اشعر بالحرج من زوجي
السلام عليكم...
اخواني واخواتي باالمنتدى بصراحه انا متابعه للمنتدى من فتره وحبيت اكتب مشكلتي اللي ما قدرت
اخبر فيها اي احد..
المهم انا متزوجه من 6 شهور وزوجي حنون جدا علي ويحبني و دايم يدور رضاي .. وهالشي هو اللي يخليني اكره نفسي
انا تفاجئت بعد العقد بانه اقصر مني (بـ10 سم ) وهالشي مأثر على نفسيتي ما احب اخرج معاه عشان ماحد يتكلم علينا ودايم اتهرب منه ..ساعات احس اني اكرهه لأنه يوم يتقدم لي كان عارف اني اطول منه وغير كذا مايهتم بمظهره كثير ..
بكيت كثير مع نفسي لأني مابي احسسه بهالشي
المشكله فيني انا والصراحه انا ما ادري ليش اسوي كذا او حتى ايش مشاعري نا حيته لما اكون معاه
ولما اشوف اثنين متزوجين ومبسوطين مع بعض اتمنى اننا نكون مثلهم هو ما قصر معاي لكن انا احس اني ما اعطيته اللي تعطيه الزوجه للزوجها من التدليل مع اني اضغط على نفسيتي كثير علشان ارضيه مع اني ما احب اسمعه كلمات الحب ....
اضحك واسولف معاه لكن تجيني لحضات ما احب اطالعه ,,وباالنسبه للسرير عادي متقبلته وما عندي مانع
انا ماني عارفه شعوري نحوه مرات احس اني احبه ومرات اقول لا وبيني
وبين نفسي احس لما اتركه ما راح احصل مثله !!
عارفه انه خلقة ربي وفي نفس الوقت مابي اظلمه معاي .. كيف اتقلب على شعوري ناحيته واتقبل طوله ..؟
اتمنى اشوف ردودكم..
تحياتي..
23-02-2012, 11:01 AM
ضوابط المشاركة
العرض الشجري