والله أني من بعد فرقاك في حزن وزفير
وانطويت بزاوية ابكي ودمعي لك أهله
أدري انك ماتبادلني وطبعك بي تجير
وانك تفكر بنفسك وبأنانيتك تغلى
كنت أعاني من طعونك والمشاعر تستجير
بس ماطاوعني قلبي أني أبعد وأتخلى
ياخسارة ليتها جت مني ،لكن بالأخير
صفعتك ذي فوقتني، من خضوعي والمذلة
كنت معطيتك حياتي ووقتي الشي الكثير
خاطري فيك متعلق انت شمسه وانت ظله
تذكر أيام المودة يومك بقلبي أمير
ياكثر ماكنا نحلم وافترقنا وحلمي ولى
قلت لي الاحلام ماتت،ماعاد في وردك عبير
انصدمت ولين يومك ماتخيلتك تخلى
ماتت ورود الأماني وانامن بعد كسير
بس اهوجس بك وادعي اني عن عشقي لك أسلى
تخوني مع شخص خاين، ليش انتا ماتغير
وتجبرن أترك مكاني لجل غيري يستحله
لك أنا أرخصت عمري، كنت في دنياك طير
دوم أرفرف فوق عشك واعشقك باحساس طفلة
ماتحملت الخطا مني واناكني ضرير
اتحمل وانت تغلط وطيبي دايم مستغله
شاللي خلاك اتغير وانت تعرفني صغير
توني جاهل وانت استاذ قلبي اللي يدله
اتهمت الحب فيني ، وماقدرت انك تصير
وآفي حتى في كلامك ليش كل هالظلم كله
اناكنت انسانه طيبه احسب الدنيا بخير
كنت اصدق منك لكن مااصدق فيك كلمه
استغليت البراءة ، وماسمعت اللي يشير
ماهقيت تخوني لوكل عاشق خان خله
مايسوي مثل فعلك الا انسانن حقير
لانك من اول خطا قررت تبعد واتخلى
كيف هانت عشرتي وشلون موّت الضمير
طاوعك قلبك تخون وتغمد الحقد وتسله
رغبتك بالانتقام انستك حبي الكبير
والا كم كلمة وضحكة نست العشقان خله
كيف تعشق مرتين ، عقلي من راسي بيطير
كيف بس تخون واحد فضل يطيعك عأهله
انت ماعندك كرامة، وماتحس، وماتغير
واللي سويته معي بيصير مع هاللي تبلى
لاتفكر اني برجع لويصير اللي يصير
انت ماضي وانتهى واليوم ببدا عمر أحلى
لو تقول انك ندمت وانت فيني مستخير
خيرة الله هي فراقك ، كلنا في خيرة الله
بس حاول تستفيد من نزوتك وتصير غير
وتبتدي نقطة تحول والغلط ترجع تحله
شكرآ انك خنتني ، واصبحت في عيني حقير
واكتشفت ان الحياة بدون قربك والله احلى

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !