ارسل لي رسالة يقول جهزي اغراضك بوديك لاهلك بكرة مسافر .. قلت له لاتوديني ولا شيء اخوي بيجي ياخذني،، وش رأيكم؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

انت يا تطخيييييه ..
يا تكسري مخه !؟

لا تقصري مع أمك و لاشي ..
و كلامك هذا من العقوق لأنك تدخلي الحزن في قلبها ..
و تحسسيها انها ثقيلة عليك و على زوجك و انها سبب لمشاكلك مع زوجك ..

على فكرة اختي أحبه ..
اعرف ناس يطلعوا من راتبهم شهريا ،، لامهم و ابوهم و هما ميتين ..

.
.

و زوجك ما راح يستغنى عنك ..

دامك قلتي له لا تتدخل في راتبي ..
خلاص كملي الموضوع للنهاية ..و حطي حد للموضوع ..

و معليه .. انت ما بتسمعي نصيحة احد
و بتكرري نفس اغلاطك كل مرة ..

ايش المشكلة لو هو وصلك بيت اهلك !؟
ليه تخلي اخوك ياخدك !؟

كل ماجيتي تكحلينها عميتيها..
الكل هنا يفيدك للأسف ماتسمعين نصايح أحد وتسوين اللي براسك..
الحياة الزوجية ماهي معادلة 1+1=2
الحياة الزوجية يبيلها مسايسة وصبر وإنت انسانة عنيدة..

خبريني بالله رايحة لأهلك زعلانة وش بتقولين لهم؟؟
تخربين صورة زوجك وبس..

والمصيبة بتخلين أخوك ياخذك...مدري وش منطقك في التفكير..
ماتحطين احتمال بكرة يقول لك زي ما طلعتي مع أخوك ارجعي معه...

فقعتي مرارتي...الله يعين زوجك على أسلوبك..

أظن هو مسافر يروح لأهله .. !؟
ما تقدري تروحي معاه !؟

فعلا كلامك صح .. بس حسيت اني رخيصة عنده لما قال بوديك بيت اهلك كأنه يقول وش فيك مارحتي لهم لحد الان .. عموما اذا خلصت اغراضي بقوله جاهزة إذا بتوديني لاهلي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وانا مااظن انه مسافر لان هو قالي مابقدر اسافر الا قبل العيد بيوم ولو كان بكرة خميس كان قلت يمكن صح مسافر لاهله .. عموما انا بجمع اغراضي وبعطيه خبر اذا بيوديني لاهلي ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أحبه انطقي في بيتك واجلسي..والله لو إنت جنبي كان لطشتك عشان تجلسين ببيتك..شفيك ماتفهمين..
بلا رخيصة بلا كلام فاضي..فكري بعقل مو بعواطف..
قولي لزوجك أنا بجلس ببيتي ماني طالعة.. ونفسيتي مو مهيأة لأي حوار نأجل النقاش..

انت ماتتنازلين ولا تتراجعين..كبريائك مو في محله.

رفعتي ضغطططططي

هو قالي جهزي اغراضك بوديك لاهلك مسافر كيف اجلس في البيت مستحيل يخليني اجلس وهو مسافر

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مكلومة فصلت ههههههههههههههههههههههههههه
جننتيها يا أحبه

__________________
الحمدلله الذي بنعمته تتم الصالحات