اخطاء الرجل والمرأة من وجهة نظر المجتمع
بسم الله الرحمن الرحيم
السلام عليكم ورحمة الله وبركاتة
ي صباح الأقحوان والجوري والياسمين
بأتكلم عنه شي دابلن تسبدي من زمان
وودي اطلع اللي ف قلبي مثل ماهو لكن لو طلعته مثل ماهو ممكن
اودع المنتدى 
ف بحاول اضبط الكلام قد ما اقدر
اول شي الله لما خلقنا خلقنا لعبادته
وكنا متساوين في الاحكام والعقوبات
بحيث ان السارق تقطع يده زي السارقه
والقاتل يُقتل زي القاتلة
والزاني المحصن يُرجم زي الزانية المحصنة
وغير المحصن يُجلد زي غير المحصنة
واخيراً
كلنا بنوقف قدام الله مع بعض ونتحاسب على ذنوبنا
وبناخذ نفس العقاب على نفس الذنب
الشاهد من هذا كله ان ما على راس الرجل ريشه
فاذا الدين يقول كذا ف من وين جابوا بعض الناس ان الرجال كل حاجه يسويها بسيطه وممكن تترقع
بينما لو وحده سوتها وقعت الكارثة التي تهز الشعوب و الامم ولا يغتفر لها ما فعلت وياللهول
وقبحها الله وثكلتها جدتها .... الخ من الكلام اللي ماله سنع
مثلاً تخون الزوجة كفروها .. وطلقها ومرمطها والله لا يبارك فيها تؤ تؤ تؤ انت باقي صابر اسفهها ارمها لاهلها
ويخون الرجال يالله يا بنت الحلال اصبري عليه احتويه ؟ تحتوي مييين يا امي !!!!!!!
ولا اكيد انتي مقصره ... ي رجلللللل
من متى كان التقصير ولا عدم الاحتواء تبرير
طبعا كلامي ما يعني اني اهون من عظم الخيانة بالعكس هي شي سيء وبايخ ومو حلوة بالمره لكلا الطرفين
لكن المفروض تتساوى ردت الفعل صح ولا لا
واذكر مره زمااان كان فيه عضوه الله يستر عليها كانت كل مره تجي تكتب ان زوجها
يضربها وما يحترمها وكلام كثير ما اذكره بالنص لكن كل مواضيعها من هالناحية
تعالوا شوفوا كمية تصبير موب طبيعيه
انتي غلطانه انتي استفزيتيه ما اتذكر كتبت موضوع الا وغلطوها لييييه ليه ليه لازم هي اللي تصبر وتعدي
وتدوس على نفسها ليه مالحياة حلوة مو مستاهلة كل هالنكد !! مو بشر تعصب وتنقهر وتوصل معها وتنفجر
وبعدها بكم اسبوع او بنفس اليوم جا واحد كتب انو زوجته تضربه وووو
ما اخفيكم اني ضحكت من قلبي وصراحة استانست المهم ان ما يحتاج اقولكم وش كانت الردود
اوووووب كيف تخليها تضربك طلقها كفخها مدري ايش
ورحت كتبت رد فيما معناه انو لا تستفزها وحاول تداريها ههههههههه
وجات تعقيبات على ردي انو بالله من جدد يداريها طيب وانا صادقه مو لازم البنت تداري الرجال اللي يضرب وعصبي
خلاص حتى هو لازم يداريها عشان لا تضربه بعدين
ممكن الرجال ما يقوم بواجباته تجاه بيته ورامي كل الحمل على زوجته عادي عادي
وش تسوين اصبري حاولي فيه بالتشجيع وامدحيه اذا جاب شي بزر هو بزر
لكن يجي رجال يقول ما تطبخ ما تنظف ما ادري وشو النصيحة كالآتي
شوووف انت شد عليها ما ضبط الوضع انطلها عند اهلها فتره ما ضبط هددها انك بتتزوج
وما يمنع تسويها صدق !!!!!!!
زوجي يجرحني بالكلام ويتلفظ علي معليه سوي نفسك ميته ما تسمعين
زوجتي تجرحني بالكلام وتتلفظ علي افاااااااااا وين هيبتك لا لازم لازم توقفها عند حدها
ولا مثلاً الزوج ما يجلس بالبيت ودايم يسهر مع اصحابه لييين الفجر وششش الردووود
اسمعي يا بنت اخترعي لك اشياء تجذبه هههههه شاركيه اهتماماته ي هوو غيري ستايلك
المهم ان ضروري ان لها يد في الحاصل
الزوج يقول زوجتي ما تجلس في البيت على طول عند اهلها ولا بالزواجات ولا عند صحباتها
يجيكم هاك الفيسات اللي مبققه عيونها O_O خيييييييير انت مالك كلمه عليها اقول خلها تقضب ارضها
وش هالحتسي الفاضي انا انا لو منك اطلقها مره وحده عشان يمكن تتأدب
في ملة مين ذي
لا جد ابي احد يفهمني
كللللللل كلامي اللي فوق ابداً ما يعني الاستخفاف بأخطأ اي طرف
لكن المطلوب حلول منطقية ما تقلل من قيمة احد على حساب فلة الثاني
لعلمكم زي ما انتم تحسون يا رجال ترا احنا بعد نحس
واذا عندكم كرامه احنا بعد عندنا
نفس مشاعركم عندنا مو جايين من كوكب ثاني
وانتو يا حريم ارفعوا انفسكم وقدروها مو لازم تنتظرون تقدير احد
تعامل الناس معكم على حسب نظرتكم لأنفسكم
انتهى ...
10-02-2015, 04:18 AM
ضوابط المشاركة
العرض الشجري