لا ما أشك.. خصوصا انها كانت مدمنة على طلب حقها الزوجي ليليا و احيانا نروح الدوام مواصلين.. ما كان عندها وقت تشوف احد ولا كان ناقصها شي من هالناحية

هي تعاملت معي ولا كأنها متزوجة رجال ترجع له و تأخذ أذنه (على الأقل احتراما).. رغم انها تعرف اني ما كنت اقبل بخروجها المتأخر من البيت هي تعاملت معي بدون احترام في كل صغيره و كبيرة.. من موضوع الخروج من البيت بنص الليل إلى ادخال خوالها البيت علينا..

يمكن لاحظتي من بعض ردودي اني أحب الضحك و الوناسة.. (رغم ان الموضوع يقهر أساسا)
مثال:: مرة وحدة أشوفها طالعة من غرفة النوم و عباتها عليها و بشنطتها و رايحة لباب الشارع، "وين وين؟" ترد و هي ماشية "رايحة بيت اهلى خالاتي سهرانين و اتصلوا فيني.." فأرد عليها "مافي طلعة، عقدي مكانك.."... تبتسم في وجهي و تجري للباب و تطلع و أنا وقتها اقعد اضحك... انا ما يعجبني التصرف لكن أقول في نفسي (خلها براحتها.. بس لا يزيد الموضوع و يصير عادة)

أول مرة كان الموضوع مقبول.. لكن لما تكرر انا طفشت من تصرفاتها ولا كأنها عروس ولا كأن في رجال في البيت! يعني الناس و الجيران شبيقولوا عني؟ هاد زوجته مع السواويق في أنصاف الليالي؟!

بعدين صرت أهزأها بجد ولا اسمح لها بالمزح في الموضوع حتى تنتبه على نفسها.. (انتي وين رايحة الحين؟؟ ما تستحي على وجهك؟؟ ما صار لك أسبوعين متزوجة و طالعة عن بيت زوجك بنص الليل؟ أصلا حتى الناس بتنتقدك.. مافي اي شخص محترم لا رجال ولا بنت يطلعوا هالحزة من بيوتهم!!) و كانت تطنش و تطلع.....

مشكلة البنات هاليومين انهم متعلمين يضحكوا على الشباب بالخرفنة و التسلية، و هالثقافة صاروا ياخذوها معاهم للحياة الزوجية.. الاستخفاف بالزوج ولا كأن له قيمة قدامهم.

الموضوع موضوع احترام.. اللي مثلها المفروض تبوس يدها و تحمد ربها على هالزوج اللي مخليها على كيفها،، حتى في بيت ابوها كان النقاب لو نازل شوي يحاسبوها عليه و لما ملكنا صارت تحط الطرحة على قمة راسها و العبايات أشكال و ألوان..

و شنو آخرتها؟ جايبة لي خريجين سجون في وسط بيتي..

لما يجوا بعدين يقولوا تعال سجل الولد، راح ارفض.. و لما يروحوا هم المحكمة راح أقول للشيخ عن طلعاتها بدون إذن و بعدم رضاي و باستخدام السواقين للهياتة و رجوعها الفجر للبيت و ان طلبوا دليل فالدليل حجوزاتها لآوبر و كريم بنص الليل... و راح اطلب تحليل DNA حتى تعرف ان تصرفاتها لها عواقب.

هم يعتقدوا ان القوة هي في التهجم و الضرب و التهديد.. لكن نسوا ان في أساليب تعور أكثر من أسلوبهم.

و الله يعينها و يعين أهلها.. توقعوا انهم يقدروا يهينوني قدام الناس، بس الله يعينهم على اللي جاي.