مادري ليش احس ان اللي تسوينه صح !!!!!!!!!!
من كلامك مبين انك عاقله وماتقومي بهالتصرف الا بعد ماعجزت معاك كل الاساليب
ولازم زوجك يشوف منك اسلوب جديد !!!
هو متعود انك تتنازلي !!! تصيري انتي الغلطانه !!!
بس هالاسلوب منك ماتعود عليه !!
اتوقع يجيب نتيجه !!
بس مو سريعه يبيلها صبر وتحمل وتعب من الجهتين!!!
يعني حتى انتي بتتعبين وتفكرين انك تتنازلين !!! بس اصمدي !!!
والاعمال بالنيات وانتي مو نيتك نشوز وعصيان انتي نيتك انه يحترمك ويعتدل معاك
وانا اشوف انك تتصرفين هالتصرف ونيتك ينصلح حالك ولا من درى ولا من عرف احسن من اتدخلين طرف اخر !!!

بصراحه حسيت من كلامك ان زوجك ينطبق عليه هذا البيت :
ان انت اكرمت الكريم ملكته *** وان انت اكرمت اللئيم تمردا !!

فانتي تنازلتي وبديتي معاه بالصلح المفروض انه يقدرك ويحترمك اما انه يعيرك ويطنشك اسمحيلي يعتبر ( لئيم )!!!

ويقولون زوجك على ماتعودينه وولدك على ماتربينه !!
مبين انك عودتي زوجك على التنازل والسكوت عن حقوقك !!!
وبما ان زوجك من النوعيه اللي ماتقدر مابين فيه تضحيتك !!!
واي تضحيه منج له تحسين بالندم خاصه لمن يهينك !!!
وفي بيت شعر يقول: ومن يجعل المعروف في غير اهله *** يكن حمده ذم عليه ويندم !!
ولو كان رجل بمعنى الرجوله من موقف وشهامه وتقدير كان احترم تصرفك ورفع قدرك
وخلاك فوق راسه بس صار العكس

حالياً تصرفك صحيح ..........!!
استمري عليه.......وقومي بواجباتك الزوجيه بس زوجك لا تكلمينه خليه يحس انك تقومين بواجباتك معاه خوف من الله
مو تنازل منك واصبري وطنشي وصدقيني هو بعد صابر ويقول بصبر وبخليها هي اللي تمل وترجع لي
بس انتي استمري وتحملي ترى لو ترجعين بيعرف انك ماقدرتي تتحملين ورجعتيله بيفهم الموضوع غلط
حتى وان كنتي انتي نيتك رضاه والخوف من الله بس استمري وخليه واستمري بالدعاء

بس اذا شفتي انه ناوي على الصلح ساعديه يعني من نظراتك حسسيه انك عاجبك تصرفه
او انه ممكن تطلع منك ابتسامه فيها حنيه وهو يكلمك يعني خليه يصالحك بحركات انتي تقومين فيها
منه يفهم انك راضيه عليه وبنفس الوقت يقنع غروره انك انتي اللي تنازلتي وبالمقابل انتي حفظتي كرامتك
وهواللي كلمك وصار اللي تبينه ونفذ طلباتك !!!
واذا تصالحتوا عوضيه عن كل يوم كنتوا متزاعلين فيه وريحيه وونسيه واسعديه وعيشيه بجنه حتى يحس بيقمتك
وان مو خساره فيك مراضاته لك وخليه يحس الفرق بينك وانتي زعلانه وبين وانتي راضيه عليه مو تخلينه يحس ان
مافي فرق !!

ادري انج ذكيه وتعارفين شلون تتصرفين و تحلين مشكلتك ..!!

والله يوفقك ويصلح حالك انتي وزوجك ويصلح حال جميع المسلمين والمسلمات

اختك صريحه جداً

__________________