ارتاحت لج ووثقت فيج .. ورحتي فضحتيها جدام أخوها!!


سؤال..

بفرض أنها راوت الصورة لأخوج .. شو دراج إن نيتها كانت سيئة أو قالت عنج كلام شين؟!!

لا تقولين زوجج شاف الصورة وما قال شي.

ترا عادي يكون له موقف متهاون معاج .. ويعمل نفسه حمش وما يرضى بهالسوالف جدام خواته.


وحتى لو كانت نية البنت سيئة .. ما كان المفروض تعملين عقلج بعقلها وتتصرفين بهالصبيانية.

__________________


اللهم طِيبَ الأثر .. وحُسْنَ الرحيل.

اختي مهره شي يرفع الضغط والله وخاصه هالبنت لي مواقف كثيره معها تعاملني كأني مدري ايش حتى بفترة وحامي كل شي اكرهه تجيبه لي وتقلب معدتي تتكلم كلام يلوع الكبد عن الاكل اللي ماحبه وتقول تخيلي تاكلين كذا وعليه كذا والخ وانا وقتها اقوم اركض للحمام استفرغ وتتقطع معدتي وهي القاها واقفه تضحك !!!! وكثير مواقف ماعلمت احد ومره جيتهم قالت خييير من اللي جا !!!! ومره جيت وبسلم عليها وماسلمت واكلمها كأنها ماتشوفني يعني بالعربي نفسيه وانا ماهتميت ولا قلت لزوجي شي لان اشوفها امور تحصل وعادي بس هي توصل شي لزوجي وتسبب لي مشكله ؟ هنا مستحيل اسكت حتى لو افضحها مافضحتها بالكذب .. وهي ما ادري وش قايله لزوجي لان اكيد قالت شي اكبر .. انا الحين عند اهلي ومن امس ماتكلمنا انا وزوجي وهي مرتاحححححححححححه

ريتاج من صدقج؟!!

اللي في المتوسط كم أعمارهم؟!!

ما بين 13 و15.

مستوعبة؟!!


المواقف اللي تحكينها كلها ما تستاهل نوقف أمامها .. فكيف لما تطلع من ياهل؟!!

عليها سوالف أو ما عليها .. تبقى شبه طفلة .. وبصراحة عيب تصغرين نفسج وتحطين عقلج بعقلها جذي!!

هذا إن كانت قالت شيء سيء بالفعل لزوجج.

لكنج لحد الآن وبعد كل الهُلليلة اللي عملتيها ما تعرفين هي شو قالت له بالضبط .. أو هل أصلاً قالت له شي وإلا بس راوته الصورة وهو اللي طلعت شياطينه من نفسه . أو يمكن مثل ما قال فعلاً هو اللي فتح الصورة بنفسه.



الله يهديج.

__________________


اللهم طِيبَ الأثر .. وحُسْنَ الرحيل.

اللي في المتوسط عقولهم اكبر منهم مافي شي اسمه جاهل الحين وخاصه هالعمر اخطر شي لانهم شياطين مو اطفال وهي واعيه وبالغه وتعرف الصح من الغلط ومرات تتكلم عن الحمل اشياء انا ماعرفها يعني مو صغيره .. ولما فتحت الصوره هو كان طالع مشوار وبعدها نزل عندهم يعني هي علمته متأكده و شكلها قالت شي اكبر لان عصبيته تدل على كذا مستحيل يزعل من صوره عاديه وانا اعرف حركاتها تشتغل تلميح اكثر شي يمكن قالت له شفت جسم زوجتك ويمكن قالت زوجتك مصوره عريانه او لو شايف الصوره اللي زوجتك مصورتها يمكن تطلقها .. يعني هذا اغلب اسلوبها ومقدر اظلمها لكن متأكده انها مكبره الموضوع .. واذا هي عقلها صغير انا اصغر عقلي اكثر .. وعلى فكره خواته هم سبب طلاقه الاول و اتوقع جا دوري بعد يلحقوني فيها