المشاركة الأصلية كتبت بواسطة امراءة ولكن ...

اختي كفاني عذاب الله يفرج لك همك ويصلح لك زوجك ويردك لبيتك الطلاق شيء صعب ومؤلم لبناتك كيف يعيشون بدونك بالذات بعد ما ياخذونهم تصدقين مادام تعامل امه كذا أكيد بتكون من المرحبين بتربيت بناتك أختي حاولي تذكرين لو شيء واحد زين فيه علشان تتقبلين الرجوع له
والدعاءوالدعاء والدعاء لا تنسينه
اختي اذا رجعتي لاتجعلينه مركز تفكيرك سوي كل واجباتك وخلي لك صاحبات صديقات جمعات بعيد عن الكلام عن مشاكلك عيشي بشخصيه ثانيه حاولي تبعدين عنه شوي لا تذكرينه بمشاكلك مع أهله لا تجيبين طاريهم إذا رحتي عندهم لا تتكلمين الا كلمه ورد غطاها وبعدين إذا طلعتي من عندهم كافئ نفسك بروحه لاهلك أو صديقتك أو حتى اتصال لا تكلمينه عنهم ولا عن الجلسه عندهم

اختي اخاف تصيرين مثلي لي 15 سنه وانا اسيرة المشاكل ومقفله على نفسي في دائرة اهله ومشاكله لكن أحاول انسى احتياجاتي وكرامتي علشان بناتي تخيلي قبل كم سنه اخذهم مني جلست مثل المجنونه ما قدرت انام او اكل او اشرب وهم بعيد عني ............... جلست في معاناه حقيقيه وقررت استحمل وارجع ولا احس بحرقة القلب كنت احس ان بداخلي ناااار
اختي انا احاول اذكرك وما احاول اخوفك لاتستعجلي أكيد زوجك يبي يفكر في وضعه ووضع بنات وصكت بيته حتى أهله في الايام الاولى بيكونون مهتمين فيه وبعدين يتركونه لا أكل ولا ونيسولا نوم زي الناس ويتراجع عن الطلاق تصدقيني الوقت كفيل بتحسين الوضع

اكيد لا تكسرين كلام اهلك لكن الطلاق ما هو الحل الاسلم

اسفه على الاطاله وطمنينا

المشاركة الأصلية كتبت بواسطة بنت الحكمي

اعانك الله ياأختي علا مبتلاك وصدقيني فيه بعض الحريم تصبر وتحتسب لوكان مصيبتها بزوجها بس لاكن إذا كان زوجها وعائلته كلها فهاذي كارثه شوفي ياأختي
إللي يحترمني ويقدرني من أهله أحطه علا راسي لاكن زي اللي عندك مايستاهلون تعطينهم وجه وإنتي عودتيه يغلطوا عليك ويغصبك تعتذري لهم ليه سلمات أنامتزوجتك إنت وإلا أمك وأهلك والله أنامستغربه قدرة صبرك وتحملك لتمادي أمه وخواته عليك لهاذي الدرجه موكافي صابره عليه يجون أهله بعد يكملوا الناقص شوفي والله الذي لاإله إلا هوإن يجي لأمه يوم الله يبتلي بناتها بأمهات أزواجهم مثلها وأكثر شوفي فيه مثل يقول لاتخاف علا الظالم ولاكن خاف علا عياله وكما تدين تدان وإنتي إياك تخضعي لرسايله ومكالماته أصلا لوأنا منك أقفل جوالي مره حتى يعرف إن أنا وراي رجال وأهل وعزوه وإللي مثل زوجك وأهله للأسف ماعليهم حسوفه إذا زوجك مانفذ شروط إخوانك لاترجعين له أبد لأنه لورجعتي بدون شروطك بيذلك مذله مابعدهامذله والمفروض يحترمك ويحترم كرامتك والحياة الزوجيه إذا وجد الإحترام بين زوجين فأنا بالنسبه لي أعتبرها حياة ناجحه بكل المقاييس لاكن زوجك أهانك وأهان أبوك وأهلك وإنتي صابره لا ياأختي هذا لوهوصادق يحترم أهلك كان عزك وقدرك ومايرضى عليك لاكن زوجك عرف إن شخصيتك ضعيفه وعرف إنك تحبي بناتك ومستعده تضحين علشان بنياتك فقام يضرب علا الوتر الحساس ويبغى يظهر لأهله إنه رجال وماتمشيه الحرمه علا كيفها وإنه هو الكل بالكل وإنه هو بطريقته هاذي يرضي أمه وخواته وإنه يحبهم ولايرضى عليهم أبد زوجك هاذا لوصار بينكم لاقدر الله طلاق وتزوج وحده ثانيه غيرك صدقيني ماغير الله ينصفك فيه ويبتليه بزوجه تخليه يشوف نجوم الظهر هو وأمه وخواته ويرجعوا يتمنوا ظفر رجلك ويتحسفوا علا كل لحظه غلطوا فيها عليك ومعليش يا أختي بقول لك شئ يمكن إن زوجك وأهله كانو ا يعرفوا إنك كنت ماتبغين ولدهم فحبوا يهينوك ويذلوك كذا لأن فيه بعض العوائل المرضى نفسيا أنا أعتبرهم كذلك عندهم حب إنتقام من إللي يرفضهم وبعدين يوافق علا الزواج منهم فتلقينهم ماصدقوا إنك توافقين علشان يشفوا غليلهم أناأعرف بنت تقدم لها شاب نعرفه وكان الولد فيه شوية طيش شباب والبنت ماشاءالله عليها فرفضت فحاول هو وأهله بكل الطرق وفي الأخير وافقت البنت وتزوجته ومن أول يوم زواج مسوي فيها عنتر زمانه علا البنت سوي كذا إفعلي كذا وأمي لاتردي لها طلب سوا صح والله غلط إنتي نفذي وبس البنت صبرت وطفح بها الكيل وراحت لأهلها ومارجعت إلابشروطها والحين لوتشوفينها ماشي معها زي الألف وفيه حاجه ثانيه يمكن إن فيه طرف ثالث وصل لهم كلام عنك وإنتي ماتدري وهاذي ردة فعلهم والله أعلم والله إن فيه بعض أمهات الأزواج عسل تعرفي عسل كل همهم راحة ولدها وبس ولوإشتكيت عليها من شئ في ولدها تلقينها تصارخ عليه وتزعل وتقول له هاذي زوجتك أم عيالك أمانه عندك أهلها أعطوك علشان تعزها ما تذلها وتلقين الزوج دايم يسمع أمه في كل شئ وفيه بعض أمهات الأزواج تحسي إنها شريكه لك بكل شئ وتغار علا ولدها وماتحب تشوف زوجته مبسوطه معاه دايم تنتقد إنتقاد لاذع جدا لولدها ودايم تهمزوتلمز زوجة ولدها وتلقينها دايم تندب حظها وتقول عند القاصي والداني ولدي من يوم تزوج خلاص نساني ما كأني أمه زوجته غيرته عليه صار مايسأل فيه ولا يدري عني أخذته الحرمه هاذي مني أنا حملت وتعبت وربيت وغيري جا علا الجاهز ومن هالسوالف أناما أنكر فيه بعض زوجات الأبناءمتسلطات وطويلات لسان ودايم تحش في أهل زوجها وتكرهه فيهم وتقارنه بإخوانه عندهم تقوله أهلك مايحبوك يحبوا أخوك فلان وفلان فتلقين
هاذا الزوج يوم عن يوم يكره أهله وأي شئ يصير له عند أهله يفسره بنظرة زوجته لأهله أنا شطحت عن موضوعك أختي إنتي إدعي الله إن يرده لك ردا جميلا وإنشاءالله ربي يهديه ويجي يعتذر وبعدين قولوا إشروطكم عليه وخلي لك شرط هو إنه ما تخطلتي بأهله ولا تجيهم ولايجوك يبغى أهله يروح عندهم ويشيل بناته معه لوبغاهم ولا تحضري مناسباتهم أبد ولا تكلمينهم أبد إذا مثلا شفتي إنه صعب تمنعيهم من بيت ولدهم عادي إستقبليهم وخليك معاهم رسميه جدا ولوقالوا شئ طنشي وكأنك ماسمعتي شئ وظيفيهم وقومي بواجبهم حتى لوإعتذروا منك لاتروحين لهم أبد حتى يعرفوا قدرك وزوجك لوجاب طاريهم قولي له أنامالي دخل بأهلك وهاذا الشرط إللي بيننا أنت وبناتي ألزم ماعليه وأنا بطريق وهم بطريق أنت وعيالك حر شيلهم وروح لهم لاكن أنا ماأنا رايحه كفايه إللي صار بيننا بسبتهم وإذا شفتي إنه مصمم بيطلق فإعرفي إن هاذا نصيبك ولامفر منه وإعرفي إنه إنسان مايستاهلك وإنك قمتي بكل الطرق وتلمستي جميع الحلول لاكن من جهتهم الباب مسدود ومدام أهلك معك بتعيشي ملكه والله يعوضك بأاخير منه هووأهله وبالنسبه لبناتك فلأفضل لهم يعيشوا معك بدون أبيهم ويرتاحوا نفسيا عندك أحسن من عيشتكم مع أبوهم وأنتم مشاكل إعرفي إنه في سن السنتين أي مشهد أوصراخ أو عنف يترسب في نفسية بنتك الكبيره ويجلس يرافقها لحد ماتكبروتصير معها عقده من أي مشاكل صغرت أم كبرت وتصير تهرب من المواجهه والدفاع عن حقوقها إنتبهي لذلك أختي الله يوفقك ويكتب لك الخير والسعاده وأسأل الله أن يجلي همك ويفرج كربتك ويصلح شأن زوجك ويرده إليك أنب وبناته ردا جميلا وبالله المستعان
وصيه أخرى أختي عليك بقيام اليل فسهامه لاتخطئ والإستغفار وعليك بالدعاء أثناء السجودوالإنطراح بين يدي الله والبكاء والخشوع وإطلبيه وأنت ذليله خاشعه فإن الله يسمع ويرى فلا تلجأي للبشرفي حاجتك ولا كن إلجئي لرب البشر إذا قال لشئ كن فيكون أعانك الله وجعل لك من أمرك خير ه أختك في الله .

المشاركة الأصلية كتبت بواسطة معتزه بديني

أنا الحمد الله يقول خوذي البنت انتي متنازل

المشاركة الأصلية كتبت بواسطة مجروحه وأكابر

المشاركة الأصلية كتبت بواسطة امراءة ولكن ...

المشاركة الأصلية كتبت بواسطة امراءة ولكن ...