بالله وش استفدتي من كلامك هذا كله*

يعني تقليب مواجع على البنات والا يعني توضحين انك فاهمه في الحياه وخلاص بتوقف ماتزوجو*

الي ماتزوجت على واقعك هذا وش تسوي تموت مثلا والا تروح تركض تدور رجال*
هذا نصيب ورزق وقدر ومن رضا فله الرضا ومن سخط فله السخط*

تجيبين ردي على موضوع اخت قالت انا ارجع لزوجي وهو ماقصر واخلاق والصلاه مانصحته*
والله امرنا بالامر بالمعروف والنهي عن المنكر
ماقال ربي شف المنكر واجلس ناظر له بل نامر وننهى*
والرسول اللهم صلي وسلم عليه من راى منكر يغير بيده او بلسانه او بقلبه*
الاخت قالت مانصحت ولا حاولت فيه عشان تحكمين
ومو هذا موضوعنا والله يوفق بنت الناس*

نرجع لموضوع الاخت والعنوسه*
عزيزتي مو كل بنت كتب لها ربي زواج مو معنى كذا انها تموت والا تنتحر وهذا خير لها من الزواج*
والزواج مو سعادة الدنيا*

ومن قال كل بنت منذله يعني مافيه زوجه على الطالعه والنازله يهددها زوجها بالطرد
وياكثر ماقريت مثل كذا ويحسب عليها اللقمه*
مافيه زوجات انطردت من بيتها للشارع
بس ماقريت بنت انطردت من بيت اهلها مافيه مثل الاهل على بينتهم لو تذكرين نماذج لين بكره الرجال بينك وبينه ثلاث كلمات وانتهت ولو يشوف عليك زله خلصنا اهلك هم سترك
انا حتى كلامي للاخت كان كلامي عن العيال وهم زينه الحياه الدنيا وهذا في القران

الحين الزوج تقوله جيب لي يقول يالبيه صح فيه كذا لكن مو كلهم وبعد فيه اهل وخوان ماشاءالله مع خواتهم *
وبعدين كل المتزوجات يطلعون وسفرات وحياة رفاهيه اجل مشاكل المتزوجين من وين جات؟؟؟

والله على تعامل الوحده مع اهلها ونفعتها الكل يسال عنها وكم بنت راحت من بيت اهلها ولايتمنون يشوفونها
واصلا حتى كلامك هذا مدري وش يبي يعني وش المطلوب ؟؟؟
طيب الله خلق الناس وقسم ارزاقهم و احترام الناس لك والتقدير هذا رزق ربي يطرح لك هيبه في القلوب مو على زواج او لا

عزيزتي الحمدالله انا بزوج او بدونه لي قيمه وافتخر في نفسي واذا تزوجت فهو اضافه لحياتي ومو اساس والله يخلي لي ابوي وامي واخواني واخواتي*
مافيه شي في الدنيا يساويهم واصلا حتى اوصل الثلاثين بعيده عنها والله يحينا واوصلها وانا في اتم نعمه وسعاده لي ولوالديني ويرزقنا طولة العمر على طاعته
والحمدالله ماشكيت لك الحال ويارب لك الحمد والشكر لو اسجد لربي في كل لحظه مااوفي شكر النعمه الي انا فيها ويارب لك الحمدوالشكر حتى ترضى ولك الحمد اذا رضيت ولك الحمد بعد الرضا*

وانتي في موضوعك قلتي ماشعرتي في السعاده*
عزيزتي السعاده رضا وقناعه وماراح توقف الحياه الزواج رزق يكتبه لمن يشاء
ويمكن تتزوج الوحده وتتطلق ويمكن ترمل وتبقى قناعتك في الحياه ورضاك
وفي الحياه عموما الانسان لا يعلق نفسه بالدنيا ويجعل همه الاخره عشان تهون عليه مصايبها
ولو خذتي ملك قارون في الدنيا راح يزول ويبقى ماقدمتي لاخرتك
والمؤمن امر كله خير
هذا الكلام اقوله لنفسي ولكل الاخوات
وسبحان الله عدم الزواج ابتلاء اذا صبر يمكن العوض في الدنيا او العوض في الاخره واهي خير وابقي*
((فلا تعلم نفس ما أخفي لهم من قرة أعين ))
اللهم لاتعلق قلوبنا بالدنيا واجعل الاخره همي ياحي ياقيوم

__________________