عزيزتي تعويذة عشق،

أشكر لك كل دقيقه ضيعتيها من وقتك في الرد علي ..

اقتنعت بكلامك و نصايحك .. و راح اشيل افكار الكره من راسي .. بس إن شاء الله هوا ما يأججها تاني بتصرفاته ..

من ناحية المسجات و دا الكلام انا من زمان بارسله و اصبح عليه كل يوم .. و هو بيصبح علي كل يوم دحين و اتعود على دا الموضوع ..
يعني حركات الرومانسيه دي تخصصي .. يعني باحاول قد ما اقدر .. و نشوف ..

بس باسالك .. ايش كان سبب برودة خطيبك الاول ؟ هل في سبب ورا دا الكلام و الا في رجال طبعهم كدا؟

بالنسبه ليا اللي قررت اعمله من وراء نصايح الاخوه الاعضاء (اللي تحبيهم ههههه ) هنا هو التالي:

1- ابطل غرور !
2- اكثف الجرعات الرومانسيه لخطيبي
3- اصارحه بطريقه محببه و ما تجرحه او تسبب له ضغط نفسي
4- الجأ إلي الله و استخير كل يوم
5- اهديه كتب عن طريقة معاملة المرأه و من دا الكلام و اشوف اهتمامه
6- اصارحو انو انا فكرت بالانفصال عنو .. عشان يفهم انو دا الشي مهم جدا بالنسبه لي .. ابغا اشوف مدى استيعابه للموضوع و هل راح يعتبر كلامي منطقي او غير منطقي .. عشان افهم طريقة تفكيره ..
7- بادخله في اختبارات لا نهائيه من ناحية التاريخ العائلي و دراسة شخصيته و كدا ..
8- راح اركز على الجوانب الايجابيه فيه ..

و راح ابلغكم بالنتايج ... ما راح اتخذ اي قرار قبل شهر و نص من الان ..

و اذا ربي اراد انو اتزوجه و اعيش معاه و بعدين اجد نفسي غير مرتاحه معاه .. يكون الطلاق حل برضو .. مو نهاية العالم .. ايش تفرق مطلقه عن فاسخه خطوبتها ؟

ايش رايكم؟