10-12-2011, 07:29 PM
|
|
|
اسعد الله صباحكم / مساكم بكل خير ماني عارفه بصراحه من وين ابدأ ؟؟؟ بس كل املي بعد الله فيكم انكم تعطوني الحل المناسب و( النهائـي يمكن قصتي طويله او يمكن ذكرت تفاصيل ماهي مهمه لكني حبيت افضفض كل الشكر لوقتكم الثمين انا انسانه متزوجه لي سنتين والحمدلله كانت ايام الخطوبه احلى ايام حياتي وبعدها حلوت حياتي أكثر بعد الزواج كان التوافق مابيننا تام بالتفكير وبالطباع وبكل شي كنت احمدالله اللي رزقني هالزوج اللي كان يفوق احلامي وامنياتي كنت ومازلت اشوف الحب بعيونه ماكان يرد لي طلب يعتبرني مثل الطفله همه يراضيني ويدلعني اعترف لي مره انه ماكان يفكر بالزواج بس لإن امكانياته وشخصيته تساعده اصرو عليه اهله يتزوج وانه الحين يحمد ربه انه تزوجني وكانت اول مشكله صارت بينا لما رجعنا من شهر العسل ذكرته بالحفله اللي كان مواعدني يسويها لي لإنه قالي مانبي نسوي زواج كبير خليها زوارة وحفله كبيره بعد شهر العسل وانا وافقت ولما ذكرته بهالشي اللي من حقي ومن حق كل عروس تفرح فيه عصب وهاوشني وقالي انتي عقلك صغير تخيلو كل هذا وهو حتى ماتنزل يشرح لي ظروفه او يتعذر عن وعده او حتى يعطيني سبب مقنع المهم وداني بيت اهلي على اساس اهدأ وكلموه اهلي وقالو له حنا مستعدين نتكفل بكل شي مقابل فرحتها وسعادتكم لكنه رفض وقال خلوها تصبر لين اسويها وبعدها لطعني شهر عند اهلي زعلان كان يحز بخاطري شلون يتركني وانا توني عروس وشهر مره وحده ؟ وعشان سبب تافه ؟ وين حبه لي ؟؟ وين تدليعه ايام الخطوبه وشهر العسل وين اغلى الهدايا والماركات معقوله طلع مايحبني وكانت تصرفاته تمثيل؟ وكل ماكلمو علي اهله قلت لهم اني مريضه وكل يوم حجه وبعدها انكشف الموضوع عند اهله واتصل ورجعني وانا شلت هالموضوع من راسي ولو انها كانت فرحة العمر ورجعت احسن من اول وارجعت حياتنا عسل بعسل إلى ان سكنا جنب اهله وانقلب الحال سكنا بفيلا كبيره طبعاً ماكان بإستطاعتنا نأثثها بالكامل اثثنا غرفة النوم والصاله والمطبخ وباقي الفيلا فاضيه موحشه صبرت وقلت عادي اهم شي الاماكن اللي بنجلس فيها وبدت طلباتي المعقوله بالرفض شوي شوي والسبب هالفيلا اهله الحمدلله ناس ماعليهم قاصر لكنهم ماساعدوه على اساس انه يأثث من راتبه وكل مره يضايقونا بالكلام ماأثثتو ؟؟ ماخلصتو ؟؟ ماكملتو بيتكم ؟؟ وانا يشهد علي الله اني اقوله خلنا نجمع مبلغ معين من راتبك كل شهر ونحط فيه شي بهالبيت وكان كل مره الشهر الجاي بنبدا ولما شفته يماطل وماهو مشتهي يكمل بيته صرت انا بعد افكر بنفسي كنت اقوله خلنا نروح ناخذ عمره يماااااااااااااااطل خلنا نقدم على خدامه يمااااااااااطل خلني اكمل دراستي يمااااااااااطل يعني بالعربي لا انا اللي حصلت بيت زي العالم والناس استقبل فيه احد حتى اهلي لي سنتين وربي ماقلطو على فنجال قهوه ولا انا اللي كملت دراستي ولا انا اللي جتني خدامه تفكني من تنظيف هالبيت اللي كله بلاط وتراب ولا انا اللي اسافر واروح واجي زي اخوانه وخواته مع انه يموت بالسفر وقادر لكنه خوف من كلمة سفر زوجته ولا أثث بيته طيب انا وش ذنبي إذا ولدكم مو مشتهي يكمل بيته وقلتها لهم بس ماصدقو يشوفوني ألبس أغلى الماركات ويزعلون وانا يعلم الله اني استعير من خواتي والبس عندهم زوجي مايقصر لكن مو كل مره اقدر اشتري الماركه اللي ابيها يعني حتى اللبس ماتبوني البس مثلكم لو سلف وانا ادري يوصله كلام من اهله وادري بعد انه يقولهم ترى من خواتها بس هم مايصدقونه مرت الأيام وحملت تخيلو بدا زوجي يتغير علي وزادت طلباته وزادت إنتقاداته على كل شي مع اني ورب البيت ماحسسته اني تغيرت بشي تخيلو حتى خدامة اهله منعها لاتجي تساعدني عشان يفتك من كلامهم ورفض اني اجيب خدامه بالساعه ورب البيت دخلت الشهر العاشر وانا اللي انظف هالبيت 3 ادوار راقيه نازله كنت اقوله يافلان على الأقل ثيابك وشمغك ودها للكواي وكان يرفض مع اني احسه يرحمني بس ماهو قادر يسوي شي كنه مربط ودايم يقولي كلمة سامحيني ويسكت المهم طول الفترة اللي راحت سواء بالحمل او قبل الحمل وهو كل اسبوع او اسبوعين يتركني عند اهلي 3 ايام ويطلع مع ربعه بالويك إند لما زودها شوي وصار كل اسبوع صارحته وقلت له مايصير هالشي حتى اهلي مايرضون تبي تسهر اسهر لين الصبح بس ارجع خذني مو تلطعني لين الساعه 3 الفجر وبعدها ترسل مسج نامي عندهم المهم مره وانا حامل تهاوشت معاه وكان السبب نومته برا البيت مره بالمزرعه ومره بالإستراحه لكنه ماتحملني عصب علي وتلفظ علي بكلام اول مره اسمعه منه لين ماوعيت على نفسي إلا انا مكلمه السواق ورايحه لبيت اهلي ادري غلط بس هو كان شايفني وانا اطلع ماحاول يثنيني عن رأيي او حتى يمنعني بالقوه ونفس الحكايه تركني شهر لااتصل يتفاهم ولا قال المسكينه حامل ولا شي وبعد شهر انا من نفسي رجعت بعد ماأتفقنا انه يترك حركاته وعلى فكرة كل مره تصير بينا مشكله ارجع ألقاه متندم وضايقه فيه الدنيا ويقولي لاعاد تزعلين وتتركيني طيب ليه تكابر على نفسك الخطا ماكان مني انا بس كان مشترك ليه تتحمل كل هذا وتصبر ليه ماتتصل تعاتب وتصلح الأمور ؟؟؟ مشكلته يكابر حتى على نفسه وبعد ماولدت وجيت اطلع من النفاس قلت له برسل خدامات اهلي ينظفون البيت قبل ماارجع وقالي لا تونا بيتوسخ البيت على طول خليها قبل رجعتك بيوم وقبل رجعتي بيوم كلمني وقالي انا ماخذ لك ليله بفندق فرحت ولما جا من بكرا اتصل علي من الدوام وقال ها متى بتجين تنظفين بيتك ؟؟؟ انا استغربت طيب شلون والفندق ؟ قالي انتي ماهمك إلا نفسك تبين تستانسين وبس قيمة الفندق احط فيها شي فبيتي وانتي متى مازاد عندي شي اخذت لك ليله !!!! هالحين مين اللي مواعد الثاني بالفندق ؟؟؟ومين اللي رفض اني ارسل الخدامات ينظفون البيت ؟؟؟توك فطنت لبيتك انه يحتاج لأثاث ؟؟؟ وانا ياما ترجيتك وكأن البيت بيتي لحالي ماهو بيتك انا الحين تبدي علي الأثاث ؟؟؟انا اللي غايبه عنك أكثر من شهر هذا قدري عندك هذا هو أستقبالك لي تهاوشت انا وياه وعلى صوتي عليه من القهر وطريقة كلامه انا ادري وش اللي غير رايه وخلاه يهون كله خوف من اني اروح لأهله واقولهم عن الفندق يحسبني طفل لافرحت بالشي اقول لكل الناس عنه ؟؟؟ فهمته ان مو كل شي بحياتنا ويمكن ولاشي يوصل لناس وبالذات اهلك لكنه مافهم والصدمه انه تركني انا وولده ( 3 شهور ) تخيلووووووو ؟وربي ماسئل عننا يوم ولاحتى عن ولده ولا حتى ارسل مصروف ولده ولاشي حتى اهله خلاهم يطلعون من الموضوع مادقو يسألون عننا وبعد المده الطويله هذي اتصل وقال بجي آخذ ولدي بدون تردد عطيته ولده وكان عمره 4 شهور واول ماشاف ولده دمعت عينه ياويلك من الله كابرت حتى على ولدك وتركته يكبر بعيد عن عينك وحنانك طيب ليه انا وش قصرت فيه حتى الهدايا والمبالغ اللي جتني عطيتك إياها فوق 8 الاف ريال مابخلت فيها شفتك محتاج ماترددت وهذا جزاااااي ؟؟؟ ولما شافني بهالسهوله عطيته ولده خاف وماتحمل يشوف ولده من دون ام وبعد يومين اتصل يراضيني ورجعت ماأنكر انه خلوق وذوق بأسلوبه معي ورومانسي بالدرجه الأولى يعني فنان بالتعامل لكنه عنيد ومايقبل بالتفاهم ويذكرني بالمثل اللي يقول ( البعيد عن العين بعيد عن القلب ) ومرت الأيام والروتين ممل ماصار يطلعني مثل اول ماعاد فيه مطاعم ولا كافيهات ولا أسواق ولاتمشيات ولاحتى كان يرضى يعشمني بمشوار كان النهار كله بالدوام والليل مابين جمعة اخوانه في البيت الكبير ومابين اخوياه كنت اترجاه اقوله مو لازم نطلع خلك معانا في البيت نبي نسترخي سوا ويرد علي ماعرف اجلس في البيت وطبعاً صار وضعنا طول الأسبوع انتي والولد محبوسين في البيت وما ارجع لكم إلا 12 بالليل اتعشى وانام والويك إند تنامين عند اهلك حتى الخدامه ماعندي مابين بيت كبير وزوج وولد وفوق هذا حتى خدامه بالساعه قالت له امه لا تجيب كل 40 يوم جبها مره حسبي الله عليها ونعم الوكيل بناتها معززات مكرمات خدم وحشم وسووايق وروحات وجيات وسفريات وانا مانين علي بهالبيت الفاضي وطول الوقت عينهم علي وش سويت وش حطيت ؟؟؟ حاولت اتقرب من زوجي بكل وسيله بالتلميح بالتصريح بالعتب بالزعل واللوم جيته بكل حزه حتى بالفراش لكن مافي فايده ماعنده غير فلان يقول وفلان سوا لاعبين بعقله اخوياه قسم بالله حتى من همومه حارمني دايم القاه ضايق صدره ويهوجس اسأله عسى ماشر وش فيك انا شريكة حياتك حتى بهمومك لكنه كتوووم ومره قالي انتي ليه تدورين الهم خلي همي فيني ومره قلت له ماتبيني طلقني وهذا قبل مايكون بينا ولد ترى محد جابرك علي بس لاتغصب نفسك وتتعبني معك انا ماتكفيني رومانسياتك ولا خفة دمك وسوالفك الحلوه مليت كل مره تكب علي من الفلوس وتسكتني خل الفلوس عندك ومتعني فيها بطريقتك لكنه مايفهم ماعنده غير المفاجأت والهدايا الغاليه لكن تجديد بالروتين وتغيير جو لا ومليووووون لا كررت نفس الكلام بعد ماأنجبت الولد بالعكس لقيته متمسك فيني اكثر واغلب الأحيان احس انه عشان ولده طبعاً مع مرور الأيام صار يصر علي اني انام كل اسبوع عند اهلي ولدرجة مره رفضت قام يهزئني طنشت وانقهر من اسلوبي ومد يده علي طبعاً ماسكت قلت لأخوي الكبير ووقفه عند حده وتركني عند اهلي اسبوع ورجعني ثانيه بصراحه بديت احس انه طايح على بلا وبديت اشك فيه كل اسبوع يتركني ويروح عند اخوياه وينام 3 ايام اكيد في شي يجتمعون عليه راقبت المكان مالقيت بنات يجونه ولا شباب صغار ولا اي شي ملفت للإنتباه مكانهم جداً عام ووسط المدينه عرفت ان هالشي ياشراب او حشيش وخاصه ان زوجي يدخن وهالشي وارد بس للأمانه مايدخن عندي بالبيت ولا بالسيارة ولاحتى صارحني انا من نفسي عرفت جلست افكر معقوله كل الأسبوع اشوفه مستقيم ولا الاحظ عليه شي ومحافظ على صلاته ويخربها نهاية الأسبوع طيب والحل ؟؟؟ المهم قلت له مره انا مجهزه لك ليله رومانسية وكان الأربعاء وقررت اترك ولدي عند اهلي بس للأسف كلمني وقال نامي طيب واتفاقنا واستعداي النفسي والمعنوي حتى المادي ؟؟؟ قالو لي اهلي معليش اصبري والمره الجايه لاتجينا روحي لأهله والخميس اجلسي في بيتك مثلي انك تعبانه ولاتعاتبينه هالمره ولاشي لكني ماصبرت ارسلت له رساله رومانسيه وعتاب بنفس الوقت ولاحياة لمن تنادي رجعت لبيتي ولما جا الأربعاء الثاني دخل علي وانا اكوي ملابسي بروح لأهله قال قدامك نصف ساعه تتجهزين وتركبين السيارة اسلوبه كان تهديد استغربت طيب وين بنروح قال يعني وين على بيت اهلك قلت بس انا ناويه اروح لأهلك انت قال لا يلا بسرعه قلت آسفه تعال نجلس ونحط النقاط على الحروف قام يهددني وش عندك ماني متفاهم على شي قلت هالمره غير هالمره لازم تعرف تفكيري وين وداني وعلمته عن شكوكي وعصب ولوى يدي ودخلني غرفة ولدي وقال عشر دقايق ان ماركبتي بتندمين قلت خلاص لكن ولدك خله عندك قال غصبن عليك بتاخذينه قلت خل امك تجي ونتفاهم قال ادفنك قبل ماتوصل امي قلت والله ماارجع قال لاترجعين قلت لاتنسى قال اي لاترجعين واخذت ولدي وجيت عند اهلي هاللحظه عرفت انه ادمن على شي وانه ماراح يستغني عنه زعل وزعلني تطنيش وطنشني تركني بالشهور عند اهلي ضرب وضربني طرد وطردني من بيته انا وولده بعد وفوق هذا لما كلمت امي على امه استهترت فينا وقالت اكيد ولدي مايقصد وبالنسبه للضرب يمكنه يمزح معها وإذا هي كانت بتجينا تراها مسموحه لاتجي وإذا على الثلاث شهور اللي خلاها ترى الرجال يخلون حريمهم سنين حزتها عرفت ان امه اللي تحرشه علي وتقلب راسه واخوياه مايقصرون ولما قلنا لها عن اخوياه قالت لاتشككون كل الرجال كذا وهي كذابه وتدري وعلى فكره من سكنا البيت وانا احلم انا اخوه الكبير يلاحقني ويشوفني من دون عباية وتكرر الحلم مرتين ولما فسرته قالي الشيخ اخوه يهوجس فيك ويقارن بينك وبين زوجته ويحسد اخوه عليك مع انه ولامره لمح مني شي ولا طرف اصبعي بس يمكن لإني بسن بنته وهو شباب مو كبير بالأربعين والشي الثاني انا لما شفت ان هذا رد امه علينا واستهتارها كلمته وقلت له تجي الحين وتاخذ ولدك لإني اعرف نقطة ضعفه اني اترك الولد ورفض وهددني وقال لو فكرتي تتركين الولد ياويلك وصارت كل يوم امه تتصل بنتكم فيها وفيها ربوها زين قالت لها امي خلو بنتنا عندنا وخوذو ولدكم عندكم ورفضت وانا بنفسي لما شفتها تتمادى بالكلام علي اخذت ولدي واغراضه ووصلته لبيت جدته لكنها الحقيره رفضت تاخذه بحجة ان ابوه مايدري وانها ماترضى تسوي شي من دون اذنه يعني حتى ولدكم حفيدكم ماتبونه ؟؟؟ ومن ذاك اليوم ماصار شي لا زوجي اتصل ولا أهله حتى عن حفيدهم ماسألو ولاحتى مصروف الولد جابوه يعني بالضبط نفس ماسوو بالثلاث شهور اللي تركونا فيها أسألكم بالله صارحوني بحقيقة زوجي واهله لاتجاملوني ولا بحرف انا واهلي ماقصرنا بحقه لكن مابين بعينه كل مره اهلي اللي يصلحون مابينا ولايستحي منهم وكل مره يوعدهم ماتتكرر المشاكل ابوي يقول اطلبي الطلاق وربي يعوضك لإنه رفض حتى يجي يتفاهم مع ابوي وامي لو بيطلقني يمكن ماتتحمل الصدمه لكن ربي بيعينها وش ذنبي انا اخوي يقول يأست انه يفهم كل شهر وانا رافع السماعه عليه خلاص لازم تأدبينه هالمره ولابترجعين زي ماكنتو لكن امي من الحين خايفه من الطلاق وانا والله ماهمني وماحسبت لكلمة مطلقه اي حساب لكن ولدي كاسر خاطري شوي بس إلى متى ؟؟؟ مابقلبي اي شعور إتجاهه غير الإنتقام ودي احرق قلبه وقلب امه عليه بس شلون تفكيري بالإنتقام صار اكثر من تفكيري بالحل هذا لو كان باقي حل تحياتي |
 |
 |
|
| رد المستشارة لحظة |
||
 |
 |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري