لا طبعا يافجر
ماحدش طلب تلغى شخصيتك
انتى ليكى حق يكون ليكى رأى وتدافعى عنه
انما اشغل ذكائى
ممكن الوقت اللى هو موجود فيه افرغ نفسى ليه وفى وقت فراغى امارس هواياتى
كمان الموضوع اللى ماوصلتيش فيه لحل ممكن أأجله شويه واعيد مناقشته فى وقت آخر وبصوره مغايره ..
مش قلتلك لازم تعرفى مفاتيح جوزك .. حاتساعدك كتير
واعرفى ان اللى بيعمله مش تسلط انما هو لم يقتنع بوجهة نظرك ونجاحك فى مناقشتك هو اللى حايخليه يوافق وبحب برضه
فيه مثل بيقول اللى يجيلك بالغصب اعمله بجميله .. فهمتيه ؟

كويس يافجر يعنى كنتى مجتهده وانتى طالبه لكن المش كويس انك تديهم ناتج مجهودك كده بالساهل ..
لا الحاجه اللى تخصك ماتديهاش لحد الا اذا كان محتاج قوى لان الناس لو عرفت انك بتتنازلى بسهوله حايستغلوكى .. فعودى نفسك انك تقولى لا للحاجه اللى مش عاوزاها .. ماتخافيش محدش حايزعل واللى يزعل يتفلق انتى مش بتعملى غلط ..
دى نقطه ..
الضعف غير الطيبه الطيبه يعنى احساس مرهف ونقاء سريره انما الضعف هو الخوف من اتخاذ موقف وده اللى عاوزين نشيله ..


والله انى طيبة و ضعيفه كمان

عودى نفسك فى اولادك لما يعملو حاجه انتى رافضاها تصرى عليها وتعلى صوتك عليهم ..
انا عارف انهم تو صغيرين لكن فى التربيه لازم تبقى حازمه لان دول ولادك ..
ماتردديش انى مااقدرش عشان ماتصدقيش نفسك اعرفى ان رغباتك وحقوقك وطلباتك مصانه ولازم تاخديها بالذوق او بالعافيه ..واول حاجه عدم الموافقه على الضرب
لازم ترفضيه لان ده اهدار للادميه والكرامه .. مادام الموضوع مايستاهلش وعنك مبرراتك يبقى ايه لازمة طولة الايد ..
خدى بالك ممكن احمد يقرا الكلام ده فلازم تكونى جاهزه بالرد المقنع فلا ضرر ولا ضرار