اقتباس:
المشاركة الأصلية كتبت بواسطة noora
فردوس حبيبة قلبي احبك في الله يا غالية
ربي يسعدك حبيبتي و يطمن قلبك و يعطيك الراحة و السكينة و هدوء البال و يجمع باطفالك و لا يحرمك منهم ياقادر ياكريم
كثفي الدعاء .. ماتدري ايش يصير بكرة
ان شاء الله ربي كانت لكم جمعة طيبة بالقريب العاجل
ولو ابوهم صمم .. ثقي انه بكرة بيكبروا و يخرجو من تحت شوره
ومردهم لك انتي .. امهم و تاج راسهم ..
الله لا يفرقكم و لا يحرمكم من بعض
|
وانا كمان أحبك .. و أنتي تدرين
تصدقين , فرحت مرة لما شفت دعواتك .. نورا أحب فيك حنانك
احسك مرة حنونه ماشالله الله
> يا ليتك اختي و عايشة معي في بيتنا
تدرين وش أكثر شي يخليني أبكي كل يوم ..
اتخيلهم عند النوم , مين ينومهم و يهتم لهم و يقرى عليهم
أدري والله أدري انو حيرجعو لي اذا كبرو إن شالله
بس كيف ..؟ و بأي نفسية حيكبرو ..!! هذا اللي قاهرني
عمري ما تخيلت ان أطفالي يربوهم شغالات .. و صار
> عشان مرة ثانية ما انقد على الخلق
تصدقين .. لما كنت ادرّس اطفال تمهيدي .. الطفل اللي تجيبه الشغالة
للمدرسة أحن عليه و أرحمه .. أحس ان وراه أم جبّارة
أم ضايعة مو مهتمة لبزورتها , كان عقلي صغير وكنت نقادة
ماكان عندي أي عذر لهاذي الأم المضيعة
و دارت الدنيا .. و صارت الشغالة هي اللي تدخل بنتي للمدرسة
> الحمد لله على كل حال
عمتّي زوجها ظابط / تحكيني عن قصة مرت عليه في القسم
لما قالتها لي جلست ابكي ..
طفل عمره 7 سنوات أمه و أبوه منفصلين , في الشهر مرة يجيبه الأب
للقسم عشان يجلس مع أمه اربع ساعات وياخذه ... تخيلي الحكم الظالم
والولد لما يجي يشوف أمه ينبسط و يستانس ولما يخلص وقت الزيارة
يجرونه من أمه غصب .. ماعاد فيه رحمة
الولد قال لأمه لاعاد تجين ما ابى اشوفك
طفل عمره 7 سنين .. تجرع الحرمان والألم .. ومن مين من أمه و أبوه
الله لا يسامح من إغتال براءته و طفولته
عورت قلبِك صح ..!
انا كل يوم اسمع قصص تحزن .. و أبكي على مخدتي
ادعي الله ..يرحمني ويرحمهم لأني بدونهم بلا هوية
اصحى ثاني يوم .. احاول أتناسى و أكون طبيعية
و الحياة ماشية
نورا ... سعيده لوجودِك و دعواتِك ..
واعذريني اذا وجعّت راسك ..انا مزاجي له فترة مو أوكي
بس الحمدلله
15-07-2012, 11:00 AM
ضوابط المشاركة
العرض الشجري