أختي العزيزة
قرأت مشكلتك و تأثرت فيها حيل
أنا فعلا مو قادرة أتصور شلون انت قدرت تستحملين كل هذي الاهانات و المعاناة
أنا مرة صادني موقف مع أهل زوجي في فترة الخطوبة إن خطيبي في ذاك الوقت فجأة طلب مني تأجيل الزواج ولما سألت عن السبب قال إن أخته حامل. أنا جدا استغربت الطلب و لما قلت لأهلي استغربوا و قالوا وش دخل حمل أخته في زواجكم و أبوي قام يشك و يسألني لا يكون صاير شي و انت مو راضية تعلمينا الحقيقة و أنا أحلف له إن هذا هو طلبهم و عذرهم إن أخته حامل. طبعا أهلي شافوا إن هذا عذر مو منطقي أبدا بس تركوا الخيار لي أنا أتصرف مع خطيبي ، و أنا كنت بعد ذيك الفترة ما أزورهم لأن أخاف يبان في وجهي إني متضايقة و ما كنت أبي مشاكل.
المهم سوينا خيرة و طلع إن التأجيل مو زين فقام خطيبي و طلب منى إني أتصل بأخته و أعتذر لأخته إن إحنا ما بنأجل العرس. أنا اهني حسيت بوجع رهيب في قلبي قلت في نفسي شلون يبغاني اتصل و هي أخته اللي سببت لي مشاكل مع أهلي و خطيبي على سبب تأجيل العرس و ياريت على سبب مقنع إلا إنها حامل. خزيت إبليس و اتصلت فيها أتعذر
الحمد لله إنها طلعت طيبة و آدمية و حتى انها انحرجت و قالت لي ما كان له داعي تتصلين و تتعبين نفسك
أنا من بعد هالموقف و الغصة اللي حسيت فيها قلت توبة ارجع اسوي شي يمس كرامتي مرة ثانية
أنا ضربت لك هذا المثال اللي متأكدة ما يجي شي صوب اللي انت شفتيه بس حبيت أبين لك شقد أنا مستغربة من صبرك
ترى حبيبتي اهم شي في الدنيا كرامتك و اذا زوجك ما عرف قدرك و ما خله أهله يحترمونك غصبا عنهم فالله الغني عن كذا زوج.
الله يوفقك و يفرج همك و يكتب لك ما هو صلاح إليك و رجاءً طمنينا على أخبارك و آخر تطوراتك
__________________
الدنيا يمكن تكون حلوة ... بس يا ريتيني أقدر أفهمها !!!
03-10-2010, 02:57 PM
ضوابط المشاركة
العرض الشجري