المشاركة الأصلية كتبت بواسطة ميني ماوس

السلام عليكم

أختي تدرين اني من النك نيم حقك تصورت ان عندك مشكلة من الطفولة ولا قادرة تتخلصين منها .............
يمكن كنت تتعرضين للضرب او الاحتقار لكلامك من قبل شخص قريب جدا منك و مفروض انه يكون لك قدوة بالحياة .............عشان كذا تحسين ان حتى الناس اللي يغلطون عليك ما تقدرين تواجهينهم لان عندك احساس بالخوف ان موضوعك اتفه من انه تقابلين فيه الناس ...... وان كل الناس اهم منك عشان كذا لازم تكونين ( اسفه على هاللفظ ) مدااس للجميع ...............

لاااااااااا والف لا انت ما ناقصك شي ابد جامعيه و حلوه خلي راسك دايما مرفوع بين الناس مو ضروري تطالعين فيهم وانت تتكلمين بس لا ينزل راسك ابد ..........

بعدين الانسان زي الكمبيوتر لما تكتبين شي غلط مو تسوين له ( باك سبيس ) نفس الشي انت اي شي ما يعجبك سوي له باك سبيس و قولي بينك وبين نفسك انا هذا الشي مو عاجبني بااااااااااااك سبيس و انا هذا الشخص غلط علي من يكون اصلا عشان ما اقدر اطالع فيه انا اعظم و ا عز على نفسي من اني اكون منكسره قدامه

دايما اعطي نفسك رسايل ايجابيه كلمي نفسك فيها ( انا ابد ما اخاف ليش الخوف من الحشرات هي اضعف مني انا بفليت اقدر اقضي عليها بس هي ما تقدر تضرني )
( انا اقدر نفسي و لا احس بالدونيه ليش هذا الشخص غلط وانا اخاف منه بل ارفع راسي و ادخل بكل ثقة و حب للذات )
( انا احب نفسي مررررررررررررررررررره لازم اقدرها و احطها بمكانها الصح بين المثقفين و الناس الراقين لاني منهم )

بعدين اختي حاولي تصادقين لك ناس يدفعونك على الثقة و التخلص من الخوف و بتلاقينا هنا بالمنتدى راح نكون لك اكثر من اخوة ...........

اتمنى اني اكون افدتك و لو شوي