لا يافجر .. لا .. ماينفعش الكلام ده
مش كل واحد مايحققلكيش رغبتك تكرهيه.. وبعدين لو كل زوجه تطلق عشان جوزها بيمشى كلامه يبقى نص ستات البلد حايتطلقوا ..
الموضوع محتاج توافر الثقه بينكم .. يمكن كتر الحاحك على النت بيخليه يشك فيكى او يمكن يعند زياده ..
مش قلتلك اللى يجيلك بالغصب .. الذكاء هنا انى مااحسسش اللى قدامى ان فيه اى حاجه ممكن تؤثر فى عشان مايستغلهاش ضدى ..
يقفل النت . عادى يقفله عاوز يعمل شئ ولا يهمك ..
اولا عشان صحتك وثانيا عشان يعرف ان مافيش حاجه تهزك
وبعدين ماهو بييجى يفتحه وسايبك تدخلى اهه يبقى الفكره انك عايزه تبقى بحريتك بغض النظر عن حرية الاخرين ..
وده ماينفعش .. مايصحش اقول عاوزه اتطلق عشان اعيش بحريتى ..
لا عاوزه اتطلق لان زوجى يهيننى ولا ينفق على ويرتاد المراقص ويشرب الخمر وزوجك لا يوجد به اى شئ من ذلك ..
ولا تنسى وقوفه بجوارك فى بداية حياتك واستحملك ازاى ..
فياريت بلاش كرهته وعاوزه اتطلق لان لو حد سمع انك عاوزه تطلقى عشان النت .. مش عارف حايعمل فيكى ايه ..
احنا نركز فى بناء الشخصيه وازاى تطالبى بحقوقك المشروعه وعودى نفسك يبقى صوتك اعلى ومحضره الكلام والحجج لاقناع من امامك ..
يعنى انتى دلوقتى فاتح النت وسايباه صح ؟
لو كده تبقى غلطانه لاننا مش عاوزين نحسسه ان النت واخدك منه..
وبعدين هو بيقرا مواضيعك تزعليه مننا كده

الظاهر ان كلامى مجاش على هواكى ..
ولا كانك قريتى حاجه ..
عادى ماتستطيعى تنفيذه نفذيه ومايصعب عليكى اجتهدى فيه
طيب خلاص
دمتى فجر