الظلم ظلمات يوم القيامه..
هو ظلمك ولبى نداء الشهوات
وتزوج بطريقه ملتويه ..
تحسبين ربي غافل عنه وعنها!!
انتي احتسبي اللي راح عند ربك
وعيشي حياتك لرضى رب العالمين
وحده..
ثم لاولادك انتي ضحيتي لاجلهم كملي
وراح يعوضك ربي فيهم خير ...
بالنسبه له هو خلاص اعتبريه مات وانتهى..
ومادام عارفه ان ربي سبحانه يستجيب لك..
فأشوف انك تدعينه انه يرزقك الطمأنينه والسكينه
ويجعل لك من همك فرجاً ومخرجاً..
يعني فعلا الدرب اللي انتي ماشيه فيه مامشيتي
فيه من رغبه..لا السبب حالتك النفسيه ورغبتك في
الانتقام..لكنك للاسف تنتقمين من نفسك اولا ومن
اولادك ثانياً..هو ماراح يتأثر بالعكس يمكن يلاقيها
عذر يفصلك عن اولادك بالمستقبل..
لاتعيشي بالماضي وتقولي سويت وفعلت ولاقدر..
خلاص من اليوم افتحي صفحه جديده لنفسك ولاولادك
وتذكري ان ربي خلقنا بهالدنيا لعبادته..مو لعبادة الرجال..
واملي وقت فراغك بأشياء مفيده سجلي بمراكز تحفيظ
القرآن..انتي واولادك..
اهل الخير راح يملون عليك حياتك..وهذا من تجربه لان انا
زيك بالغربه..
وتأكدي ان الظالم له يوم قريب وجزاء راح يلاقيه لامحاله
ربي حسيبه هو وياها..
وانتي يكفي انك مظلومه وربي بصفك.
الله يخليك لاولادك ويصلح بالك.