- زوجي يغيب كثير بسبب عمله .. و الأولاد ما يشوفوه حاليا ، يمكن هذا الشي كمان بيزيد الوضع سوء ..

- يوم الخميس ، كنت راجعة من العمل و أبغى أرتاح في بيتي .. لابسة لبس بيت ..
قلت لولدي :
حبيبي اذا بتلعب مع فلان ( ولد الجيران اللي عمره 11 سنة ) .. خلاص لا تخليه يدخل البيت ..
هو كبير و ما يصير يشوف ماما لابسة زي كذا ..

قال طيب و طنشني ، قلت له ( عبودي طالع فيا ، سمعت ايش بأقول ؟ )
و كررت عليه .. و قال طيب و طنشني ..

بعد ساعة .. شفته داخل البيت و دخل ولد الجيران ( و الولد الصراحة قريب يوصل لطولي و يفهم كل شي )
ناديت ولدي و قلتله أنا إيش قلت لك ؟

راح و قال لولد الجيران .. ( ماما تقول لا تدخل البيت ) ؟؟؟
كويس الشغالة لحقت ، و قالت ( مدام تقول تبغى تنيم النونو ، و تقول ألعبوا برة )

.
.

و لانها مو أول مرة تصدر من ولدي ( حكاية التطنيش ) و كررها و أنا كل مرة أتساهل و أسامح و بس أعاتب و أهدد بالعقاب
المرة هذه نفذت عقابي ..

ناديته ، و أخدت الأيباد منه .. و خليته يجلس بغرفة ( خصصتها من كم يوم للعقاب ، له هو و أخوه الصغير )
قلت له اجلس بالغرفة ، و ما تخرج منها و مافي أيباد ..

و جبت له كتاب الرياضيات ، و قلت له ( أجلس حل واجبك بدل ما تجلس فاضي ) ..

مع العلم إنه أولاد الجيران مهملين بالدراسة و الي عمره 11 سنة ما يعرف يقرا و لا يكتب ..
و لما يقول لهم ( ماما تقول لا تروح هناك .. يتريقوا عليه و يقولوا له - إنت ألف هههههاي - ، إنت مو - باء - )
و يحرضوه و يعلموه يكذب علي ..

( يتبع )