السلام عليكم ورحمة الله وبركاته

اول شي مبارك عليكم الشهر وكل عام وانتوا بخير
اشحالكم اعضاء منتدى الاسره والمجتمع
اناا عندي مشكله والي هي انا الحمدلله تقدم لي واحد من اسره محترمه واهله طيبين واهلي قالوا حقي بنسئل عنه واذا طلع رجال كفوا وافقي ولا ترفضين بس فيه عيب والي هو التدخين ...
اناا ماعرف شي عن حياة المدخنين لان محد من اهلي او اقاربي يدخن الحمدلله
اباكم تجاوبوني على اسئلتي و لا تبخلون علي بنصايحكم وتجاربكم
الرجال ينرفض بسبب انه يدخن ؟ والي يدخنون معرفوا بانهم مصاحبين ناس مب زينه او لهم صحبه مخربتنهم او ماله دخل ؟ وهل التدخين بياثر على صحة عيالي وحتى تربيتهم في المستقبل ؟ واخر سؤال ادري يمكن مبالغ فيه بس ابا اتاكد اذا الرجال طلع زين بس عيبه التدخين اقدر اشرط انه مايدخل في البيت عندي يدخن برع ولا ماله داعي !