشتري فيها ذهب علشان تنحفظ الفلوس فيه والحمدالله كل نهاية سنة أنزله السوق وأوزنه وأزكيه بس من يوم الذهب إرتفع سعره توقفت عن شرائه أخاف يهبط وبعدين أختك في الله تنجلط والذهب يلحق الأسهم .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله