السلا عليكم ورحمة الله ..

ما ادري اذا الموضوعمكانو هنا صح او لا ..

حابه اسأل للأخوات الي متزوجات واحد مطلق
عادي انه زوجك يتواصل مع طليقته في امور ولده ؟!
لأن بصراحه هدا شي يضايقني من زوجي وعرفت امس انه بيرسل لطليقته عن الولد يقولها مثلا انا باخذه جهزيله كذا وكذا ؟؟ كيف فلان في الروضه؟ ارسليلي صوره؟ ووو يعني كل كلامه امور تتعلق بالولد ..

بس لما اشوف رسايلها ورها له باين انها تبغى تاخذ وتعطي معاه يعني انا اعرف حركات الحريم الي بيقولو عليها نص كم
مثلا امس رجعنا الولد لها البيت وزوجي رسلها وقالها هذا الدواء عشان حلقو يعورو اعطيه في الساعه الفلانيه قامت ردت وقالت طيب وشوي رسلت ثاني وقالت ليش ماجبت الشوز حق الولد عشان هوا يلبسه في المدرسه ؟ دحين كيف يروح ؟

حسيت الرساله مالها داعي وتبغى تفتح باب للحوار معاه

لان احنا بجده وهي بمكه يعني رسالتها مالها اي معنى لان مستحيل نرجع تاني جده ناخد الشوز ونرجعه لها اكيد تقدر تتصرف والولد عنده بدل الشوز عشره

زي كدا يعني تحب ترسله حاجات مالها داعي تبغى تاخذ وتعطي معاه
وهو صراحه مايديها وجه يرد كلمتين وخلاص ..

بس والله انضايق وقلتله لاعاد ترسلها واذا تبغى تعرف شي عن ولدك كلم جده كلم المس الي بتدرسو في الروضه حتى لو تبغاني انا اتواصل معاها بس لاتفتح باب للحوار معاها
لأن انت ماترضى اني انا اتواصل مع طليقي بخصوص ولدي عشان تغير وان نفس الاحساس

خاصتا ان طليقته تحبه ونفسها ترجعله بس هو واهله شايلين فكرة الرجعه نهاائي وهدا مطمني
بس برضو الغيره مو بيدي والله

ودحين هوا متضايق يقول احس حأقطع عن اخبار ولدي واحس اني بعدت عنه

>>> مع انه انا نفس الاحساس ولدي بعيد عني وما اسمع اخباره


مستجدات الرد 34

http://www.66n.com/forums/showpost.p...5&postcount=34

مستجدات الرد 40

http://www.66n.com/forums/showpost.p...7&postcount=40

__________________
لاتسعى لتصحيح ظن احد بك ££ خالقك ينظر لقلبك وهذا يكفيك