الف الف الف شكر لجميع المساهمين بالموضوع<<< وش دعوه اكتتاب شركه زين (:

المهم الف شكر مره ثانيه وثالثه ورابعه واسف جدا على التأخير لاني والله ماحصل لي اكون على النت وماهي العاده ^_^

الي قالوا خلي امك او ابوك يتكلم معهم ): الله يغفر لوالدينا واموات المسلمين

اما عن اهلي انا الي قايلهم لاتكلمونهم ليما نشوف رد ابن العم (البادر) ^_^ لكن انا شكلي بحسم الموضوع من الاخر وانا بستخير والي يصير يصير !!<<< بيخربها

انا بكلم ابوها وبعلمكم بالي يصير وادعوا لي

برب

صراحه موضوعك صار بنك الانماء من كثر التاخير

اسمع هم ماراح يكلموك عشان محد يقول عليهم انهم يدللون على بنتهم

كلم ابوها بنفسك

واذا مارد عليك

خلي الحريم يتصرفوا

انا قايلك اكتتاب بس متى الداول مادري ^_^

عموما اتصلت على ابوها العصريه^_^ بس مارد علي!! عاد بدا الوسواس قلت الله يعين شكله اصلا ماوده بنته تتزوج ولا يبي يصرفني ولا مادري وش السالفه قلت يمكن انه درى اني ادخن وهذا الشي الوحيد الي انا شايل همه هو الدخان ... المهم مالكم بالطويله قلت تدري اتصل عليه بعد المغرب اتصلت عليه قلت ان مارد علي ابي ارسل له رساله وخربانه خربانه<<مسوي نمر بن عدوان
اتصلت عليه المغرب وشوي الا ويرد علي عاد انا تلخبطت مادري وش اقوله ^_^ اقوله ورى مارديتوا علينا !!؟ولا تبون تعطوني البنت ولا اشوف لي بنت ثانيه <<يبي يقول ماعنده وقت !
كلمته شلونك طيب اخبار العيال وودي اقول شلون البنيه بس اخاف يقطعها بوجهي رد علي بس كن رده بنفس يعني ماله خلق!! قلت بنفسي افااا شكله عرفني ويبي يبين لي من الاول ان البنت اصلا ماراح تتزوج!! اخر شي قلت له عرفتني قال لا قلت معك فلان الفلان ..!! قال هلاااااااااااااااا ومرحبااااااااااااااا وينك ياشيخ ومادري ايش,, وصار يهلي ويرحب ويقول انا جاني الخبر وقلت الولد يستاهل وابشر بالي تبي وحنا شارينك<<احم احم ياولد ولو بغيت اليوم قبل بكره ومن هالكلام الي يوسع الخاطر قال بس انت تعال خلني اشوفك وابشر بالخير
المهم انا من الفرحه بغيت اقطع السماعه بوجهه!!

والنشره القادمه الموجز بالتفصيل

شكرا لاصغائكم مع احلى الاماني

تحياتي وادعوا لي