ارسل لي رسالة يقول جهزي اغراضك بوديك لاهلك بكرة مسافر .. قلت له لاتوديني ولا شيء اخوي بيجي ياخذني،، وش رأيكم؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

كل ماجيتي تكحلينها عميتيها..
الكل هنا يفيدك للأسف ماتسمعين نصايح أحد وتسوين اللي براسك..
الحياة الزوجية ماهي معادلة 1+1=2
الحياة الزوجية يبيلها مسايسة وصبر وإنت انسانة عنيدة..

خبريني بالله رايحة لأهلك زعلانة وش بتقولين لهم؟؟
تخربين صورة زوجك وبس..

والمصيبة بتخلين أخوك ياخذك...مدري وش منطقك في التفكير..
ماتحطين احتمال بكرة يقول لك زي ما طلعتي مع أخوك ارجعي معه...

فقعتي مرارتي...الله يعين زوجك على أسلوبك..

فعلا كلامك صح .. بس حسيت اني رخيصة عنده لما قال بوديك بيت اهلك كأنه يقول وش فيك مارحتي لهم لحد الان .. عموما اذا خلصت اغراضي بقوله جاهزة إذا بتوديني لاهلي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أحبه انطقي في بيتك واجلسي..والله لو إنت جنبي كان لطشتك عشان تجلسين ببيتك..شفيك ماتفهمين..
بلا رخيصة بلا كلام فاضي..فكري بعقل مو بعواطف..
قولي لزوجك أنا بجلس ببيتي ماني طالعة.. ونفسيتي مو مهيأة لأي حوار نأجل النقاش..

انت ماتتنازلين ولا تتراجعين..كبريائك مو في محله.

رفعتي ضغطططططي

هو قالي جهزي اغراضك بوديك لاهلك مسافر كيف اجلس في البيت مستحيل يخليني اجلس وهو مسافر

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أجل لطفي الجو واخرجوا متراضيين واتفقوا على موعد الرجوع وعيدوا مع بعض..واستغلوا الأيام في العبادة واتركوا المشاكل والمناقرة..
أحبه لا تكبري الموضوع بسطيه وحليه طالما تحبين زوجك..