هل ما فعلته صح أم خطأ ???
السلام عليكم ورحمة الله وبركاته
أخواني أنا من قبل سنةو أنا كنت ناوي على الزواج ، الزواج يعني لي شيء كبير أحسه أكبر وأهم مشروع وأهم إنجاز في الحياة كنت أحس أني محتاج الزواج ومحتاج زوجة وحبيبة وصديقة وشريكة في حياتي مع أنه عمري مو كبير 22 سنة ولله الحمد
المهم أن كان عندي مبلغ كنت ناوي اتزوج فيه ، ومايخفى عليكم ألي صار في سوق الاسهم السعودي من نزول حاد وخسائر في المال والأرواح والحمد لله أن خسائري في المال ، المهم المبلغ ألي بقى عندي ما صار يكفي حتى لمهر ، وطبعاً خلال فترة النزول والخسائر أمي شافت لي بنت وأعجبتني صارحه ووافقوا أهلها وشفتها الشوفة الشرعية وسويت تحاليل وكل شيء تمام بس باقي المهر والشبكة وهالأمور
لقيت نفسي في وضع سيء للغاية وتعبت من التفكير ولا ودي اتراجع وأبي اتزوج لو مهما يصير، أنا الحمد لله راتبي ممتاز يعني المعيشة اليومية ممكن تكون ممتازة لي ولها بس الحين أبي المهر وينه؟؟
المهم قررت ابيع سيارتي وادفع بقيمة السيارة على المبلغ ألي عندي من بقايا سوق الاسهم الله لا يعيده المهر
وفي لحظة تفكير سريعه قلت وين معارض السيارات ببيع السيارة وألي عقد رؤوس الحبال يحلها 
طبعاً بعت السيارة وصار المبلغ ألي عندي كامل ووكلمت أهلي وقررنا أن يوم الخميس القادم نودي المهر
طبعاً الحين ما عندي سيارة خاصة فا قررت اشتري سيارة أقساط سعرها يكون مقبول ...
يا أخوان وش رأيكم بلي سويته صح أو خطأ ، كل ألي سويته عشان الزواج والعفاف وحفظ الفرج عسى ربي يعوضني خير من عنده ويفتح علي ويرزقني المال الحلال
والحمد لله أولاً وآخراً
محتاج آرائكم ونصائحكم ولاتنسوني من صالح الدعاء
مع الشكر والتحية
التعديل الأخير تم بواسطة PROGRAMMER_15 ; 08-08-2006 الساعة 09:52 AM
08-08-2006, 09:47 AM
ضوابط المشاركة
العرض الشجري