السلام عليكم و رحمة الله و بركاته

أنا عمري 23 سنة .. خطبني شخص فيه كل ما تمنيت .. حتى أمه قلبها أبيض وخواته ارتحت لهم كثير .. قبل فترة جاء هو و أبوه و قالت لي أمي طلي عليهم من الدريشة .. لكني انصدمت والله : ( الرجل ما فيه أي ذرة وسامة قصير و أسمر جداً.. قلت لأمي جت عصبت و جلست تصرخ علي و تقول الرجال ما يعيبه شكله و هذا اللي ناقص نجلس نرد فالناس هذا ما تبينه لأنه يدخن وهذا لأنه مبتعث بتجلسين فحلقي و من هالكلام : ( و لما راحوا الرجال راحت تسأل أبوي هل هو قبيح! قال أبوي لا مش وسيم بس مقبول.. قالت أمي خلاص خلصنا من هالموضوع!

أنا والله مش مرتاحة أبداً بالمرات اللي قبل كنت أحس براحة و فرحة مثل كل البنات بس هالمرة غير .. مع إن الكل يمدح في أخلاقه .. ابوي قال بكره بخليه يجي يشوفك بس أنا قلت لا أجله للأسبوع الجاي أنا بس ءأجل لأني مو مرتاحة .. أمي تقول لما تدخلين شوفيه بس أنا استحي مرة مستحيل أرفع راسي .. أنا والله مو بنت تافهه ولا عقلي صغير و عمري ما فكرت إن زوجي يكون وسيم .. حتى اللي قبله كان وسيم و رفضته عشانه يدخن .. أنا بس أبي شكله يكون مرتب : (

خواتي المتزوجات يقولون إذا تزوجتيه بكره و شفتي أخلاقه و تعامله الطيب بتشوفيه جميل فعينك .. هل هالكلام صحيح ؟ أنا خايفة اقبل و يبقى هالشيء بنفسي .. و أجلس اقارن بيني و بينه .. وما أقدر أحبه و اظلمه معاي .. و بالنسبة للرفض إذا أصريت أهلي ما راح يجبروني بس أخاف اندم بعدين .. أبي رأيكم أخواتي المتزوجات .. هل صحيح الشكل مش مهم في الزوج و إن حسن التعامل يغطي ؟

وجهوني تكفون و رجاء ما أحد يهاوشني ^_^