السلام عليكم ورحمة الله وبركاته

مرحبا اخي ابو حكيم ومرحبا بك ايضا اخي محمد

بصراحه هي طريقة اخوي ابو حكيم حكيمه بس مع واحد غير زوجي

بعدين يا اخواني الكرام مو المشكله مع زوجي انه مقل عاطفيا

لا الامر اسوأ بكثير انا بقولكم شي بسيط والله صرت اشك ان الموضوع يا حسد يا سحر مع اني استبعد الاخير

زوجي ما يطالعني ابدا يعني نادرا ما يحط عينه بعيني لو كنا نتكلم

احس لما يشوفني يتضايق يتجهم ويكتئب

ما يسولف معي ابدا ابدا ولا اعرف عنه اي شي بحياته نهائيا مع ان لنا سبع سنوات متزوجين

لما افاتحه بالموضوع واحاول اعرف وين المشكله يقولي ما يحتاج اقولك انتي تعرفين

وانا الحمد لله ما قصرت باي شي معه صحيح ان الكمال لله وكل انسان معرض للخظا

بس والله اي شي ينبهني عليه ما ارجع اسويه مع ذلك رضاه غايه لم ولن تدرك

انا مره خلاص قلت ما راح اعيش معك بهذا الاسلوب ورحت عند اهلي

وقلت للوالد اني ما راح ارجع وسألني ليش وقلت له ما فيه سبب بس احس انه يكرهني

وكأنه مجبر علي المهم خلال يومين جا يكلم الوالد وانا اقول لا تواجهه لأني انا ما ابغاه

خلاص بلغ السيل الزبى المهم اصر وحاول نجتمع مع الوالد ونتكلم فكان كل شكواه اني

اطلب زوج طبيعي طبعا هذا اللي فهمه الوالد من خلال كلامه المهم قال لأبوي سالفه

اني انا امن عليه بالطبخ وأقولكم الحادثه عشان تحكمون وتقيمون

انا ما اعرف اطبخ الاكلات الشعبيه وهو ما طلبها مني ابدا

ودايما اطبخ له اشكال والوان طبعا ما يعلق ولو سألته يقول ماشي وفي يوم من الايام

عرفت انه مشتهي قرصان لأن ام زوجي تطبخه ومره لذيذ وكانت تعبانه وما حب يقولها

فقلت انا اسويله القرصان عشان ينبسط وحطيت الاكل وكان فيه اكل اهلي مرسلينه

لما جا يفتح الاكل قلت له استنى لا تاكل غمض عيونك شف انا اش طابخه لك

قال ايش فتحت القرصان وقلت له يا ويلك لو اكلت غيره وانا اضحك والله العظيم

قال تمنين علي بالاكل ما راح اكله مو انتي اللي تتحكمين فيني قلت والله ما تحكمت

بس امانه تذوقه وتقولي عاجبك ولا لا ذاقه وقال ما شي حاله وبس انتهى وما اكل منه

لما سمع الوالد السالفه قالي بعد ما راح زوجي صدقيني يا بنتي فيكم شي

لأنه يحبك وهو قالي هذا الشي وقالي الوالد اني سألته وحلفته هل انت جابر نفسك على بنتي

وقال مافيه شي يجبرني اعيش مع وحده ما احبها.

بس اي شي فيني ميزه يشوفه عيوب يشوف

ودائما اتذكر بيت الشعر اللي يقول

واذ محاسني اللاتي ادل بها كانت ذنوبي فقل لي كيف اعتذر؟؟؟؟؟

موفقه ان شاء الله

لما افاتحه بالموضوع واحاول اعرف وين المشكله يقولي ما يحتاج اقولك انتي تعرفين

ماذا يقصد ؟

والله يا ابو حكيم هذا اللي اتمنى اعرفه

انا اعرف اني ما قصرت معه بشئ وهو متأكد انه

لو يطلب عيوني ما راح اتردد ولا لحظه وانا اظن انه يقولي كذا عشان يحسسني اني غلطانه

واللي يسويه معي هو رد فعل

فكان كل شكواه اني

اطلب زوج طبيعي

ماذا يقصد أنك تطلبين زوج طبيعي ؟
وهل زوجك زوج غير طبيعي ؟

انا بسألك وانت جاوبني اذا هو طبيعي او لا

لما الزوج ما يمدح زوجته من بداية زواجهم ولما زوجته تتصلح وتتجمل يقول ما له داعي

ترا انا ما اطالعك هل هذا طبيعي ؟

لما ينام بالصاله وانا انتظره بغرفة النوم ولما اجي انا عنده بالصاله يروح غرفة النوم هل هذا طبيعي؟

لما يكون غامض بكل جوانب الحياة وما يتكلم معي نهائيا هل هذا طبيعي ؟

لما يكون من افضل الاشخاص مع اصدقائه واهله ومع الاقارب والاغراب واسوأ شخص معي

هل هذا طبيعي ؟

كل شكواه عند والدي انو ليه اطالب بهذي الاشياء وانها تفاهات بس الوالد تكلم معاه كلام رائع

ومدح فيه وقاله انت انسان واعي وهي انثى كائن رقيق وضعيف تحتاجك وتحتاج للحنان والامان معك

والاثنين مفقودين واي شخص لما يفقد شي اكيد راح يكون شغله الشاعل بس اهم شي انت تكون حاس

بتقصيرك وخطأك وتحاول تعوضه قال انا ما قصرت بشئ اكل وشرب وبيت وخدامه وسواق

قال الوالد صحيح وما احد يقدر ينكر هذا الشي بس هل هذا الشي هو اللي ما زالت تطبه منك؟ لا هي تطلب

الاهم من ذلك هي تطلب منك الشئ اللي ما احد يقدر يوفره لها غيرك وما نرضى انها تطلبه من غيرك

ياليتك قصرت بالجوانب الماديه كان وفرناها لها بس المشكله اللي قصرت فيه هو شي ما يوفره الا انت

وقال انشاء الله بتغير ومع ذلك رجعت والوضع لأسوأ

الله يصلحه ويهديه وجميع المسلمين

أعطيتك رأيي بالموضوع بناءا على كلامك , والذي أفترض أنه صحيحا وغير مبالغ فيه , وأنت صاحبة الشأن وأدرى بحياتك منا .
هناك حلقه مبهمه وغامضه مفقوده بحياتكم , قد تكون عين أو حسد , ربما أحدهم كان يريدك زوجة له , أو إحداهن كانت تريده زوجا لها , لا تجعلي هذا الأمر هاجسك الأكبر , ولكن ركزي على هذه الناحيه من باب الإحتياط , ولتكوني أمام نفسك عملت بكل الأسباب الممكنه .

وفقكم الله .

لم تعقبي على هذه الجزئيه

لما افاتحه بالموضوع واحاول اعرف وين المشكله يقولي ما يحتاج اقولك انتي تعرفين

عارفه شنو ؟؟؟؟ كأنك عامله عمله وهو ساتر عليكي وانتي عارفه !!!!!

لازم تلحي بطلب معرفة سبب تصرفاته ..ولما يقول لك انتي عارفه قولي .لا مو عارفه ... وتابعي معاه حتى لو عصب . يمكن يقول اللي عنده اذا فقد أعصابه ...

وحاولي تتذكري أي موقف ممكن يكون أثار عنده شك فيكي .. أو تسألي أحد قريب منه وموضع لسره ... ولو اني ما أظن انه قال لاحد عن اللي بداخله ... أظن انه من النوع اللي يكتم بداخله.

يا حبيبتي انا متأكده ان ما فيه شئ حتى لما تكلم مع الوالد ما قاله اي شي يستدعي تعامله معي بهالشكل والله هو يعرف ان ما قصرت عليه بشئ

بس هو يحب يقولي كذا عشان اجلس افكر واقول اكيد فيه شئ واني انا السبب واللي يسويه هو مجرد رد فعل لاخطائي اللي لا تغتفر

يا ليت اختي تعطينا وصف لاطباع زوجك وظروفه أكثر من كدا حتى نقدر نساعدك .

هادي طيب صامت انتقادي درجه اولى لما يحب احد يحبه بشده ولما يكره او ياخذ موقف من احد خلاااااااااااااااص ما احد يكلمه بموضوعه

محافظ على الصلوات يحب يبين لي انه ملتزم مع اني اعرف انه مع اصدقائه عايش حياته بالطول والعرض

اما عن قولك انه يحس اني ما احبه اقول يا ليت بس المشكله هو يعرف ومتأكد اني امووووووت فيه ويحس طاعتي العمياء وخدمتي له ضعف

بس احيانا انا اكشر عن انيابي عشان لا ينسى اني اقدر اصير اسد بس صايره هره وديعه بكيفي محبة له وارضاء لرب العالمين

ربنا يصلح أحوالكم وأحوالنا ويثبتك ... عليكي بدعاء اللهم أسألك عفوك ورضاك بجوف الليل