السلام عليكم ..

اخت زوجي مدري كم عمرها بس بالمتوسط .. لاتقولون صغيره لان تعرف تميز بين الصح والغلط و دايم تقول لي اسرارها وتقول لاتعلمين اخوي او أي احد الخ ..

قبل كم يوم كان عندنا حفله خاصه لأهلي .. استئذنت من زوجي وسمح لي ورحت وكان معي اغراضي عشان اكشخ عند اهلي .. المهم حفله نسائيه و الجو حر طبيعي البس قصير وخاصه اني حامل والفساتين تريحني اكثر من البناطيل ... المهم بعد ماوصلنا وكذا متعوده اصور لزوجي كشختي وجلست اصور له سنابات خاصه .. و اما خواتي و خواته كنت اصورلهم سنابات خاصه لحركات بنات ومرات ماحدد زوجي و اذا انتوا من متابعين السناب اتكلم عن البنات اكيد تعرفون ان بالحفلات اكثر شي يصورون جلستهم او بس رجلهم وكذا وانا صورت جلستي بس رجولي وكاشخه بصندل حلو حبيت اصور .. انا بهالصور كنت احدد بس خواتي لكن لان خوات زوجي يصورون لي حفلاتهم وكذا قلت بحددهم عشان يعرفون ان حتى انا عندي مناسبات لان كل ما اصورلهم يا اما بيتي او بيت اهلي والطلعات ماحب اصور .. المهم صورت و حددت كل خواتي و خواته .. خواته بعضهم علقوا ان حلوو وكذا هذي مافتحت السناب ومرت ايام ونسيت السالفه .. و امس كنت اتجهز عشان اطلع لاهلي.. فجأه جاني تنبيه انها شغلت الصورة وسوت لها اعادة بعد.. جلست افكر وش شافت هذي لان مر ايام بس تذكرت انها تتأخر ماتفتح لان الجوال مو لها المهم .. جا زوجي معصب لما شفته معصب داخليا خفت لان اعرف ملامحه اذا معصب حيل سئلته وش فيك قال مافيني شي وقمت اتجهز وبعدها سئلني وش مصووووره لفلانه ؟؟ قلت اللي مصورته لخواتي وخواتك .. قعد يهاوش لاعاد تصورين كذا احسن ما اخليك تحذفين السناب و احسن ما اخذ جوالك هذا واخلي معك الكشاف و و و و و و و و الخ .. قلت توها فتحته مايمدي علمتك قال انا اللي فتحته قلت لا هي فتحته وسوت اعادة عشان توريك او انها قالت لك وتناقشنا و انا وقتها عصبت قلت مثل مايصورن انا اصور .. قال وش يصورن ؟؟؟؟ قلت مثل تصويري واكثر بس انا اسكت وما افتح قدامك ولا اعلمك لان تصوير بنات و اغلب البنات يصورن كشخاتهم وانت شفت لبسي يعني مالبست من وراك وبدلت ورجعت .. المهم وصلت بيت اهلي وانا بس انتظر اوصل عشان ارسل لها .. وطول الطريق ساكتين ولما وصلت ع طول جلست ارسل لها ان كيف تقولين له وانك سببتي مشكله وانتي بالذات لو اعلم على سوالفك وخرابيطك يذبحونك والخ ... وانا ارسل لها ...ارسل لي زوجي اللي صار خليه بيننا وان فتحتي الموضوع لها او حاسبتيها ياويلك قلت فتحته وارسلت لها و لسا بكمل كلامي ماتقدر تمنعني من شي بقوله و اختك هذي اعلم عمي عليها وعلى خرابيطها ومثل ماتتكلم عني اتكلم عنها وانا عالاقل صوره عاديه بس هي عندها سوالف اكبر .. قال خواتي واثق فيهم .. ضحكت ضحكة تمسخر قلت ايه ايه .. لان جد هالبنت عندها سوالف .. المهم قلت له هي مراهقه وكل بنت بعمرها تمر بهالشي وماكنت ناويه اتكلم بس دامها داست لي ع طرف راح اواجه ابوها واخوها الكبير واعلمهم بسوالفها كلها وهم يشوفون شغلهم معها . المهم هو عصب وانا عصبت وجلس يهددني تهديد قوي وبعد ساعه كذا قال انا عند ربعي لارجعنا للبيت نتفاهم قلت ماني راجعه بعد كل هالتهديد قال اوك .. وبعدها بساعات هديت انا و ارسلت له اذا تبي تسكر عالموضوع وماتناقشني فيه مرني واذا تسويلي مشكله ونقاشات خلني قال خليك .. ومن امس عند اهلي ومحتاره وش اسوي ..
بالنسبه للردود ما ابي مواعظ ونصايح عن التصوير و والخ بس ابي حل لهالمشكله كيف اتصرف