مســــــــــــاء الخيرات

تقولى ان هاذى اول خطوات النهايه ............مو انتى الى تقولى هذا الشيطان الى يقول لك

وطبيعي لانك مقهوره من تصرفه وتعامله
لاكن صدقيني وخذيها منى لو كلامك صدق ومثلا رحتى لبيت اهلك انك مابتكملى يوم ولا اثنين الا وانتى تتمنى ترجعى ولو هو بعد فكر يطلق راح يراجع نفسه اكثر من مره الطلاق مو سهل
لاتفكرى به المبدء ابد

كل الى بينكم ان مافيه تفاهم واحترام التواصل بينكم شكله معدوم
المفروض تتناقشو بمشاكلم لان الى سواه فى المطار مو اسلوب ودليل انه مشحون منك سابقا او يمكن هو من طبيعه الناس الى ينفلعو فى الاماكن العامه والمطارات المفروض انك عارفه زوجك 7 سنوات كافيه انك تتحاشي مثل هالمواقف
وهو الله يهديه المفروض يغير اسلوبه مايحتاج نقول يعترف لأن اللي بعمره صعب يعترف لوحده بعمرك انه أخطأ في حقك ( طبيعه الرجل الشرقى ) وهاذى بالذات صعب تتغير هالكبرياء موجود فيه لازم تتحمليه
لاكن على الاقل يناقشك يبرر يوضح
حتى لو كانت مبررات غبيه بس عالاقل يفتح مجال للنقاش معك
وهنا المفروض أنتى لما تعطيه المجال تختارى عبارات مؤدبه ذكيه تحسسيه بخطأه بحبك له ...لاغلفتى العتاب بكلمات حب يصير اخف على النفس وينقبل

واذا انتى من قبل حاسه اساسا بفجوه بينك وبينه بسبب فرق العمر فخلاص تتنازلى والزواج اصلا تنازلات عشان اطفالكم
ولاتقولى بنفسك انه انا بس الى قاعده اتنازل لأنه مليون بالميه هو جالس يتنازل بعد عن اشياء تعتبريها انتى تافهه في نظرك او يمكن من الاصل ما لاحظتى اهميتها عنده لأنه رجل مهما حاولتى له نظره للأمور غير

تحملى واصبري وحاولى تهدى الوضع هالايام ولاتحتكي معاه حتى مايزيد الطين بله وبيجي يوم يكون فيه رايق تتناقشو فيه ولازم يجي عشان عايلكم اقلها

غير كذا انتى ودك يعاملك مثل ما يعامل اخواته وامه وبقيه الناس وصدقيني لو انتى تصرفتى مثل تصرفات اخته ما راح يتغير شئ لان الموضوع تراكمات المشكله مو فى شخصيتك المشكله تراكمات اكتبي فى ورقه وش الاشياء الى تسبب مشاكل بينكم وش هو يكره مع الوقت حاولى تبعدى عنها يمكن يتغير شي بعد فتره

مشكلتك اتوقع يمر فيها كل المتزوجين وروحى تمشي فى المنتدى ومشاكله بتلقى زوجك ارحم كثير من غيره

الله يهدى صدوركم ويصلح بالكم ويبعد عنك المشاكل يارب

تحياتى لك