السلام عليكم ورحمة الله وبركاته ...


بدايةً ... اول مابتدت الدراسه سجلت في مركز لتحفيظ القرآن وبنتي دخلتها روضه ... والحمدلله كنا بأحسن حال ...

وبعدها بإسبوعين جاء لزوجي ترقيه ويختار الفرع اللي يبغاه ويكون مدير فيها ... ونظرا لصحة والده اختار ان يذهب لنفس منطقة والده ليكون بالقرب منه ..


بالبداية زعلت عشان المركز اللي سجلت فيه وبنتي ودراستها وبعدين قلت لعله خير ... وانتقلنا في ظرف 10 ايام وتبهذلنا لان كل شي عالسريع

قلت لزوجي نذهب للسكن مع والده واذا لم يعجبنا نطلع ونستقل بشقه لوحدنا ... رفض وقال يريد شقه لوحده عشان بيت والده اخوانه موجودين .. وافقته وانتقلنا لشقتنا ...

لحد هنا كل شي تمام بس اهل زوجي زعلوا ليش ماسكنا معهم ... وبأحد الايام كنت اتكلم مع اخته وقالت لي ليش رافضه تعيشي معنا ومن هالكلام ... بس مارديت عليها وانهيت المكالمه بسرعه واتصلت على زوجي وسألته قال انه قايل لهم ان انا اللي رافضه ... زعلت منه وان ليش يقولهم كذا ... قال يعني تبيني اقولهم انا رافض صعب ولدهم مايبي يعيش معهم بس انتي عادي ... وحذرني من اني اجيب هالسيره قدامهم ... فعديتها له ونسيت الموضوع ...

المشكله كل يوم والثاني زوجة عمي تجيني بكل وقت وتنتقدني هذا مو نظيف وهذا وهذا ... وانا اعدي لها ...

يوم الجمعه اجت عمتي مع اختها وبناتهم من غير مايعطوني خبر ... والبيت مع العيال مكركب شوي ... فجات تتكلم عني ليه كذا وليه كذا وتنتقدني قدام اختها ... وقالت لي قدامهم دامك مو قد المسؤولية ليه رفضتي تعيشون معنا وكلام كثير ... انا انفجرت وقلت لها والله ابنك اللي مو حاب يعيش عندكم مو انا ... قالت لي لا تحطي اغلاطك على ولدي وان ولدي لو ود وده يعيش عندي بس انتي رافضه وقالبه مخه ... تركتها ورحت غرفتي وهم بعد دقايق طلعوا ... انا غلطت بس هي حدتني على هالشي


وشوي اتصل علي زوجي وصار يصارخ ويهدد مافهمت منه شي قفلت الخط بسرعه وبعد ساعه اجا ... صار يهاوش انا حذرتك ولا بعد تغلطي عليها.... مع اني ماغلطت عليها ... طول الوقت قاعد يهاوشني وانا ساكته عشان امه لانه عنده كل شي الا امه ... وبالاخير طلب مني اتصل على اخواني يجوا ياخذوني ... للحين مادقيت عليهم ولا خبرتهم بشي بس قلت له انهم مشغولين واذا فضوا حيجوني ...

مو عارفه ايش اسوي اتصلت على زوجة عمي عشان اعتذر لها مع اني متأكده اني ماسويت شي بس مارضت ترد علي ... وعرضت على زوجي نعيش معهم عشان ارتاح من هالمشاكل ويقول خلي اخوانك يجونك ولحد اليوم زعلان ولا يكلمني ... هل اتصل على اخواني واقولهم يجوني او احاول احل المشكله او وش التصرف الصحيح




مستجدات الرد 29

http://www.66n.com/forums/showpost.p...4&postcount=29

__________________
-

فأجبر خَاطري .. بفيّض نعَمك ❤ ....