السلام عليكم ورحمه الله وبركاته

انا نفسيتي في الحظيظ وما تتخيلون لا درجه محتاجه مشوره ونصايح
انا في بدايه السنه تمت خطبتي لقريبي (زواج تقليدي)
انا فتاه في اخر ال20 انسانه مريت في حياتي بظروف كثيره ومواقف صعبه
وكنت دايما اقول لنفسي الجاي احلى وراح انسى كل الم مريت فيه الحمدلله على كل حال

لما تمت خطوبتي زي بنت بدت ترسم الاحلام الورديه بس تفاجئت من برود خطيبي
خطيبي(زوجي حاليا) غشيم في التعامل مع النساء ...يكلمني كان واحد من اصدقاءه
مافي رومنسيه مافي كلام حلوو لليوم مش بس في الخطوبه
الحمدلله يمتلك صفات حلوه مثل المحافظه على الصلاه بره باهله وجدا متواضع ومافيه ذره كبر وعلى نياته
ولكن انا اشعر مشكله زواجنا (شهر صارلنا) زواج تقليدي يفقتر للمشاعر

يعني تزوجني بس لان يتزوج يحترمني وكل شي ولكن طول الوقت ياخذني لاهلي ما يخرج معاي
وقت ماكنت بنت كنت اخرج اكثر مافي مطاعم مافي مفاجئات
في البيت على اللابتوب على الاخبار على الموبايل يكلمواصدقاءه
ولما اقول له محتلجه مشوار ياجل لليوم الثاني وينشغل كثير مع اهله واصدقاءه وما ياخذني للمشاوير

طول فتره الخطوبه مرت اعياد ما اهداني شي(انا مو ماديه ابدا لكن احب الرومنسيه مثل اي بنت) زارني مرتين فقط
يوم العرس رفض يدخل ويتصور معاي (واعتذز بعدين يقول انحرج) مقدره انه انحرج لكن لليوم حاسه بغصه كان ودي يتصور معاي بفستاني الابيض مو قادره اتخطى هذا الشي
حتى لما جا ياخذني ما قال لي اي كلمه حلوه

ماعنده بلا ولا يحب غيري هو شخصيته مايعرف يقول كلام حلو وجامد ولا يعرف للجنس الاخر
هو مفكر الزواج خلاص زي الواجب هذا استنتاجي لشخصيته
ابدا ما يبين اشتيقاه لي عادي لو غبت اليوم كامل

انا مو انسانه مثاليه ولكني تثقفت كثير قبل الزواج وقرات كتب
احاول اعمل اي شي اسعده بعد الزواج ماحبيته على طول لكن حاليا حبيته
ويالمني بشددده انه ما يبادلني الشعور وما يحب يقضي وقت معاي
لما اقول له ودي اطلع معاك يعمل نفسه ماسمع او يقول لي متفق مع اصدقاءه او اهله او اي شي

لما نكون نحضر فلم في البيت احيانا احب اناظره وابتسم
يقول لي وش سويت غلط؟ ليش تناظرني بهالنظرات؟ وبعدين يقول لي امزح
مالت علي وعلى رومنسيتي
كل صديقاتي متزوجات ويقولو لي غيريه فرصتك عوديه وانا احس بضغططط شدييد وقلق مو عارفه كيف
وحاسه كل يوم يمر وانا ما غيرت راح خلاص يتعود يتحاهلني وراحت علي الفرصه
كل ما احد يقول لي بذكاءك غيريه اتوتر كثيير احس اا اصيع وقت موقادره وخلاص ماراح اقدر تاخر الوقت وتعود

واخر نقطه اعرف المقارنات اسوء شي بس لما صديقاتي يسترحعون ايام خطوبتهم اشياء عاديه مثل مواقف مضحكه احس بحسسسره لان ما عيشني الرومسنيه

وحتى لما تفرجت على صور زواجهم كيف لما تصورو معبعض وكيف نظراته لها احس بغبطه
شعور سيء لما زوجك ما يحبك ... والله وانا اصلي ابكي انا درست فيمدارس مختلطه وكليات مختلطه وكانو البنات اللي معاي يتساهلون في الكلام والضحك مع الشباب الا انا جدا صارمه ومافي اي كلام بينا ولا ضحك اقول انا الحمدلله الحمدلله عمري عمري ما فكرت اعمل شي خطأ
وان شاءالله حتى اموت ما اعمل ... لكن اقول يارب عوضني بالحلال ويارب اقدر اهيش الحب مع زوجي

زميلتي كل فتره زوجها يمرها الدوام يجيبلها ورد
يطلب منها تستاذن حتى يروحو يتغدو سوا
يتصل فيها وضحكهم واصل اخر الممر مع انه صالهم 20 سنه زواج ماشاءالله الله يتمم لهم ويهنيهم
بس اشعر بغصه ما شعرت فيها ابدا وانا بنت