شوف اخوي..

اولا الله يعينك لأني توقعت ان زوجتك على هالتفكير بتكون صغيرة وطلعت كبيرة..

المهم : اول شي اطلب منها انك تشوفها بره واعدها بمطعم او بمكان هادي مارحتوله من قبل ( المكان يلعب دور نفسي وايد مهم ).
- ييبلها وردة وحدة كافي يكون لونها أبيض ( عشان تبين لها ان قلبك ابيض من ناحيتها ومافي أي زعل )
- ابدى كلامك معاها بعتب رقيق مثل ( يهون عليج انج تاركتني بروحي طول الفترة اللي طافت)
- طبعا اهي راح تنفجر بوجهك وبتبدى بالاسطوانة انت وانت وانت
- تقبل كلامها بهدوء وخليها تفضفض
- قولها انتي منو تحبين اكثر اخوج ولا أنا؟
- مهما ما كانت اجابتها قولها ان في أنواع حب بالدنيا ولا يمكن تقارن فبعض - قولها عاطفتي ناحية امي تختلف عن عاطفتي ناحية اختي تختلف عن عاطفتي ناحيتج واشرحلها احساسك ناحية كل وحدة وان مجال المقارنة بين انواع الحب هذي فاشل ومايصير.
- فهمها ان هي شريكة حياتك وهي اللي بتقضي العمر معاها ومن هالكلام ما أوصيك
-في المستقبل احذر انك تذكرلها ان انت تحبها وايد وما تستغني عنها المرأة بطبيعتها عندها كبرياء تحب ان الرجل يشبعه عن طريق كلمات الحب والغزل - يعني خليها تشتاق لكلامك وخليها هي تسألك تحبها ولا لأ.
-خليها تشارك بهالمنتدى من المواضيع المطروحة واايد راح تستفيد وبتفتح عينها على امور كانت غايبة عنها بس ها لا تقولها ان انت عضو فيه.

وعسى الله يهدي سركم.

__________________