ليش تتركين المنتدى ؟ حبيت كلامك جدا جدا وموقفك وفكرك الراقي تمنيت تكملين !

لازم نغير فكر مجتمعنا ونظرتهم لغير المتزوجات فعلا قلتي كلمات حسستني بالحزن بسبب كل هالافكار الجاهليه اللي اثقلت بناتنا واللي تبناها المجتمع وسقتها العادات والتقاليد وفوق هذا يزرعون هالفكر في اطفالهم

من الجميل ان الانسانه تحس نفسها حره مستقله كامله سواء بزوج أو بدونه
إذا وصلتي لمرحله تقدير ذاتك ومفهومك لذاتك وحقوقها وأن ربي اكرمك ولدتي حره مسلمه لك عقل و روح
هنا رح تقدري تواجهي كل العالم بكل ثقه !

يعني بدال ما يقولون للبنت تكبرين وتصيرين طبيبه ولا مهندسه يقولون تكبرين وتصيرين عروس
يعني يعززون فكره كونها وجدت لمهمه وهي كونها لشخص اخر وتعيش على فكره انا ناقصه حتى يكملني هو !
ليش ما يعززون فكره وجودها لنفسها !
تكبرين وتحققين احلامك ولا تكبرين وتتعلمين وتصيري شخص مهم بالمجتمع !


اللي يقولون موضوع حشرجات سلبي , عندي لكم معلومه ..
من المهم للصحه النفسيه التعبير عن الامور اللي تزعجك وتحزنك وطردها خارج نظامك الروحي
لان كبت المشاعر والافكار يسبب الانفجار !
بالعكس اعطي روحك مجال لتحزن ولتفرح وتختبر كل المشاعر هذا ما يقوم به الشخص الطبيعي!


بالنهايه لو تعلمون تدبير الله لاموركم ولطفه بكم لبكيتم من الفرحه ..
كل شي يحدث لسبب وتاخرك عن الزواج او عدم زواجك يحدث لسبب ..

أهم شي هذه الفكره .. أنا إنسانه مستقله لي كرامتي وحياتي واهدافي وسأعيش برجل أو بدونه !





,,