أبشركم فاتحت الوالد وعمي برغبتي بزواج في البدايه حسيتهم مصدومين ولا حد رد طبعا الوالد وجهه صار يحمر وحسيته بدأ يعصب طبعاً قعد يسالني حق شو بتعرس وبنت عمك شو ناقصها أنا يوم قال جي قعدت أشرحله وضعي مع لجين وأنها مب معطيتني حقوقي لاحظت حدود نص ساعه تقريبا وانا والوالد نتناقش وعمي (أبو زوجتي ) ساااااكت ولا رد بحرف طبعا الوالد أعلن رفض وقال إاذا بتعرس هو ماله علاقه بالموضوع واللي بتاخذها ترى ممنوع تدخل بيوتنا ولا تحضر مناسبتنا لانها مب من مواخيذنا ( هذا وأنا بعدني ما حددت البنت ) المهم قويت قلبي وسألت عمي شو رايك رد عليا برد واحد صاحبة الموضوع مب موجوده ( بنته ) ثاني شيء طلب مني أعطيه أسبوع يقعد ويانا في البيت ( مادري شو براسه ) على حد كلامه يبغا يشوف بنته واذا قدر يغيرها أو يفهم هي شو فيها اوكيه وإذا لا بياخذها وأرسل ورقة طلاقها لانه على كلامه ما يرضاها لبنته , حاولت أناقشه أني أحبها والطلاق ماله داعي بس هي سبب مب راضيه تتجاوب معاي هو يقول بنتي بعدها صغيره ولا أريد أظلمها وياك بالله عليكم في شو ظلمتها قعدت أحلف أني مب مقصر وياها ولا ظالمها بشيء بس هي مريض نفسياً أنا يمكن ما كملت جملتي هذي والا وهو طايح فيني سب ولعن ليش تتكلم على بنتي جي والوالد وياه ما قصر في السب .
يوم الاثنين قرر يجي عندنا البيت ويقعد ويانا ويراقب وضعنا لمدة أسبوع ( ضحكني والله ) عقبها هو بيقرر ( على كيفه وكيف بنته صرت ) .
شووو رايكم أرضى بقراره ولا أطنشه ولا أروح البيت طول الاسبوع عناد لهم .
أو أعرض الموضوع عليها أني نويت أتزوج ولحين قاعد أدور وأشوف ردة فعلها يمكن تكون أرحم من أبوها وتتفاهم وياي مع أني أشك بذلك .
السموحه منكم أحس نفسي متلخبط.
11-02-2012, 09:03 PM
ضوابط المشاركة
العرض الشجري