السلام عليكم ورحمة الله وبركاته
انا متزوجه من سبع سنوات وعندي بنت
مشكلتي ان زوجي من النوع الخجول او البارد او الجاد عجزت افهم شخصيته
الكلام الحلو بيننا معدوم
من ايام الملكه كان يكلمني يمكن ربع ساعه وكل يوم نفس الكلام
مايعرف يعبر ابد ماعمري سمعت منه كلمه حلوه او تعليق لابخير ولابشر يعني لو الجدار ينطق هو مانطق
اقوله كلام حلو ويرد علي بصمت
نطلع مع بعض طول الوقت صمت
اذا كلمته عن اي شئ يرد علي بكلمه ويسكت
اسوي حفلات له ونجلس مع بعض صمت
ردت فعله تجاهي بارده جدا يعني مثلا اضمه امسك يده كانه صنم مافي ردة فعل ابد
ولو احد دخل علينا وانا جالسه جنبه مثلا يرتبك ويخاف
اجيب له هدايا مااسمع حتى شكرا يحط الهديه وتجلس مكانها شهر مافتحها
وغير كذا شكاك جدا وغيور
مايحب السفر ولا الطلعات ولا الوناسه دايم جاد وهادي ونادراً مااشوفه يضحك
حتى حملي مايبين فرحته رغم انه يحب الاطفال
بتقول يمكن مايحبك لا يحبني ومتأكده من هالشئ
بس من جد انسان طبعه غريب
مايعرف يتعامل مع الانثى ابدا حاولت معه بكل الطرق عشان يتغير بس تعبت
للعلم هو كريم جداً مااشاء الله واي شئ اطلبه مايقصر

قبل يومين رجع يشك فيني وهالشك فيه من بداية الزواج
وطبعا الايام اللي يكون راضي فيها علي تنعد على الاصابع
جربت معاه كل الاساليب لكن للاسف اكتشفت انه مريض والحياه معاه صعبه
يعني مثلا قبل فتره كان زعلان علي وهالزعل طال واستمر لمدة شهر تقريباً وكنت توي طالعه من النفاس وولدي توفي يعني ماكانت نفسيتي ناقصه ابد
وقبل اسبوع هددته اني بروح لاهلي وبخبرهم بكل شئ ورجع يعاملني كويس واليوم بعد مادلعته هذا الاسبوع اخر دلع وكنت مفكره خلاص حياتنا بتتغير رجع قلب علي بدون سبب وانا خلاص صرت اي شئ تافهه يفجر صبر السنين انا جهزت اغراضي وقررت اروح لاهلي واخبرهم بكل شئ
هذا الموضوع صعب علي جدا خصوصاً اني راسمه لاهلي صورة الزوج المثالي اللي معيشني بسعاده وهنا بس ماعندي حل غير كذا للاسف
اللي يقدر يساعدني برسله على الخاص الكلام اللي دار بيننا في الواتس وجزاكم الله خير