معا نحو الرشاقة - منتدى عالم الأسرة والمجتمع

06-05-2009, 12:08 PM

#11

dodi_dabdoobi

عضو مميز

تاريخ التسجيل: Apr 2006

المشاركات: 2,684

[QUOTE=(أم جمانة);2144631]dodi_dabdoobi
ماشاء الله تبارك الرحمن عاجبني أصرارك وعزيمتك وكلنا بإذن الله معاكِ وراح نشجعك حتى تصيري سمبتيك زي زوجك

وأهم نقطة تحطيها في بالك هي اللي ذكرتيها (مثل مازاد وزننا في سنين لازم نستمر في الريجيم حتى ينزل حتى لو أستمر الموضوع فترة طويلة)

ولاتنسي أن أول السلم درجة ولازم نطلع درجة درجة حتى نوصل للهدف

ولاتفرحي بالنقص السريع بالعكس النقص البطيء صحي أكثر علشان ماتتعبي

وأنا مثلك الشاي الأخضر ماناسبني أبدااااااااا بالعكس احس ان جسمي يتنفخ واني مكتومة لمااشربه

لحظة لحظة لحظة تذكرت الأن بس وأنا أكتب الرد عن شاي صيني أنا أشربه للتخسيس وكمان بينفعك للإمساك

لأن لما تشربيه أي أكل تاكليه لااااازم بعدها بنص ساعة على الحمام الله يكرمك وبصراحة شاي مذهل اشتريته من بازار فتح وكان فاتح فيه كشك كله أنواع مختلفة من الشاي الصيني

فوقفت عنده وقلت له أبغى شيء للكرش فأعطاني هذا الشاي وقال اشربيه مرتين في اليوم

والحمد لله رب العالمين انا أقيس محيط البطن بالمتر ومن رمضان وأنا أستخدم الشاي ونقصت عدة سنتيمترات يمكن أربعة أو خمسة

وأي أكل أكله الله يكرمك على الحمام بعدها

وأعطاني نشرة عن محلهم وطلع المحل غرب عزيز مول وهو خاص للشاي والأعشاب الصينية

وبعدها وقفته فترة

وقبل كم يوم رحت السوق ولقيت بازار وفاتح نفس المحل ولقيت نفس الشاي ونوع ثاني جديد وله نفس الخواص
وسألت البائع الشاي هذا ماله أضرار جانبية قال لي : لا
ولازم تستمري على شربه وراح تشوفي ان وزنك نزل

واشتريته وبدأت استعمله واسم الشاي (شاي النورس) واسم المحل (مملكة الشاي الأخضر)

أنصحك تشتريه وبتدعي لي

وأهم شيء تمشي ساعة كل يوم واشغلي نفسك وانت تمشي علشان ماتحسي بالوقت

ياااااااااااااارب تبشريني بعد أسبوعين بأن وزنك نزل

وإلى الأمام سر ونحن معكِ

:14:[/QUOTE

ما شاء الله عليكم انتو اللي داخل معاكم هو الرابح الاكبر الصراحة و صحبتكم و تشجيعكم ما تنمل و انا من زمان منتظرة مسانده و تشجيع و يكون احلى لو يصير مع اخواتي هنا حبيباتي

و جزاها الله خير ام عمار و الله ينحفنا كلنا و نحن بصحة و عافية

اه لو تدرو عن قصتي المحزنة مع الوزن ما تشجعوني بس الا نفسكم تجوني البيت و تشجعوني اطلع على الاجهزة و تسولي النظام بانفسكم

قصتي والله تبكي

انا من يوم وعيت عالدنيا

و انا الدبة الوحيدة في العيلة سواء اهل ماما او بابا

ماما و بابا دلعوني اخر دلع و بابا عنده عنده الشراهة في الاكل و انا اخذت هذي العادة

يعني السمنة ماهي وراثية انما عادة الاكل عادة اتعودت عليها في بيتنا

و في الروضة انا الدبة الوحيده

و في الابتدائية انا اللي اتقرص في خدودي من البنات اللي اكبر مني و للاسف انا مرة حساااااااااااسة زيادة و كانو لما بيتريقو عليا البنات ازيد اعصب و اكل كمان

لحد ما وصلت لسنة خامس و ابلغت:14: بعدها الحمد لله طولت فجأة

ماما لما شافتني طولت تلاقيها قالت الحمد لله حتنحف و كل اللي راح ما حيرجع و خلاص طنشتني يعني ما شالت همي و انتبهت لي
على فكرة طولي الحالي 163 سمــ
و مرررررررررة ما كنت من هذول المراهقات اللي يتنططو في الافراح بما اني مرة خجولة

و لا عشت زي البنات التانيين مراهقة و رقص و هبالة يعني كنت (قطة مغمضة)

و بعدها ب 4 سنين و انا في الاعدادية اتذكر صح كنت مبرومة شوية لكن مو لدرجة اني مفرطة السمنة يعني عادي كان وزني اقصى شي 80

والله ياريت ترجع الايام اخ بس

ماما و بابا ودوني مستشفى ابو زنادة عند الدكتور اسامة حمدي ((بذاتو)) حق كتاب الريجيم الكيميائي

و نحفت و انا عنده كنت صرت لغاية 75 في شهر لاني كنت ادرس و ما اتذكر ابدا اني عملت رياضة و بابا كان لما يطبخ لي الاكل بيحطلي شوية زيت

احب طبخات بابا

لكن و هنا اهم شي في قصتي اللي خلا دي التضاريس تشرف

كان الدكتور اسامة يقوللي عندنا في المستشفى جلسات كهربا تنعمل للبطن و في خلال كم شهر خلاص مع الريجيم حترووووووووووووووووووووووووح و تصيري اخر حلاوة و بطنك في ظهرك لاصقة

قلت حلو

و هو المطلوب
و ما كنت اعرف ان هذي الذبذبات و البلاوي اذا تركتيها تزييييييييييييييييييد و تترهههههههههههههههل

عملتها شهرين و في كل مرة الممرضة تخفف قوتها لانها بتلسع اذا مافي دهون و تقوللي برافو انتي بتخسي :20:

اخ بس شلة نصابين حرام بنت عمرها 15 ينعمل فيها كده

و سافرت الممرضة دي اجازة و بعدها الجهاز ما حصلته في المستشفى و اصلا نسيت الموضوع لان بطني صغرت

و انا في الثانوية اول سنة عدت عادي

رحت اجازة الصيف و رجعت و المريول ما يكفي

اكلت في الاجازة الين دخت لاني كنت شايلة هم الدور التاني عندي رياضيات

و رجعت اختبر و مفاجأة المريول ما يدخل

و وزنت نفسي و انفجعت

100

و من الهم اكلت و اكلت و الملابس خلاص تفصيييييييييل معد في مقاسي

ما اتذكر ايش طلعني من 100 ل 116 في اقل من سنتين

!!!!

و انا في اول سنة في الثانوية ماما و بابا بدأو يقلقو و ودوني و ربطولي معدتي حزام في مستشفى السلامة عملتها العملية عام 1417هـ و انا عمري 16 سنة بس !!
و كانت اول عملية ربط تنعمل لي
الحزام خسسني اول 10 كيلو و صرت 106 و كنت احتال في الاكل و مرة على مرة لحد ما وسعت معدتي و كان دا كله في 3 سنين الين صرت 20 سنه
طبعا بدل ما ينقص وزني زاد ل 120
و قلبت معدتي و هذي من مضاعفات الحزام و انا من خوفي سكتت و ما اتكلمت

و اكثر شي عجبني بعدها ان ولااااااااااااا شي من اللي اكله ينزل و ينهضم عندي
شوفو اللي صار

الاكل ما ينزل من معدتي و يقعد كم ساعة و اعزكم الله اذا ما استفرغته يعفن في معدتي لليوم الثاني و غصب عني اخرجه

امساك نظرا لان الاكل اللي بينزل بالقطارة قلييييييييييييل جدا و سبب لي كسل في الامعاء
و الموية ما تنزل كلها و سبب لي جفااااااااااااااااااف

و ما رحت للدكتور لكن خلال سنة كنت باخس كل يومين كيلو !!

و بعدها في الكلية البنات يجو يقولولي والله على نياتهم
انتي تشبهي دودي مرة كثييييييييير هيا اختك ؟؟؟ هيا فين ؟؟ و انا العب باعصابهم و اقلهم البنت تزوجت و راحت كندا و و و و والله كانو يصدقو

اقسم بالله محد يعرفني

لدرجة في ناس يحلفو انه مو انا اقوم اقلهم طيب خلاص انا اختها و اروح من جمبهم و انا اتنافض من الخوف اخاف من عيونهم و نظراتهم

صار وزني 67 تخيلو !!!!!!!

و بعدها جا فارس الاحلام على الحصان الابيض و قال

:14::14::14: هيا دييييييييييييييييييييييييييييييييييييييييييييييييي ييي

لحد الآن و انا في حلم

بعد شبكتي بكم شهر خلاص جسمي بدأ يضعف كثييييييييييييييير و حالتي ما ينسكت عليها

اغمائات مرة ورا الثانية و صداع مستمر غير شعري خلص و وجهي زي العجاييييييييييز و وزني

58 و هذا كان قمة نزولي

يعني وحده وصلت لضعف وزنها ايش تتخيلو يكون احساسها
.................................................. .............................................

سامحوني طولت عليكم بس اتحمست و انا اكتب و لقيت اني رميت اللي في قلبي كله لما قالت ام جيجي اني عزيمتي و اصراري قلت اقلكم اللي في قلبي لان اللي فيا مو قليل ابدا

الله لا يغيرنا الا للافضل و النزول الصحي ان شاء الله من نصيبنا و السعادة اهم شي و اقابلكم في الجزء التاني

__________________
رب لا تذرني فردا و انت خير الوارثين

التعديل الأخير تم بواسطة dodi_dabdoobi ; 06-05-2009 الساعة 12:13 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه