رحت لموعدي عند طبيبه نفسيه مع اخوي وقبل مانوصل جلست اتكلم معه وقلت له على التبول اللاارادي ماعلق على الموضوع كثير بس قال اهتمي بصحتك الحين ولا تفكرين وان شاء الله بتنحل وطلبت منه انه يكلم زوجي نروح للمستشار الاسري في البداية قال ان شاء الله مارح تحتاجوها وبتنحل والحيت عليه ان يقوله قال ان شاء الله بيكلمه
وسالني اذا ابغى زوجي يعرف اني اروح طبيبه نفسيه ولا لا قلت له مدري بس الافضل لا قال لي براحتك

دخلت عند الطبيبه لوحدي عشان اخذ راحتي اكثر
سالتني في البداية عن عمري وكم سنه متزوجين وعن حياتي وعن اطفالي وهي تسال وانا اجاوب وبدون تحفظ وقلت لها كل شي

وكانت تقول لي ابكي لا تمسكين نفسك بترتاحي
خرجت بقلبي ارتحت
طلبت مني اسوي اشياء مثل طريقة التنفس سوي كذا وسكري عيونك وسوي كذا وطلبت مني كل ما اكون لوحدي ما اجلس صامته ابدا اتكلم مع نفسي اقرأ كتب ومافكر بالمشكلة وكل ماتجي المشكله استخدم الشهيق والزفير واراحة النفس
ارتحت لها نوعا ما
قالت مارح اعطيك دوا الا بعد كم جلسه اذا شفت حالتك لا تستجيب للجلسات النفسيه راح اعطيك ادويه

اعطتني موعد بعد اسبوعين

طلعت من عندها ورجعنا البيت جلست مع اخوي وتكلمنا كثير وقال لي ان زوجي نفسيته كانت سيئه وان كان يروح له عشان يفضفض بس هو متكتم وكل مره زوجي يسأله وش قالت لك اختك عني يرد عليه ويقوله انك تمد يدك عليها ويرجع يسأله بس كذا ؟ ماقالت لك شي غير الضرب ويقوله مثل ايش يقول مدري يمكن من كرهتني تالف عشان تجبرني أطلقها
وقاال انه شاكك ان في شي انا مخبيته ولما امس قلت له السالفه عرف وش كان يقصد زوجي وليه كان خايف ان اسرد عليه كل اللي صار
وامس كان بيروح له بعد ماسمع مني بس كان متضايق ورجع البيت
وقال ان لما قابله اخر مره قبل امس كان احسن من اول مره

ان شاء الله يرضى نروح مستشار اسري ونرتاح